Portal:時人時事/2007年6月

2007年6月

6月27號 英國財相白高敦（Gordon Brown）做咗工黨領袖，英女皇請渠組閣。(BBC)(BBC)(BBC) 聯合國人口基金話 2008年每兩個人就有一個會住喺城市裏頭。(BBC) 木乃伊學家證明到一件有 3000 年歷史嘅木乃伊係古埃及女法老王哈特謝普蘇特（Hatshepsut）條屍，係1922年搵倒圖坦卡門之後嘅最重大發現。（明報通識網L.I.F.E.） (BBC) 6月23號 歐盟喺布魯塞爾開會，對點訂新嘅憲法條約有咗共識。(BBC) 馬英九搭檔蕭萬長參加第12屆中華民國總統選舉。(BBC中文網) 6月22號 克里姆林宮同俄羅斯聯邦共產黨傾掂數，協議由列寧墓搬列寧條屍走。（明報） 太空穿梭機亞特蘭提斯號降落愛德華茲空軍基地。(BBC) 2008年夏季奧林匹克運動會嘅開幕同閉幕嘅飛賣晒。（明報即時新聞） 6月19號 緬甸軍政府延長軟禁反對黨領袖昂山素姬嘅時間，人權運動人士一再呼籲釋放昂山素姬。 (BBC) 6月16號 香港旺角雀仔街（雀鳥花園）閂門唔畀人入，工人喺裏面消毒。因驗倒一隻北椋鳥（Durian Starling）啲屎裏面有H5N1禽流感病毒。[1] 6月15號 法塔克同哈馬斯嘅衝突之中，巴勒斯坦總統阿巴斯解散哈馬斯主導嘅政府。(BBC) 6月14號 喺捉倒嘅脊鯨（bowhead whale）皮裏面搵倒十九世紀捕鯨槍頭，推斷呢條鯨魚有 130 歲。（Yahoo news） (BBC) 中國河南有 217 「奴隸工」獲救，其中 29 個係細路，10 個智障，好多喺響車站、路邊畀人綁架同埋拐帶走嘅，每日做嘢 20 個鐘，仲畀人虐打。(BBC 中文網) 冥王星地位再受打擊，原嚟佢係矮行星之中第二大。(BBC) 中國大陸造嘅牙膏入面有毒二甘醇嗰單嘢越搞越大單，連紐西蘭都話搵到啲中國產嘅牙膏度有二甘醇。(星洲日報) 哈馬斯攻佔巴勒斯坦總統官邸。(International Herald Tribune) 6月13號 研究人員重組二連巨盜龍之後認為有好多現代雀仔嘅特徵，好大隻，企高有成5米咁高。(BBC 中文網) (科報網) 危地馬拉畀 6.8 級地震襲激。(Router) 6月12號 中國大陸同名同姓嘅人太多，草擬嘅新政策可以加一百二十八萬個新嘅姓。(BBC)(香港新浪網) 今年四月搵倒嘅「地球二號」可能太熱，唔係好啱生命響度發展。(New York Times) 6月8號 香港立法會以 30:17:1 嘅票數，通過兩鐵合併草案。（明報即時新聞）（雅虎新聞引用明報即時新聞） （雅虎新聞引用明報）（香港政府新聞網） 6月7號 G8 喺德國開會，八國領袖同意減排溫室氣體，冇減排目標。(CBC) 颱風 Gonu係阿拉伯海有紀錄以嚟最強勁嘅熱帶氣旋，阿曼至少有 20 人死。(BBC News) 6月5號 香港免費電視今年開始數碼地面廣播，用中國大陸制。(香港新浪網引用東方日報) 染 H5N1 禽流感嘅中國解放軍醫唔好死咗。 (香港新浪網) 6月4號 蘋果公司嘅 iPhone 響6月29號喺美國推出，其他地方未知。(BBC) 中國提出減少溫室氣體計劃。(BBC News) 一份報告話每年有 200 億美金嘅冒牌貨賣咗出去。(BBC News) 6月3號 中國雲南普洱發生 6.4 級地震，至少 10 萬人受災。(BBC News)