Talk:三百洞

維基遊埠同出名程度問題

呢個景區我係絕對反對搬去維基遊埠㗎。我之前就喺佢附近讀大學，呢間嘢喺嗰間學校最初搬到從化嗰時，有好多學生嚟過嗰邊讀書，加上週末嗰時（半年返去屋企一次嗰啲偏遠學生）成日去三百洞生態度假區玩；另外，有時廣東非省會嘅外市到廣州旅遊時，都嚟呢個景區（例如順德、韶關、清遠、東莞、增城啲旅遊巴，成日喺三百洞景區附近出現），又點會唔出名啊？加上入面冇講到住宿、門飛、房源同一系列同遊埠有關嘅嘢，所以我寧願維持原狀，最多我可以去嗰個景區繼續補充有價值嘅資料。我之前喺碧水灣溫泉度假村同鳴泉居度假村搞咗你兩鑊喇。

另外呢個地區唔係話咁易去嘅，假設坐飛機嚟廣州旅遊啲旅客，要出咗去機場最北邊嘅中花路嗌從化巴坐去南洋學院站落車先至到。--WKDx417 (傾偈) 2015年10月28號 (三) 00:59 (UTC)

你都攞來講嘅。我讀大學嗰陣夠成日去我大學間酒吧道飲汽水食嘢咯，又唔見我專門同間酒吧開一版？如果你寫嘅係一個自然景觀嘅話恁我無意見，但係如果你寫嘅純粹係個度假區嘅話，恁無超過50年歷史基本上係入唔到百科嘅，除非嗰到發生過諸如行刺爾類重大歷史事件。碧水灣溫泉度假村同鳴泉居度假村起碼都算掹到重大歷史事件或者活動嘅車邊，爾個三百洞得唔得先？麻煩你下次反對我之前參考下其他維基嘅知名度指引先。粵維係就係知名度指引鬆，但係都唔會鬆到無下限卦？【粵語文學大使殘陽孤侠】支持全面中止IP用戶編輯權 2015年10月28號 (三) 17:04 (UTC)

單純冇乜出名嘅建築我係唔會寫嘅，例如食為先、何永記、黃鱔世家、豐寧賓館、金大莊等呢啲細舖頭仔我係唔會寫嘅。

恁無超過50年歷史基本上係入唔到百科嘅，除非嗰到發生過諸如行刺爾類重大歷史事件。

唔知你有冇安裝大陸嘅微信喇，尋日黃埔公共觀察嘅微信公眾號講咗，分文件稿已經明確講咗，符合以下呢啲條件其一可以做歷史建築：

1. 反映到歷史文化同民俗傳統，有特定時代特征同地域特色。
2. 建築個樣，結構、材料、施工工藝或工程技術反映地域建築歷史文化或藝術或有科學研究價值。
3. 同緊要嘅政治、經濟、文化、軍事等歷史事件或出名人物有關嘅代表性建築。
4. 代表性或標誌性建築或由出名建築師嘅代表作
5. 有歷史文化意義嘅建築、市政基礎設施、園林、起好嘅建築，即使未夠30年但符合以上條件其一就可以做歷史建築。
6. 建築至少有30年嘅歷史。

--WKDx417 (傾偈) 2015年10月28號 (三) 23:52 (UTC)

最後一句講嗮：Cedric兄係都未喺網上搵清楚就話唔出名，眞係唔知點諗……

麻煩你下次反對我之前參考下其他維基嘅知名度指引先。粵維係就係知名度指引鬆，但係都唔會鬆到無下限卦？

我冇話到冇下限，點解香港啲文你唔查？香港夠多唔出名建築喇。

但係如果你寫嘅純粹係個度假區嘅話，恁無超過50年歷史基本上係入唔到百科嘅，除非嗰到發生過諸如行刺爾類重大歷史事件。碧水灣溫泉度假村同鳴泉居度假村起碼都算掹到重大歷史事件或者活動嘅車邊，爾個三百洞得唔得先？

呢個我有得講：2009年11月，湖南衛視喺呢個景區同廣州南洋理工職業學院（而家嘅廣州南洋中英文學校）搞過一呼百應嘅音樂類娛樂節目。又點唔出名啊？雖然一呼百應喺2010年停播，但你問南洋理工學院啲07、08同09屆啲學生，一樣有人知呢個節目嚟過呢度影過。--WKDx417 (傾偈) 2015年10月30號 (五) 01:51 (UTC)

喂喂喂！你唔好生草藥——罯得就罯喔！焉個話香港啲文章我就唔查㗎？爾道不知有幾多𡃁模文章我都想提刪。重有，爾個「生態度假區」有乜嘢咁特殊嘅歷史文化意義，有意義到你非留不可先？如果湖南衛視去過嗰道取景，嗰道就入得百科嘅話，恁湖南衛視取景嗰陣啲工作人員成日去嗰啲公廁又入唔入得百科啊？就算係成個華南粵語區都出澌名嘅《外來媳婦本地郎》用徂超過十年嘅片場都無得單獨成文啦，更何況祇係個外景場地？【粵語文學大使殘陽孤侠】支持全面中止IP用戶編輯權 2015年10月30號 (五) 06:15 (UTC)

我冇話生草藥——罯得就罯，呢個我係親歷經過嘅事實。話實喇，佢係廣州最高、最新嘅風景區。有冇證明可以駁得低啊？另外，網上搵「三百洞 廣州最高 最新」呢啲關鍵字起碼超過3頁紙都噉講。包括佢嘅大尖峰、小尖峰，海拔重高過廣州市區最高峰——帽峯山，呢個你有冇嘢講啊？

恁湖南衛視取景嗰陣啲工作人員成日去嗰啲公廁又入唔入得百科啊？

公廁冇人會寫喺百科（即使係英文、日文、越南文、德文、法文嘅大維基都冇喇），因為公廁周街大把，而且個個公廁都唔出名。你有本事問下湖南衛視啲製作團隊，何況呢個景區重出名過公廁成千倍都有。

就算係成個華南粵語區都出澌名嘅《外來媳婦本地郎》用徂超過十年嘅片場都無得單獨成文啦，更何況祇係個外景場地？

人哋呢部電視劇播咗15年都未停過，重有佢用咗超過十年嘅片場係廣東電視台臨時搭建嘅棚架，劇入面嘅所謂「昌盛街」同花園仔你去搵地圖？唔好意思，搵唔到，呢次我眞係唔信得過你，因為呢兩樣嘢都係廣東廣播電視中心後邊，靠近食堂啲休息空地。另外佢拍攝嘅康家大屋都係廣東電視台後邊啲員工宿舍。--WKDx417 (傾偈) 2015年11月5號 (四) 05:59 (UTC)

又嚟一單

我呢次特別聲明：三百洞生態度假區係嗰個景區嘅官方名，唔信睇呢張街景圖，啡底白字寫住佢嘅景區名。加上佢嘅位置喺105國道嘅百米樁有證可查。上面「有健康、趣味、鍛煉、商務、休閒、娛樂同競賽性喺埋一齊嘅生態旅遊度假區」明顯唔係賣緊廣告，因為周街網頁都係噉寫，唔信你去其它網站提出同樣一單？--WKDx417 (傾偈) 2015年11月6號 (五) 02:05 (UTC)

你都攞來講嘅。首先，「周街網頁都係噉寫」唔代表恁就唔係賣廣告；其次，「有健康、趣味、鍛煉、商務、休閒、娛樂同競賽性喺埋一齊嘅生態旅遊度假區」（用做正文而唔係以引用嘅方式出現）賣廣告賣到咁出茄汁燒汁海鮮汁你都話佢「明顯唔係賣緊廣告」，恁同共產黨話「八九六四天安門廣場一個人都無死到」有乜分別先？我同全世界講明：爾片文章如果唔改成自然景觀為主，人為開發為輔嘅話，我一定會提刪。

另外再好心提醒多句：我知你爬牆出來唔係好耐，對牆外嘅風光重未係好了解。畀多啲時間自己啦。我都係爬牆出來㗎。

再另外提醒多句：唔好成日玩偷換概念。我係話個渡假村知名度存疑，唔係話抗日戰爭知名度存疑！唔識乜嘢叫做「偷換概念」嘅話就去向S7w4j9請教，要虛心啲。【粵語文學大使殘陽孤侠】支持全面中止IP用戶編輯權 2015年11月6號 (五) 06:00 (UTC)

我認爲篇文章重係可以留嘅，但同意Cedric講法，作爲地名、自然、文史來寫可以，但寫成度假區噉唔接受，所以篇文章應該改題名做《三百洞》。另外WKDx417真係唔識說服其他人，連乜嘢叫賣告白都未搞清楚，所以我先話佢知識唔夠、邏輯堪憂。--S7w4j9 (傾偈) 2015年11月6號 (五) 07:51 (UTC)

同意S7w4j9嘅改名意見。我都諗住改名做三百洞（比較中性嘅名，廣州街坊都係噉叫，加上正門出面嘅牌坊寫住「三百洞」三個字），因為下邊條村路附近靠近國道邊係南洋學邨一帶，有間知名學府響度。至於S7w4j9話我知識唔夠、邏輯堪憂。我先發表我嘅睇法（估計佢諗返五臺山嗰場唔愉快事件有關）：百科出面擺明賣到好似廣告噉（例如唔出名啲細公司仔咩「包你XXX」、電話XXXXXXXX、彩票話「XX彩票XX中獎（機會）、醫院話有咩科咩醫生主治、學校有乜宿舍、咩裝備、樓盤有咩裝修風格、酒樓或餐廳有咩好食、商舖有乜嘢賣，招聘人才、男女公關）我係絕對唔會寫，因為呢啲100%擺明係廣告（除非嗰間嘢啲內部機構或產品超出名到畀好多人知先會寫【例如華師附中、廣州市培正中學、恆大冰泉】），而企業方面，除非嗰間公司好出名或老字號企業，唔係嘅我啋佢把屁咩。

致Cedric：

其次，「有健康、趣味、鍛煉、商務、休閒、娛樂同競賽性喺埋一齊嘅生態旅遊度假區」（用做正文而唔係以引用嘅方式出現）賣廣告賣到咁出茄汁燒汁海鮮汁你都話佢「明顯唔係賣緊廣告」

我同全世界講明：如果唔改成自然景觀為主，人為開發為輔嘅話，我一定會提刪。

承你貴言，我已經改返呢句成中立版，非廣告嫌疑成分。另外，使唔使咁大火氣啊？

我知你爬牆出來唔係好耐，對牆外嘅風光重未係好了解。

你喺網上搵得太少同呢個景區有關資料啩，冇證明重喺度亂吹漲。（PS：一時激動主義，可能諗返𡃁模知名度問題嗰次討論有關）--WKDx417 (傾偈) 2015年11月6號 (五) 08:36 (UTC)

咁睇啦，「有健康、趣味同乜乜乜性」的確係宣傳句子，全部形容詞來唔係客觀野。下次照搬呢類句子前，加「標榜」二字會好啲 Billyswong (傾偈) 2015年11月6號 (五) 09:10 (UTC)

解決

篇文已經搬咗去三百洞，加上入面啲內容已經改返成中立同去廣告版嘅內容。--WKDx417 (傾偈) 2015年11月7號 (六) 00:40 (UTC)

又另外指出一篇類似賣廣告嘅文（今日發現嘅）：就係佛山市石門中學呢篇（2015年11月10號Kennyontheroad開版嘅文）。佢講嘅學校簡介同對外交流唔單止啰嗦，甚至賣廣告到出嗮汁味都有。呢啲廣告宣傳句完全可以刪得--WKDx417 (傾偈) 2015年11月10號 (二) 06:43 (UTC)

哦哦，係噉，唔好意思，我知道啦。因為本身翻譯完之後，諗住完善一下介紹，就上左佢官網搵啲資料擺埋入去。

多謝指點，以後我會注意㗎。 Kenny (傾偈) 2015年11月10號 (二) 13:23 (UTC)

WKDx417，請你唔好用個新人來為自己開脫。人等Kenny先至來徂粵為幾耐啊？一個星期。你來徂幾耐啊？接近一年。一個星期嘅新人犯下錯係難免嘅，教曉佢咪好囉。使唔使當正人家係純破壞用戶恁來噼啪佢個龍的洞先？【粵語文學大使殘陽孤侠】支持全面中止IP用戶編輯權 2015年11月10號 (二) 17:51 (UTC)

我冇話係純破壞用戶，我係講清楚佢喺粵維要注意避免呢樣嘢。有嘢我會喺佢討論頁講。--WKDx417 (傾偈) 2015年11月10號 (二) 23:16 (UTC)

對外連結有變 (2018年12月)

各位編輯仝人：

我啱啱救返三百洞上面嘅 2 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

• 加咗存檔 https://web.archive.org/web/20081202043326/http://www.tvtour.com.cn/tour/lzj/jq_sbd.htm 落 http://www.tvtour.com.cn/tour/lzj/jq_sbd.htm
• 加咗存檔 https://web.archive.org/web/20160304125356/http://gzdaily.dayoo.com/html/2008-09/09/content_312512.htm 落 http://gzdaily.dayoo.com/html/2008-09/09/content_312512.htm

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2018年12月4號 (二) 08:24 (UTC)