Talk:進化

進化係篇正文；佢或以前嘅版本，維基社羣公認嘅最好嘅文之一。請繼續放膽改善同加新料。

2019年3月31號

正文候選

升格

呢篇文章嘅每日瀏覽量

受技術問題影響，原先喺度嘅圖表暫時顯示唔到。

圖表功能開返之前，請睇住 pageviews.wmcloud.org 度嘅互動圖表

@ WikiCantona @S7w4j9 我寫到一半，諗緊呢篇嘢好唔好改名。對於我嚟講，要嗌 Evolution 做「天演」感覺唔多自然：印象中（至少喺香港）我幾乎從來未聽過有人嗌 Evolution 做「天演」，多數都係嗌做「進化」嘅。雖然係咁，我都知我對大陸廣東唔算係好熟，可能嗰頭嘅粵語人真係興嗌 Evolution 做「天演」嘅都未定。恐狼博士 (傾偈) 2018年1月10號 (三) 02:00 (UTC)回覆

@恐狼博士：我哋都係叫進化。天演呢種詞明顯係嚴復嗰套冇乜人用嘅譯詞。--S7w4j9 (傾偈) 2018年1月10號 (三) 08:20 (UTC)回覆

@S7w4j9： Thanks。啱啱改咗篇文個標題喇。恐狼博士 (傾偈) 2018年1月11號 (四) 03:15 (UTC)回覆

@User:WikiCantona、@User:William915、@User:Shinjiman、@User:Kowlooner、@User:HenryLi、@User:Cedric tsan cantonais、@User:昏君、@User:Deryck Chan、@User:广州阿沾、@User:Helpcanbepowerful、@S7w4j9 請各位睇睇，畀啲意見。重有，我想建議加定個編輯鎖喺呢篇文度，因為我聽講喺所有語言嘅維基嗰度，有關進化嘅文都係成日都畀人搞破壞嘅。恐狼博士 (傾偈) 2018年1月11號 (四) 05:08 (UTC)回覆

可以解釋一下。「進化」相反就係「退化」，然而evolution並無提及進步抑或退步，只不過話適合當地一切，生存機會就最高。如長期轉入地底生活，視覺多餘就會退化，如此是否叫「進步」？有啲人會選用「演化」，按嚴復固有名詞「天演」亦屬合理。進化一字可能取自日文。HenryLi (傾偈) 2018年1月11號 (四) 08:09 (UTC)回覆

@HenryLi：我想講，近來有啲人提倡用「演化」取代「進化」，認爲進化冇方向，但其實唔係。進化嘅動力來自基因嘅隨機突變同自然選擇嘅方向。自然嘅環境就要求你生物要有符合呢個環境嘅最優解，未得呢個解，噉你就仲有得進。而當環境改變時，最優解亦隨之改變，噉就有下一個進化。能夠逼近甚至達到最優解，噉就係進步。比喻同樣生活喺海，無論魚類嘅海魚，定係哺乳類嘅鯨魚，佢哋都有減少水體阻力嘅流線身形，尾部都係舵式，用肌肉提供推動力，點解唔同門類，都冇瓜葛，都有類似嘅樣？因爲呢個係海洋生活嘅最優解，呢個就係進化嘅方向。更多嘅內容歡迎來睇一個視頻，【混亂博物館】進化有方向嗎？，普通話，簡化字字幕，佢會幫你理解到進化嘅概念。--S7w4j9 (傾偈) 2018年1月11號 (四) 09:13 (UTC)回覆

既然明白係隨機變化，亦無所謂進與退。所有生物繁衍時，通通有機因轉變，轉變結果，有啲好明顯，然而有更多不明確，貌似無作用，或者發揮咗。進化教人有誤會。HenryLi (傾偈) 2018年1月12號 (五) 02:27 (UTC)回覆

@HenryLi：我諗閣下對進化有些少誤解。喺生物學上嚟到講，進化係指「一個族群嘅生物嘅基因庫一代一代咁變」呢個自然現象（唔同意呢個定義嘅請向英文維基反映），而好似鯨魚由佢哋陸上祖先變到冇咗對腳呢個過程喺呢個定義上係「進化」咗－少咗對腳令到佢哋更加叻游水。「退化」呢個詞只係大眾對進化嘅誤解，以為進化實係令到一種生物變得更加「高等」或者「複雜」，所以「少咗啲嘢就等於係進化嘅相反」。當然，「退化」呢個詞喺日常用語入面係有意思，但係唔可以算係一個正式生物學上嘅概念。喺呢篇文度我特登加咗個 section 講有關「退化」呢個問題。恐狼博士 (傾偈) 2018年1月12號 (五) 01:05 (UTC)回覆

閣下可能對我講法有誤解。我講嘅人語言用字上，容易使人誤解。既然有更好嘅字，就不必每次寫大解特解一段。用「進化」長期有人誤解嘅名字，用進亦意味會退，然而世間基因變異，無時無刻都有，都無特定決定何謂進，何謂退。大多數基因轉變不明。如有人突變出易脫髮基因，而繁衍下去，並無所謂進退。進字畀加上進步。此方面，演字較進字合適。HenryLi (傾偈) 2018年1月12號 (五) 02:27 (UTC)回覆

綜合而言。舊日人對「evolution」講法，基本上學校教嗰種，由魚⋯⋯爬蟲⋯⋯鼠類⋯⋯馬騮⋯⋯人，一級級跳「上」去，日本人譒成「進化」，可以理解。然而，隨住生物化學，解開基因之謎，嗰種一級級上已有點過時。現今看法為連續不斷過程。用人來做例，日日人人出世，基因日日都有極多突變同轉移，效果各異，有啲完全不為人覺，有啲可以見到，有啲無聲無色咁影響，有啲隨時致命，然而全部都確實「演」變咗，然而並無何謂「進」步。「演」字較「進」字，更為精確。沿有「天演」隻字，已經好好表示到現今概念。反而「進化」會教人誤解。HenryLi (傾偈) 2018年1月12號 (五) 03:01 (UTC)回覆

@HenryLi：都有啲道理，咁不如大家投票決定應該嗌呢篇嘢做乜嘢名好啦。恐狼博士 (傾偈) 2018年1月12號 (五) 03:08 (UTC)回覆

唔使「可能」，「進化」一詞公認沿自日本，逐漸取代咗嚴復嘅「天演」。而家我哋一係用「進化」，一係用「演化」。雖然我都覺得「演化」比起「進化」更加精確，亦同時吸納咗「天演」同「進化」兩個詞，但由於國維已經用緊「演化」做標題，考慮到粵維同國維應該盡可能保持差異性，「進化」亦都算係好常用嘅稱呼，所以我覺得改唔改名都無乜所謂。--Kowlooner (傾偈) 2018年1月14號 (日) 11:36 (UTC)回覆

我又唔係太過在意係咪要同國維唔同。我主張最緊要係個名要貼近廣東話嘅用語。而我嘅觀感係喺廣東話入面最常嗌「Evolution」做「進化」。恐狼博士 (傾偈) 2018年1月15號 (一) 04:20 (UTC)回覆

@恐狼博士：@HenryLi：「進化」係就係嗌開，亦同意對 HenryLi 對「進化」概念嘅批評。用辭往往就係咁，隨住新嘅發現，之前嘅概念就要更新，好多時連個名都改埋。不過，你又要睇返，有啲嗌開嘅名跟本就唔「合理」，e.g. en:Sawdust、菠蘿包、火車、電單車...。亦有啲辭，有唔同嘅講法：民主、地獄...。咁係唔係篇篇文嘅名都要好有效咁去反映現時嘅睇法？就呢篇來講，本人以為，用「進化」都可以，不過呢篇文唔淨祇講發現，亦有相當嘅理論部份 (theoretical framework) ，所以可以叫做：進化論。--WikiCantona (傾偈) 2018年1月20號 (六) 03:57 (UTC)回覆