RPG 系統英文RPG system)係檯上 RPG 上嘅一個概念,指一套決定「玩家行動有乜結果」嘅規則[1]

概論 編輯

睇埋:檯上 RPG同埋冒險 (RPG)

隨住檯上 RPG 遊戲進行,玩家要輪流做決定,再用把口描述自己個角色採取咩行動,「有啲咩行動可以選擇」呢點就隻隻 TRPG 規則都唔同。正常嚟講,GM 會跟規則決定「啲行動有乜結果」。响《D&D》裏面,玩家採取行動嗰時,要擲骰仔,跟住 GM 就會睇住骰仔擲到嘅數、角色嘅能力值同埋遊戲規則,判定行動嘅結果,即係好似噉[1]

GM:你哋嚟到鎮上面嘅酒吧,搵到你哋嘅目標人物阿蟲。你哋行埋去,問阿蟲可唔可以將重要情報講畀你哋知,佢唔睬你哋。
玩家 A:我兇神惡煞噉行埋阿蟲度,我凶佢話我係縣治安官嘅死黨,佢唔出聲就係同縣治安官過唔去,諗住靠噉嚟嚇到佢開聲。(望住手上張紙記低咗嗰個反映『凶人嘅能力』嘅能力值,然後擲粒 20 面骰)我擲到嘅數值係 18。
GM:(按照骰仔擲到嘅數同遊戲素材嘅內容)阿蟲真係畀尼古拉斯(玩家 A 嘅角色個名)凶到,於是就爆料,講出... [註 1][2]

場冒險行到咁上下,情節仲有可能提到戰鬥,而啲玩家可以用棋盤等嘅架生模擬情節提到嘅戰鬥。基本做法通常都係一樣:GM 提供情境,玩家做決定同埋描述自己角色嘅行動,當中玩家好多時要郁手用擲骰仔等嘅方法產生隨機性,然後 GM 按遊戲規則決定「啲行動有乜結果」[3]

睇埋 編輯

註釋 編輯

  1. 即係話 GM 職責有啲似講故佬,帶領玩家經歷故事。事實上,「識得講故仔」一般畀人覺得係好嘅 GM 應有嘅特徵。

編輯