Fresh Precure!

《FRESH光之美少女！》（フレッシュプリキュア!）係由東堂泉（東堂いづみ）所創作嘅魔法少女動畫作品，《光之美少女系列》嘅第六輯，屬第四代光之美少女。2009年2月起喺ABC、朝日電視台播映。香港方面由翡翠台喺2011年12月10日起以「光之美少女：幸福精靈」嘅名義播出。

FRESH光之美少女！
フレッシュプリキュア！
FRESH Precure!
類型	魔法少女動畫
電視動畫 : フレッシュプリキュア！
原作	東堂泉
系列構成	前川淳
人物設定	香川久
動畫製作	東映動畫大泉製作室
製作	東映動畫（HDTV） 朝日放送
播放電視台	朝日電視台系
其他電視台： 東森幼幼台 無綫電視翡翠台
播放期間	2009年2月1日－2010年1月31日
話數	50集
Copyright	©ABC・東映アニメーション
延伸作品 漫畫 : フレッシュプリキュア！ 原作 東堂泉 作畫 上北雙子 出版社 講談社 連載雜誌 Nakayoshi 連載期間 2009年3月號 – 2010年2月號 話數 共13話（第13話為別本書附錄） 遊戲 : フレッシュプリキュア！ あそびコレクション 遊戲類型 美少女遊戲 使用平台 Nintendo DS 開發團隊 Bandai Namco Games 人物設定 川村敏江 媒體 DS Card 遊戲人數 1 發售日 2009年10月29日 對象年齡 CERO A 角色配音 有 代理發行（玩具） 麗嬰國際
模板說明

本作概要

繼前作《Yes! 光之美少女5》後，本作再由新角色同故事所構成。係「光之美少女系列」嘅第六部作品，內容上就係第四代光之美少女。

漫畫版2009年3月喺《Nakayoshi》（講談社）開始連載。原作東堂泉，作畫同先前一樣都係上北雙子。

最初光之美少女系列主要嘅觀眾係4到6歲嘅細路女，不過而家佢哋都已經由幼稚園畢業升學。為咗畀原有觀眾同廣泛嘅年齡層享受同樣故事性，製作組設計咗「第四名光之美少女」同秘密裝置「無限記憶體」等等嘅設定、重加入咗少女關心嘅跳舞、流行、戀愛元素等，人物設定都變得更加成熟、故事亦比起之前更貼近現實。朝日放送（ABC）嘅製片人吉田健一郎亦都話「希望之前有睇過光之美少女嘅少女Fans同大人一齊收睇嘅節目作為目標」。新嘅敵人設定都從以往「怪物」變成「人」、描寫為好純粹嘅「惡」，重塑造敵人形象同態度探討影響，再同今次呢套嘅主題「幸福」結合。

故事簡介

平行世界國家之一嘅「迷宮（Labyrinth）」，總統梅比斯為咗要策劃征服全部平行世界同埋要得到無限容量嘅「無限記憶體（Infinity）」，將三位幹部送去四葉鎮，目的係藉住三位幹部喺人類身上所收集嘅不幸同悲傷，嚟注滿「不幸計（FUKO Gauge）」。當不幸計儲滿之後，「無限記憶體」就垂手可得。

平行世界中嘅另一國家「甜蜜王國」嘅長老好快就察覺梅比斯既陰謀。為咗阻止梅比斯，長老決定喚醒傳說中嘅戰士——Pretty Cure，於是就喺森林祈禱，解除咗四條可以賦予PrettyCure力量嘅變身鎖匙「Pickrun」嘅封印。四條鎖匙為咗搵到PrettyCure，穿越時空嚟到四葉鎮。

喺四葉鎮，性格爽朗、讀緊中學二年級嘅少女桃園LOVE係人氣舞團「Trinity（三人組）」嘅Fans，因為俾隊長美雪嘅精彩舞蹈感動到，而有「我都要好似咁樣跳舞！」嘅念頭。但係喺某場表演途中，「迷宮」幹部創造嘅怪物「納克美克」走去襲擊現場觀眾，令會場陷入大騷動。「好想保護憧憬嘅人，好想再睇多次三人組嘅表演！」因為受呢種嘅心情驅使之下，桃園LOVE靠住啱啱抵達四葉鎮嘅「Pickrun」寄身而化成既「變身手機（Linkrun）」，變身成為Cure Peach。同嚟自「甜蜜王國（Sweets）」嘅塔多同埋希風，陸續變身成光之美少女嘅好朋友蒼乃美希、山吹祈里一齊，為咗打碎「迷宮」嘅野心，同埋要守護大家嘅笑容，以充滿愛、希望同埋祈願嘅心，同「迷宮」展開戰鬥。

光之美少女（Pretty Cure）

Cure Peach（キュアピーチ, Cure Peach^?）♥桃園LOVE（桃園ラブ, 桃園LOVE^?）

配音員：日：沖佳苗／港：曾秀清

• Cure Peach

屬性：愛

鎖匙：Pirun（皮嚕）　利用Pirun可以變出畀希風食嘅食物。

武器：Peach Rod（蜜桃杖／愛情神杖）　放出Peach Rod嗰陣會用Pirun插入變身手機，之後會講「要傳遞愛嘅旋律！CureStick！Peach Rod！」而香港係「要傳遞愛嘅旋律！幸福魔法棒！愛情神杖！」。

變身口號：「粉紅色嘅心係愛嘅印記！清新摘下Fresh，Cure Peach！」。香港版變身口號係「粉紅色嘅心係愛既印記！愛情精靈Fresh，Cure Peach！」。香港玩具代理稱號叫蜜桃天使。

• 桃園LOVE

年齡：14歲

學校：公立四葉中學　二年級生

口頭禪：「幸福終於攞到手啦！」

介紹：今季主角，活力十足，好鍾意跳舞，係一個在意其他人多過在意自己嘅女仔。雖然讀書唔太叻，但係生活係雙薪家庭嘅背景下可以主動擔起家務，而且廚藝唔錯；不過好唔鍾意食紅蘿蔔。佢都係舞團「Trinity」嘅Fans，一次偶然嘅機會下，「Trinity」隊長美雪同意教佢同朋友跳舞，於是就同青梅竹馬嘅美希、祈里組成新舞團「Clover」，目標係喺舞蹈比賽嬴到第一名。有次為咗拯救演出嗰陣時陷入困境嘅偶像美雪，用「愛」既力量覺醒而變身成Cure Peach。

• 必殺技

Pretty Cure Love Sunshine：雙手擺成心形，釋放出粉紅色衝擊波淨化敵人，出招時會講「罪惡罪惡統統飛散！Pretty Cure！Love Sunshine！」，而香港係「邪惡邪惡統統都飛走！幸福精靈！愛的光束！」。

Pretty Cure Love Sunshine Fresh：喺第8集得到Peach Rod之後嘅強化必殺技。利用Peach Rod畫出心形光彈封鎖敵人，之後再淨化，出招時會講「罪惡罪惡統統飛散！Pretty Cure！Love Sunshine‧Fresh！」，而香港係「邪惡邪惡統統都飛走！幸福精靈！愛的光束‧Fresh！」。

Pretty Cure Loving True Heart：用自己嘅雙手擺成心型，身後會有個巨大心型光盾釋放大量光輝淨化敵人，呢個係電影版中為Cure Peach自己一個變做Cure Angel時嘅招式，而動畫版第48集四位PrettyCure可以一齊用，更加可以變做光彈。

Cure Berry（キュアベリー, Cure Berry^?）♠蒼乃美希（蒼乃美希, 蒼乃美希^?）

配音員：日：喜多村英梨／港：曾佩儀

• Cure Berry

屬性：希望

鎖匙：Blun（普嚕）　利用Blun可以幫身邊嘅人換上唔同嘅衫。

武器：Berry Sword（藍莓之劍／希望聖劍）　放出Berry Sword嗰陣會用Blun插入變身手機，之後會講「回響希望嘅節奏！CureStick！Berry Sword！」而香港係「響徹雲霄‧希望嘅節奏！幸福魔法棒！希望聖劍！」。

變身口號：「藍色嘅心係希望嘅印記！清新累積Fresh，Cure Berry！」。香港版變身口號係「藍色嘅心係希望嘅印記！希望精靈Fresh，Cure Berry！」。香港玩具代理稱號叫藍莓天使。

• 蒼乃美希

年齡：14歲

學校：私立鳥越學園中等部（演藝學園）　二年級生

口頭禪：「我係完美既！」

介紹：體育萬能，潮流觸角敏銳，經常表露自己嘅美麗。夢想係成為時裝模特兒，因為咁所以對自己進行好嚴格嘅自我訓練。屋企開理髮店，同已經離婚嘅媽媽兩個人一齊生活。受桃園LOVE邀請，為咗等自己身形可以更加好睇而加入舞團。本來打算經爸爸介紹嘅公司面試考核後出國成為模特兒，但最終因為無辦法揼低PrettyCure嘅工作而暫時放棄。唔鍾意八爪魚之類嘅嘢。為咗拯救性命垂危嘅細佬，以「希望」嘅力量覺醒而變身成Cure Berry。

• 必殺技

Pretty Cure Espoir Shower：雙手擺成葵扇形，釋放出藍色衝擊波淨化敵人。「Espoir」即係法文「希望」咁解。出招時會講「罪惡罪惡統統飛散！Pretty Cure！ Espoir Shower！」，而香港係「邪惡邪惡統統都飛走！幸福精靈！希望光束！」。

Pretty Cure Espoir Shower Fresh：喺第17集得到Berry Sword之後嘅強化必殺技。利用Berry Sword畫出葵扇形光彈封鎖敵人，之後再淨化，出招時會講「罪惡罪惡統統飛散！Pretty Cure！Espoir Shower‧Fresh！」，而香港係「邪惡邪惡統統都飛走！幸福精靈！希望光束‧Fresh！」。

Cure Pine（キュアパイン, Cure Pine^?）♦山吹祈里（山吹祈里, 山吹祈里^?）

配音員：日：中川亞紀子／港：陳皓宜

• Cure Pine

屬性：祈願

鎖匙：Kirun（奇嚕）　利用Kirun可以理解動物嘅語言。

武器：Pine Flute（鳳梨笛／祈願長笛）　放出Pine Flute嗰陣會用Kirun插入變身手機，之後會講「治癒禱告既和聲！CureStick！Pine Flute！」而香港係「要療癒和平既祈願之音！幸福魔法棒！祈願長笛！」。

變身口號 : 「黃色嘅心係祈願嘅印記！清新摘下Fresh，Cure Pine！」。香港版變身口號係「黃色嘅心係希祈願嘅印記！祈願精靈Fresh，Cure Pine！」。香港玩具代理稱號叫菠蘿天使。

• 山吹祈里

年齡：14歲

學校：基督教系私立白詰草女子學院中等部　二年級生

口頭禪：「我相信！」

介紹：朋友都會叫佢做「小吹（ブッキー）」（中文會叫小祈）。為人大方，但對自己冇乜自信。為咗改變咁樣嘅自己而喺桃園LOVE嘅鼓勵之下加入舞團。學習成績雖然好，但係就冇乜社會常識。由於屋企經營動物醫院，所以對動物非常了解，夢想係繼承屋企嘅動物醫院同埋做到一個出色嘅獸醫。好鍾意動物，但雪貂例外，所以因為咁都好驚同塔多接觸，後來機緣巧合下消除咗對雪貂嘅恐懼並同塔多做咗好朋友。口頭禪係「我相信！」。為咗拯救遭到敵人操縱嘅自家醫院顧客，以「祈願」嘅力量覺醒而變身成Cure Pine。

• 必殺技

Pretty Cure Healing Prayer：雙手擺成菱形，釋放出黃色衝擊波淨化敵人。出招時會講「罪惡罪惡統統飛散！Pretty Cure！ Healing Prayer！」，而香港係「邪惡邪惡統統都飛走！幸福精靈！祈願光束！」。

Pretty Cure Healing Prayer Fresh：喺第13集得到Pine Flute之後嘅強化必殺技。利用Pine Flute畫出菱形光彈封鎖敵人，之後再淨化，出招時會講「罪惡罪惡統統飛散！Pretty Cure！Healing Prayer‧Fresh！」，而香港係「邪惡邪惡統統都飛走！幸福精靈！祈願光束‧Fresh！」。

Cure Passion（キュアパッション, Cure Passion^?）♣東剎那（東せつな, 東剎那^?）♥伊絲（イース, Eas^?）

配音員：日：小松由佳／港：羅杏芝

• Cure Passion

屬性：幸福

鎖匙：Akarun（卡嚕）　利用Akarun嘅力量，可以瞬間移動去任何地方。

武器：Passion Harp（熱情果豎琴／幸運豎琴）　放出Passion Harp嗰陣會用Akarun插入變身手機，之後會講「唱歌啦幸福嘅狂想曲！PassionHarp！」而香港係「歌頌！幸運嘅狂想曲！幸運豎琴！」。

變身口號：「紅嘅心係幸福嘅見證！清新成熟Fresh，Cure Passion！」。　香港版變身口號係「鮮紅色嘅心係幸福嘅證明！幸運精靈Fresh，Cure Passion！」。香港代理嘅稱號稱作熱情果天使。

• 東剎那

年齡：14歲

學校：公立四葉中學　二年級生

口頭禪：「我會全力以赴！」

介紹：梅比斯總統嘅部下，衣着係紅黑相間。過去係四葉鎮外嘅洋館以占卜師為副業，係個冷若冰霜嘅美人。偶然同LOVE相遇、因為咁被總統指派以東剎那嘅身分接近桃園LOVE等人。對PrettyCure存有敵意，但桃園LOVE當佢係朋友。喺那奇撒基卑用盡之後，佢向敵人揭露自己嘅真實身分，更加因為任務失敗而被總統賜死。了解到所謂真正嘅幸福後，鎖匙嘅力量令佢復活成為PrettyCure、唔再受到迷宮嘅操縱。喺步美同意下，佢住咗喺桃園家、重加入Clover同就讀公立四葉中學桃園LOVE班上。因「幸福」嘅力量覺醒而變身成Cure Passion。佢原名Eas其實係英文「東（East）」嘅變形。香港電視寫人名就做「東雪奈」。

• 必殺技

Pretty Cure Happiness Hurricane：利用Passion Harp，然後身體不停旋轉刮起帶住羽毛嘅暴風封鎖敵人，並加以淨化。出招時會講「吹襲啦！幸福既風暴！Pretty Cure！Happiness Hurricane！」，而香港係「幸福風暴請你盡情吹襲啦！幸福精靈！幸福旋風！」。

合體招式

Pretty Cure Punch（光之美少女　飛拳）

Pretty Cure Kick（光之美少女　飛踢）

Pretty Cure Triple Fresh（光之美少女三重爆擊Fresh）

Cure Peach、Cure Berry、Cure Pine三人喺光之美少女 All Stars DX電影裏面雙手各自擺成代表自己嘅圖案，釋放出大量自己代表色嘅衝擊波淨化敵人。

Lucky Clover Grand Finale （幸運四葉草終極舞曲）

四位PrettyCure喺召喚Clover Box（幸運草寶盒）嘅力量後各自變出代表自己顏色嘅心形光片，依住次序組合成一塊四葉草外形嘅光盤，飛向敵人上方並巨大化，四人再一齊企係光盤上面，同時令敵人喺光盤中央被封鎖再加以淨化。出招時會講「CloverBox...你將力量借畀我哋！PrettyCureFormation！Ready~Go！HappinessLeaf‧Set‧Pine！PlusOne‧PrayerLeaf‧Berry！PlusOne‧EspoirLeaf‧Peach！PlusOne‧LovelyLeaf！Lucky Clover Grand Finale！！！！」，而香港係「幸運草寶盒…你將力量借畀我哋！PrettyCureFormation！Ready~Go！幸福之葉‧Set‧Pine！加一片‧祈願之葉‧Berry！加一片‧希望之葉‧Peach！加一片‧愛情之葉！幸運草終結光束！！！！」。

CureAngel（光之天使）

光之美少女四人喺48集同埋Cure Peach係電影版入面嘅終極形態。被稱為「超越傳說，係奇蹟嘅光之美少女」。四人背後都有可伸縮嘅翼可以飛行，衫嘅顏色全部變淺，心口嘅四葉草標示加咗一塊白色嘅葉而變成五塊葉。

變身口號：「白色嘅心係大家嘅心！展翅飛翔Fresh，Cure Angel！」，香港版變身口號係「我哋擁有嘅係純潔一致嘅心！天使精靈Fresh，Cure Angel！」。　

Pretty Cure Loving True Heart（光之美少女真愛之心）

用自己嘅雙手擺成心形，之後身後會出現一個超大嘅心形光盾釋放光輝淨化罪惡。

喺電影版Cure Peach自己一個進化做Cure Angel時嘅招式，電視版四個PrettyCure進化為Cure Angel後都可以一齊使用。

Pretty Cure Loving True Heart Fresh（光之美少女真愛之心 Fresh）

結局梅比斯要自爆嗰陣PrettyCure同所有人一齊祈禱，之後會出現一堆發光嘅心形光球，PrettyCure同塔多堄人嘅心口都出現咗一個巨形發光嘅心形光球，最後所有心形光球變成一個心形大光彈飛向變成Infinity嘅Chiffon度，最後將Chiffon變回原狀。出招時會講「將心意傳遞！PrettyCure！Loving True Heart。Fresh！」，而香港係「將心意傳送出去！幸福精靈！真愛之心。Fresh！」。

登場人物

甜蜜王國

位於同主角世界唔同嘅另一次元，國內主要居民係妖精，方言接近日本嘅關西腔。

塔多（タルト, Tart^?）

配音員：日：松野太紀／港：黃啟昌

甜蜜王國嘅使者，要去搵傳說戰士PrettyCure同埋負責照顧希風。外形好似雪貂，平時用桃園LOVE屋企寵物嘅身分作為掩護，另外喺薰仔嘅鋪頭玩雜耍招攬客人賺冬甩食。成日杞人憂天，但聽到感人嘅故事就會好易喊，亦好憂心幾位主角係咪真係可以兼顧戰士嘅使命同跳舞願望。實際身分係甜蜜王國嘅王子。

希風（シフォン, Chiffon^?）

配音員：日：興梠里美／港：林元春

喺甜蜜王國俾長老收養，來歷不明嘅女嬰。額頭上嘅標誌一發光就可以發揮特殊能力，例如令周圍物品飄浮，重會感知到敵人嘅力量，甚至可以中止那奇撒基卑嘅機能。細細個重會有啲任性，興趣係用特殊能力整蠱其他人。平時喺桃園LOVE屋企扮毛公仔。

同四條變身鑰匙重有PrettyCure嘅力量有不明關聯，而且會隨住PrettyCure嘅力量提升而成長：經Pirun（皮嚕）強化後食到固體食物，經Kirun（奇嚕）強化後就講到嘢；並可以利用Blun（普嚕）着唔同嘅衫。

故事後期不幸儲存計儲滿後顯現本身擁有無限記憶體（Infinity），喺不幸時會維持喪失意識嘅夢遊狀態，可以用幸運草寶盒暫時復原。

提拉米蘇（長老ティラミス, Tiramisu^?）

配音員：日：緒方賢一／港：陳永信

甜蜜王國嘅長老、最初收養希風嘅人。為阻止迷宮嘅陰謀而帶住希風入森林解除四個「Pickrun」嘅封印，並派塔多同埋希風去揾傳說中嘅戰士光之美少女。個性咸濕。

豆沙（アズキーナ, 豆沙^?）

配音員：日：一色真由／港：高可慧

塔多嘅未婚妻，全身粉紅色，左耳同埋頸有五片櫻花花瓣嘅松鼠形生物，衷心期待塔魯多返王國。

喺甜蜜王國被迷宮佔領時幸得長老相救，成為唯一嘅倖存者，並同班主角一齊去迷宮。

香港代理譯名為「阿茲娜」。

沃夫（ワッフル, Waffle^?）

配音員：日：堀本等／港：招世亮

甜蜜王國君主。過去由佢王室記載同提拉米蘇長老預知未來發生嘅災難同埋光之美少女傳說。

瑪德蓮（マドレーヌ, Madeleine^?）

配音員：日：熊谷妮娜／港：林元春

甜蜜王國王后。沃夫嘅老婆。

迷宮（Labyrinth）

梅比斯（メビウス, Mebius^?）

配音員：日：西村知道／港：朱子聰

管理國家「迷宮」嘅總統。以征服全部嘅平行世界為目的，由其他世界收集不幸同埋痛苦，去儲量不幸計，以求得到控制所有平行世界所必須、擁有無限容量嘅記憶體「infinity」，因此將三位幹部傳送至桃園LOVE嘅世界。雖然身為領袖，當伊絲即將無法承受卡片造成嘅傷害時，佢表示並唔在意捨棄失去利用價值嘅部下。

佢個名源自數學上代表無窮大嘅莫比烏斯帶（Möbius strip或者Möbius band）。

伊絲（イース, Eas^?）

睇#光之美少女（Pretty Cure）。

威斯特／西隼人（ウエスター／西隼人, Wester^?）

配音員：日：松本保典／港：伍博民

梅比斯總統嘅部下，着黃黑間衫。身型健碩，擅於肉搏戰。出戰次數較多，但取得嘅成績比其餘兩位幹部差。經常出街觀察路人，尋找更有效收集不幸嘅方法，但總係不得要領、甚至無意間幫到旁人。頭腦比較笨，亦因此經常被其他同伴輕視。偽裝成普通人嘅外型好受女性歡迎。

真名係英文「西（West）」嘅變形。

桑拉／南瞬（サウラー／南瞬, Souler^?）

配音員：日：鈴村健一／港：周良鴻

梅比斯總統嘅部下，着綠黑間衫。長髮美男子，擅用武器及計謀嘅策略家。個性同伊絲同樣冷酷，執着於知識，唔將人類嘅感情放在眼內。

真名係英文「南（South）」嘅變形。

諾莎／北那由他（ノーザ／北那由他, Northa^?）

配音員：日：渡邊美佐／港：黃玉娟

第三十六集登場。梅比斯總統部下之中嘅最高級幹部。因梅比斯總統認為先前派遣嘅幹部已經冇用，所以請克萊因差遣而來協助。擁有製造空間狹門同埋操控植物生死嘅能力。

後來喺DX2中復活，和莓天使，舞天使，還與金肉王一起對抗花蕾天使，最後和深海合體。

真名係英文「北（North）」嘅變形。

克萊因（クライン, Cline^?）

配音員：日：樋渡宏嗣／港：雷霆

總統梅比斯嘅左右手，負責監視收集不幸嘅幹部並向梅比斯報告戰績同埋收集到嘅光之美少女情報。外貌係中年男子，同韋斯達一樣着黃黑間衫，心口嘅那基華米基菱形係深藍色。

名字的由來可能是英文「哭泣（crying）」，另一講法係取自提出無定向性平面「克萊因瓶」嘅德國數學家菲利斯‧克萊因。

納克美克（ナケワメーケ, Nakewameke^?）

配音員：日：中野慎太郎／港：蕭徽勇

「迷宮」使用嘅第一刺客物質，原形係菱形寶石圖案嘅卡狀物，可以上物體或動物身並改變佢嘅形態。被打敗後蒸發消失。伊絲所持有嘅係紅色，韋斯達所持有嘅係黃色，索羅所持有嘅係綠色。原文係「喊啦、叫啦」諧音。

那奇撒基卑（ナキサケーベ, Nakisakebe^?）

配音員：日：中野慎太郎／港：蕭徽勇

「迷宮」嘅第二刺客物質，係總統賦予伊絲嘅納克美克實驗中嘅強化型。原形係分成四部份嘅三角形卡狀物，每次用嗰時，卡上嘅眼睛會打開，打敗後消耗其中一張。可以上納克美克形成嘅怪物身，加強佢嘅力量，亦可以好似納克美克噉直接上物體身。發動後使用者手背上會出現同卡片相同嘅徽記，將所受傷害將全數轉移到使用者身上，令使用者承受極大痛楚，甚至有機會因此失去性命或成為廢人。原文係「大聲喊」諧音。

索列塔西（ソレワターセ, Sorewatase^?）

配音員：日：中野慎太郎／港：蕭徽勇

「迷宮」嘅第三刺客物質。原型係FUKO液澆灌所生長出來嘅球體果實，用嗰時變成人形再逐漸變大成怪物。若果初型態嘅怪物吞噬納克美克便就開始轉換型態，第二型態擁有被吞噬嘅納克美克屬性、特徵，力量亦更為強大。被打敗後爆裂三次消失。原文係「同我交出嚟」諧音。

霍霍伊米娜（ホホエミーナ, 霍霍伊米娜^?）

配音員：日：中野慎太郎／港：袁淑珍

後期撒烏拉同埋威斯特以白色卡片創造嘅刺客物質，性質同納克美克相反，樂意輔助主人同埋光之美少女嘅戰鬥。個名意思係「歡笑」，港譯為「笑面盈盈」。

班主角嘅親友

桃園步美（桃園あゆみ, 桃園步美^?）

配音員：日：冰上恭子／港：沈小蘭、林元春（代配）

桃園LOVE嘅阿媽，做超級市場收銀。過去曾奪得四葉鎮小姐嘅頭銜。

桃園圭太郎（桃園圭太郎, 桃園圭太郎^?）

配音員：日：高瀨右光／港：伍博民→雷霆

桃園LOVE嘅阿爸。任職假髮開發及設計。

桃園源吉（桃園源吉, 桃園源吉^?）

配音員：日：麥人／港：招世亮

桃園LOVE嘅阿公，步美嘅阿爸，係曾經存在嘅桃園塌塌米店主，十年前去世，對桃園LOVE嘅童年影響好深。

蒼乃麗美（蒼乃レミ, 蒼乃麗美^?）

配音員：日：雨蘭咲木子／港：黃玉娟

蒼乃美希嘅阿媽，屋企經營美髮及美甲沙龍。以前係紅極一時嘅明星。

一条和希（一条和希, 一条和希^?）

配音員：日：KENN／港：張裕東

蒼乃美希嘅細佬，亦就讀鳥越學園。父母離婚後同阿爸同居。經常同美希私下見面，被美希利用來驅趕追求者。細個係個喊包，由於身體唔多好而有點啲悲觀，希望第日做到醫生。

山吹正（山吹正, 山吹正^?）

配音員：日：木村雅史／港：招世亮

山吹祈里嘅阿爸，係個有仁德嘅獸醫，對祈里影響幾深。

山吹尚子（山吹尚子, 山吹尚子^?）

配音員：日：根谷美智子／港：黃玉娟→林元春

山吹祈里嘅阿媽，同老公一起喺獸醫院做。

阿薰（カオルちゃん, 阿薰^?）

配音員：日：前田健／港：張錦江→葉振聲

喺桃園LOVE三人練舞嘅公園賣冬甩嘅叔叔。經常出言指導及鼓勵桃園LOVE等人，亦係少數同塔多、希風熟識嘅人類之一。佢嘅原名、年齡、住址來歷都不詳（喺電影版設定集提到佢原名橘薰），有包含王室保鑣同埋賽車手等眾多特殊職業嘅神秘過去。

美雪（ミユキ, 美雪^?）

配音員：日：飯塚雅弓／港：朱妙蘭

17歲，舞團「Trinity」嘅隊長，沖繩出身，桃園LOVE嘅憧憬對象。受那基華米基襲擊時俾桃園LOVE救咗，為感謝桃園LOVE而教桃園LOVE三人跳舞。一度被認定係光之美少女嘅人選，塔多私自決定請求佢成為光之美少女，但就俾美雪以工作無法兼顧為由一口拒絕。後來喺舞蹈大賽目睹LOVE等人變身，因此一齊隱瞞光之美少女嘅秘密。

玲香（レイカ, 玲香^?）

配音員：日：世戶沙織／港：余欣沛

舞團「Trinity」嘅成員，髮型係金色短髮。

奈奈（ナナ, 奈奈^?）

配音員：日：一色真由／港：沈小蘭

舞團「Trinity」嘅成員，髮型係淡橙色長髮。

知念大輔（知念大輔, 知念大輔^?）

配音員：日：新垣樽助／港：周倚天

桃園LOVE嘅同學。同桃園LOVE經常意見不合嗌架，但其實好關心桃園LOVE。實則係美雪嘅細佬，能提供Trinity嘅情報同埋表演入場券，曾經將美雪嘅行程表洩露畀桃園愛三人。暑假過後做咗校內棒球社嘅主投。

澤裕喜（沢裕喜, 澤裕喜^?）

配音員：日：植田真介／港：曹啟謙

桃園LOVE嘅同學，鍾意異性但一直識唔到女朋友。對美希抱有好感而展開追求，但係襄王有心神女無夢。暑假過後做咗校內棒球社嘅捕手。

御子柴健人（御子柴健人, 御子柴健人^?）

配音員：日：豐永利行／港：周良鴻

桃園LOVE嘅同學，個性內向溫吞。裕子柴財團嘅繼承人，對祈里有好感。

由美（ゆみ, 由美^?）

配音員：日：一色真由／港：林元春

桃園LOVE嘅同學，鍾意麻生學長。經桃園LOVE撮合下成為一對情侶。

其他

麻生（麻生, 麻生^?）

配音員：日：松野太紀／港：周倚天

四葉中學三年級學長，已轉校。

千香（千香, 千香^?）

配音員：日：天野由梨／港：成瑤孆

喺第十八集，和希去醫院就診時邂逅，長期住院嘅女仔，係光之美少女嘅崇拜者，收集咗大量光之美少女嘅雜誌剪報。對希風愛不釋手，亦係第一個知道希風係生物嘅外人。得到希風同光之美少女嘅鼓勵後消除咗做手術嘅恐懼。

奧黛麗（若林正恭、春日俊彰）（オードリー, 奧黛麗（若林正恭、春日俊彰）^?）

配音員：日：奧黛麗（若林正恭、春日俊彰）／港：關令翹、雷霆

喺第二十七集登場嘅真人客串，擔任相聲大賽嘅表演嘉賓。同塔多喺街上偶然相遇，於桃園愛一行人因意外混入表演時鼓勵佢哋。喺光之美少女受到攻擊後出手解圍，得知光之美少女四人身份並答應保守秘密，香港將個名譯為「大路行」。

茱莉亞諾（ジュリアーノ, 茱莉亞諾^?）

配音員：日：平松晶子／港：謝潔貞

快感國王室成員保鑣，薰仔嘅同事。

傑佛利（ジェフリー, 傑佛利^?）

配音員：日：渡邊久美子／港：高可慧

快感國王子。因為感覺得唔到父王同母后嘅關心而帶住寶石波塞冬的冷汗出走，期間遇到桃園愛四人。曾一度成為捕鼠嘅人質，獲救後同雙親和好如初。

捕鼠（Get Mouse, 捕鼠^?）

配音員：日：中村秀利／港：朱子聰

一直偽裝成快感國王室管家嘅大盜，目標係奪得寶石波塞冬的冷汗。

動物吉田（アニマル吉田, 動物吉田^?）

配音員：日：菊池正美／港：朱子聰

電視節目《偵探寵物特訊》嘅主持人。喺山吹寵物醫院帶住寵物狗小丸睇診嗰時，偶然發現塔多只係類似雪貂嘅生物並偷拍落嚟，節目播出後造成一時騷動。

岩月老師（岩月先生, 岩月老師^?）

配音員：日：增岡由紀子

四葉中學教師，桃園LOVE嘅班主任。

電視動畫

日本

「FRESH光之美少女！」（フレッシュプリキュア！）

• 播放電視台同時間：朝日電視台、逢星期日朝早8點半至9點
• 播放日期：2009年2月1日－2010年1月31日 全50集

香港

「光之美少女：幸福精靈」

• 播放電視台及時間：翡翠台、逢星期六、日下晝5點至5點半，以粵語配音播出。
• 播放日期：2011年12月10日－2012年5月27日 全50集

各集標題

FRESH光之美少女!各集標題（全50集）

集數	標題（日文原文）	標題（香港翡翠台翻譯）	劇本	演出	作畫監督	美術	香港放送日
第1集	もぎたてフレッシュ!キュアピーチ誕生!!	愛情精靈Fresh！Cure Peach誕生！！	前川淳	志水淳兒	爲我井克美	行信三	2011年 12月10日
第2集	つみたてフレッシュ!キュアベリー誕生!!	希望精靈Fresh！Cure Berry誕生！！		岩井隆央	飯飼一幸	增田龍太郎	12月11日
第3集	とれたてフレッシュ!キュアパイン誕生!!	祈願精靈Fresh！Cure Pine誕生！！		川田武範	高橋任治	須和田真	12月17日
第4集	シフォンが迷子?町中もう大騒ぎ!!	希風迷路？引發騷動！！	赤尾でこ	石平信司 田中裕太	飯島秀一	飯島由樹子	12月18日
第5集	遊園地でドキドキ!ワクワクデート気分!?	去遊樂場玩！興奮又緊張！？	柿原優子	三塚雅人	奥山美佳	井芹達朗	12月24日
第6集	消えたハンバーグ!大好きなものを守れ!!	漢堡扒消失了！要守護心愛的東西！！	山下憲一	座古明史	河野宏之	飯島由樹子	12月25日
第7集	せつなとラブ 友情のクローバー!	雪奈和小愛 友情四葉草！	成田良美	山崎和男 黒田成美	ポール・アンニョヌエボ	井芹達朗	12月31日
第8集	シフォン大ピンチ!ピーチの新しい力!!	希風陷入大危機！Peach的新力量！！	廣田光毅	長峯達也	宮本繪美子	須和田真	2012年 1月1日
第9集	美希の夢 私プリキュアやめる!!	美希的夢想 我不做Pretty Cure了！！	前川淳	小村敏明	川村敏江	飯島由樹子	1月7日
第10集	タルトが祈里で祈里がタルト!?	塔多是祈里 祈里是塔多！？	赤尾でこ	石平信司 三塚雅人	飯飼一幸	井芹達朗	1月8日
第11集	ミユキの怒り!もうダンスは教えない!?	美雪的怒火！以後不再教跳舞！？	柿原優子	川田武範	伊藤智子	中村光毅	1月14日
第12集	みんなで変身!フサフサ大作戦!!	大家都變身！飄逸大作戰！！	山下憲一	松本理惠	爲我井克美	井芹達朗	1月15日
第13集	シフォンが病気!?パインの新しい力!!	希風生病了！？Pine的新力量！！	成田良美	岩井隆央	高橋任治	飯島由樹子	1月21日
第14集	4人目のプリキュア!?アカルンを探せ!!	第四個Pretty Cure！？尋找卡嚕！！	廣田光毅	三塚雅人	河野宏之	須和田真	1月22日
第15集	せつなとラブ 相手を思いやる心!	雪奈和小愛 關顧對方的心！	前川淳	座古明史	飯島秀一	飯島由樹子	1月28日
第16集	恐怖の文化祭! 夜の学校に響く足音!!	恐怖的文化祭！學校夜晚的腳步聲！！	赤尾でこ	黑田成美	奥山美佳	井芹達朗	1月29日
第17集	シフォンはまかせて!ベリーの新しい力!!	照顧希風！Berry的新力量！！	柿原優子	八島善孝 田中裕太	ポール・アンニョヌエボ	飯島由樹子	2月4日
第18集	プリキュアに会いたい! 小さな女の子の願い!!	想見Pretty Cure！小女孩的心願！！	山下憲一	長峯達也	青山充	中村光毅	2月5日
第19集	新たなカード! イースの新しい力!!	新卡！伊絲的新力量！！	成田良美	川田武範	川村敏江	須和田真	2月11日
第20集	ダンスとプリキュア…どちらを選ぶ?	跳舞與Pretty Cure…該如何選擇？	廣田光毅	小村敏明 三塚雅人	飯飼一幸	井芹達朗	2月12日
第21集	4人目のプリキュアはあんさんや!!	第四個Pretty Cure，是你了！！	赤尾でこ	岩井隆央	宮本絵美子	飯島由樹子	2月18日
第22集	せつなとラブ あなたがイースなの!?	雪奈和小愛 你就是伊絲！？	成田良美	松本理惠	河野宏之	增田龍太郎	2月19日
第23集	イースの最期!キュアパッション誕生!!	伊絲的終結 Cure Passion誕生！！	前川淳	石平信司 黑田成美	伊藤智子	井芹達朗	2月25日
第24集	せつなの苦悩 わたしは仲間になれない!	雪奈的煩惱 不可以成為同伴！	伊藤睦美	座古明史	香川久	飯島由樹子	2月26日
第25集	イース対パッション!?私は生まれ変わる!!	伊絲對Passion！？我已經重生了！！	赤尾でこ	川田武範	飯島秀一	須和田真	3月3日
第26集	４つのハート!私も踊りたい!!	四顆心！我也想跳舞！！	山下憲一	三塚雅人	青山充	井芹達朗	3月4日
第27集	夏だ!祭りだ!オードリー!!	夏日！祭典！大路行！！	赤尾でこ	岩井隆央	川村敏江	增田龍太郎	3月10日
第28集	大切な記憶!おじいちゃんとの思い出!!	重要的記憶！與外公的回憶！！	成田良美	小村敏明	ポール・アンニョヌエボ	飯島由樹子	3月11日
第29集	謎だらけの男!カオルちゃんの正体!?	謎樣男人！阿薰的真正身份！？	廣田光毅	石平信司 松本理惠	奥山美佳	井芹達朗	3月17日
第30集	タルト危機一髪!正体がばれちゃう!?	塔多千鈞一髮！暴露真正身份！？	山下憲一	長峯達也	飯飼一幸	飯島由樹子	3月18日
第31集	ラブと大輔 仲直りのしかた!	小愛和大輔 和解的方法！	伊藤睦美	黑田成美	河野宏之	須和田真	3月24日
第32集	さようなら!タルトとシフォン!!	再見了！塔多、希風！！	廣田光毅	八島善孝 田中裕太	伊藤智子	井芹達朗	3月25日
第33集	美希とせつなのこわいもの!	美希和雪奈最怕之物！	成田良美	織本まきこ	青山充	增田龍太郎	3月31日
第34集	インフィニティ現れる!明日を取り戻せ!!	無限出現！要取回明天！！	前川淳	川田武範	飯島秀一	飯島由樹子	4月1日
第35集	シフォンの隠された秘密!	希風，隱藏的秘密！		石平信司 松本理惠	ポール・アンニョヌエボ	井芹達朗	4月7日
第36集	新たな敵!その名はノーザ!!	新敵人！諾莎！！	赤尾でこ	大塚隆史	香川久	飯島由樹子	4月8日
第37集	シフォンを守れ!プリキュアの新しい力!!	要保護希風！Pretty Cure的新力量！！	山下憲一	小村敏明	奥山美佳	須和田真	4月14日
第38集	クローバーボックスを探せ!!	尋找幸運草寶盒！！	廣田光毅	岩井隆央	川村敏江	井芹達朗	4月15日
第39集	ケンカは禁止?沖縄修学旅行!!	禁止吵架？沖繩旅行！！	成田良美	松本理惠	青山充	增田龍太郎	4月21日
第40集	せつなとラブ お母さんが危ない!	雪奈和小愛 媽媽有危險！	伊藤睦美	座古明史 黑田成美	伊藤智子	飯島由樹子	4月22日
第41集	祈里と健人の船上パーティー!	船上宴會！	赤尾でこ	川田武範	飯飼一幸	井芹達朗	4月28日
第42集	ラビリンスからの招待状!	迷宮的邀請信！	山下憲一	長峯達也	河野宏之	杉浦正一郎	4月29日
第43集	世界を救え!プリキュア対ラビリンス!!	拯救世界！Pretty Cure對迷宮！！	廣田光毅	大塚隆史	ポール・アンニョヌエボ	吉井俊雄	5月5日
第44集	妖しき草笛!奪われたシフォン!!	奇怪笛聲！希風被擒！！	前川淳	八島善孝 田中裕太	飯島秀一	井芹達朗	5月6日
第45集	４人はプリキュア!クリスマスイブの別れ!!	四個人是Pretty Cure！平安夜出征！！		黑田成美	奥山美佳	須和田真	5月12日
第46集	サウラーとウエスター 最期の戦い!!	桑拉和威斯特 最後之戰！！	成田良美	岩井隆央	川村敏江	猿谷勝己	5月13日
第47集	世界が変わる!ドーナツが起こした奇跡!!	世界改變！甜甜圈引發的奇蹟！！	赤尾でこ	川田武範	伊藤智子	井芹達朗	5月19日
第48集	最終決戦!キュアエンジェル誕生!!	最終決戰！Cure Angel誕生！！	山下憲一	志田直俊 三塚雅人	ポール・アンニョヌエボ	吉井俊雄	5月20日
第49集	驚きの真実!メビウスの本当の姿!!	令人震驚的真相！梅比斯的真面目！！	廣田光毅	門倉小平太 田中裕太	河野宏之	井芹達朗	5月26日
第50集	笑顔がいっぱい!みんなで幸せゲットだよ!	好多笑臉！大家都得到幸福！	前川淳	座古明史	香川久	猿谷勝己	5月27日

製作人員

• 企畫：西出將之（ABC）、松下洋子（ADK）、關弘美
• 製作人：吉田健一郎（ABC）、鶴崎りか（ADK）、梅澤淳稔
• 原作：東堂泉
• 連載：講談社《なかよし》（漫画：上北ふたご）
• 系列導演：志水淳兒、座古明史（第16話起）
• 系列構成：前川淳
• 音樂：高梨康治
• 製作擔當：坂井和男
• 美術設計：行信三
• 彩色設計：佐久間ヨシ子
• 人物設計：香川久
• 制作協力：東映
• 制作：ABC、ADK、東映動畫

主題曲

前期片頭曲「Let's！フレッシュプリキュア！」（第1話～第25話）

作詞：六ツ見純代，作曲：高取秀明，編曲：龜山耕一郎，歌：茂家瑞季

後期片頭曲「Let's！フレッシュプリキュア！〜Hybrid ver.〜」（第26話～第50話）

作詞：六ツ見純代，作曲：高取ヒデアキ，編曲：龜山耕一郎、村田昭，歌：茂家瑞季

前期片尾曲「You make me happy！」（第1話～第25話）

作詞：六ツ見純代，作曲：marhy，編曲：龜山耕一郎，歌：林桃子

後期片尾曲「H@ppy Together！！！」（第26話～第50話）

作詞：六ツ見純代，作曲：marhy，編曲：村田昭、marhy，歌：林桃子

• 本作喺片尾曲首次用全3D結尾動畫。並由幫薰仔配音嘅搞笑藝人前田健擔任故事中跳舞嘅創作同動作，亦作為片尾曲嘅舞。

劇場版

電影 FRESH光之美少女！玩具王國有很多秘密！？

映画フレッシュプリキュア！　おもちゃの国は秘密 がいっぱい！？

「心中愛的光芒！為了保護大家最重要的東西，光之美少女奇蹟的大變身！！」

• 日本上映日期：2009年10月31日

故事簡介

喺LOVE、美希、祈里同剎那四人舉行睡衣派對嘅夜晚中，鎮上嘅玩具一而再噉消失。突然間LOVE嘅公仔「兔寶寶」竟然由櫥櫃裏面走出嚟，並且同佢哋講啲細路嘅玩具不斷消失嘅原因，係想征服世界嘅「玩具魔神」嘅詭計。好唔容易嚟到眾多玩具嘅故鄉「玩具王國」，但係玩具魔神就用咗眾多嘅秘密機關設法奪取光之美少女。兔寶寶跟住啲玩具消失，好多細路悲痛嘅喊聲傳達到LOVE隻耳仔，呢個時候LOVE至諗起喺小學三年級將兔寶寶遺忘喺櫥櫃嘅事，但問題係兔寶寶而家到底去咗邊在，又應該點樣平息玩具魔神嘅憤怒呢？

登場人物

兔寶寶（ウサピョン, 兔寶寶^?）

配音員：日：鶴弘美

桃園LOVE嘅兒時玩伴，係個兔子布公仔。左耳嘅棉花露出來外表破破爛爛，不過LOVE並唔想揼咗佢。LOVE喺小學三年級嗰時將佢放喺櫥櫃裏面而唔記得咗。自從發生咗玩具消失嘅怪事之後，就喺大家面前現身，帶領大家前往玩具王國。

玩具魔神（トイマジン, 玩具魔神^?）

配音員：日：鹽屋浩三

住喺玩具王國嘅魔人。對啲細路揼咗啲玩具感到震怒，立志要向啲細路報復，想由啲細路手上奪取玩具。由於兔寶寶帶領光之美少女來到玩具王國，所以怕計畫失敗而同光之美少女搏鬥。佢嘅真正身分係一隻小熊布偶，因怨恨集中於一身而進化成魔人。最終被Cure Angel以「真愛之心」消滅，化為無數玩具消失。

後來喺DX3中復活，同露米納斯、火天使、星天使、紫天使、Cure Pine、Cure Passion、陽光天使同埋月光天使交戰，最終被Cure Peach、Cure Berry、Cure Pine與Cure Passion再次消滅。

主題曲

片頭曲：「Let's！フレッシュプリキュア！～Hybrid ver.～for the Movie」

• 作詞：六ツ見純代，作曲：高取ヒデアキ，編曲：龜山耕一郎、村田昭，歌：茂家瑞季、光之美少女配音

片尾曲：「H@ppy Together!!! for the Movie」

• 作詞：六ツ見純代，作曲：marhy，編曲：marhy、村田昭，歌：林桃子、光之美少女配音

All Stars 系列

All Stars DX1 喺本作播出期間上映，因此以本作故事初期設定為準。

内文：光之美少女 All Stars DX 大家都是朋友☆奇蹟的全員大集合！

内文：光之美少女 All Stars DX2 希望之光☆守護彩虹寶石！

内文：光之美少女 All Stars DX3 傳達到未來！連結世界☆彩虹之花！

内文：光之美少女 All Stars New Stage 未來的朋友

出面網頁

• FRESH 光之美少女！（ABC）
• FRESH 光之美少女！（東映動畫）
• FRESH 光之美少女！玩具王國有好多秘密！？（電影）
• FRESH 光之美少女！網路遊戲
• FRESH 光之美少女！遊戲合集（日本萬代遊戲）
• 幸福精靈FRESH！ - FUNBOX麗嬰國際玩具