粵切字

粵切字（粵拼：jyut6 cit3 zi6；粵切字：央乙ﾞ·此必`·止子ﾞ（組裝字體：󱛍󱊒󱂥）；英文：Jyutcitzi）係一套由網上團體「粵字改革協會」提出嘅粵文書寫方案，用拼音方塊字嘅方式寫粵語，粵語 19 個聲母同 56 個韻母各有符號代表，而聲調就用類似注音符號同假名嘅濁點（日文：濁点だくてん）噉係隻字嘅右上角用各種嘅點（'、ˊ、ˋ、"、˝、 ﾞ）嚟表示。

粵切字字母標：聲母決定粵切字整體結構，韻母就對號入座，音調可標可唔標。

𢞵：天然生成嘅粵切字

運作原則

反切為基本運作原則

粵切字嘅基本運作原則就係反切。《說文》範例：東為得紅切，即東（dung¹）為得（daak¹）紅（hung⁴）。粵切字用同樣嘅原理，聲母字取聲母，韻母字取韻母，繼而組合裝嵌成為一個字符。唔同傳統反切嘅有三點：一、粵切字嘅字符係重新選擇出嚟，並唔依照過往嘅傳統韻書，所以粵切字所揀嘅字符同《廣韻》或者《集韻》無關；二、粵切字唔似傳統反切咁標埋聲調嘅，粵切字唔依靠上字下字去運算出個字嘅聲調係咩嘢，反而依靠右上角用各種嘅點嚟表示；三、粵切字有組裝規則，下面就可以睇到。

粵切字嘅基本原則就係反切。

以粵拼為音系基礎

粵切字嘅奠基音系同埋符號系統，乃粵語拼音，則「粵拼」。

聲母決定切字結構

佢好擦得架

聲母決定切字結構，韻母對號入座。如「香港」（hoeng¹ gong²）一詞，h 為「亾」，係左右結構，故此聲母 oeng「丈」就放喺右邊。gong²，g 為「丩」，亦都係左右結構，故此聲母 ong「王」 亦係放喺右邊。按此，「香港」就理應寫作為「⿰亾丈⿰丩王」（字體組裝版：），唔組裝書寫嘅話就係「亾丈．丩王」（．唔係粵切字嘅書寫符，只不過係未組裝粵切字嘅閱讀輔助符號）。

聲母

b 比 ⿱	p 并 ⿰	m 文 ⿱	f 夫 ⿰
d 大 ⿱	t 天 ⿱	n 乃 ⿰	l 力 ⿰
z 止 ⿰	c 此 ⿱	s 厶 ⿱	j 央 ⿱
g 丩 ⿰	k 臼 ⿱	h 亾 ⿰	ng ⿰〤〤 * ⿱
gw 古 ⿰	kw 夸 ⿰	w 禾 ⿱
m/ng 𠄡**	m 𠄡.	ng 𠄡`

^*「〤〤」係「爻」（粵拼： ngaau⁴ ）嘅打橫。可以用「爻」嚟做未裝嵌嘅粵切字部件。

^** 「𠄡」係「五」嘅異體字。

韻母

	#	i	u	m	n	ng	p	t	k
/aa/	aa 乍	aai 介	aau 丂	aam 彡	aan 万	aang 生	aap 甲	aat 压	aak 百
/a/		ai 兮	au 久	am 今	an 云	ang 亙	ap 十	at 乜	ak 仄
/e/	e 旡	ei 丌	eu 了	em 壬	en 円	eng 正	ep 夾	et 叐	ek 尺
/i/	i 子		iu 么	im 欠	in 千	ing 丁	ip 頁	it 必	ik 夕
/o/	o 个	oi 丐	ou 冇		on 干	ong 王		ot 匃	ok 乇
/u/	u 乎	ui 会			un 本	ung 工		ut 末	uk 玉
/oe/	oe ⿱㇒才（𠄒）*					oeng 丈			oek 勺
/eo/		eoi 句			eon 卂			oet 𥘅
/yu/	yu 仒				yun 元			yut 乙

^*電腦打唔到「⿱丿才」呢個部件，所以未組裝部件嗰陣時可以暫時用住「居」先。「⿱丿才」係「垂」嘅異體字。

複合聲母

複合聲母，即係有幾個聲母行頭，譬如「sk-」（「skip 堂」嘅「skip」），「sk-」爲「厶臼」，佢哋嘅粵切寫法就係𢬿啲聲母上下噉疊埋一齊，再放個聲母喺右邊。就好似「skip」就砌埋變「[⿱厶臼]頁」（組裝字體：）。介母當係合聲母處理，譬如「阿 siang」同「pyoi 口水」分別可以寫作爲「阿·⿰[⿱厶央]生」同「⿰[⿱并央]丐·口水」（組裝字體：阿、口水）。

零聲母、零韻母

零聲母音，即係淨係得韻母嘅音，譬如「-aa」（「啊」）「-e」（「欸」）「-i」（「咦」）「-o」（「哦」）等等，或者零韻母音，譬如「s-」「p-」等，佢哋嘅粵切寫法就係喺個字符嘅上方加個「⺍」。譬如「c-」（「唓」呢個表示不屑嘅語音）就會寫做「⿱⺍此」（組裝字體：）；「-e」（「欸」呢個一般人口窒窒個陣就會口噏噏嘅音）就會寫作為「⿱⺍旡」（組裝字體：）。

聲調

	1/7	2	3/8	4	5	6/9
粵切字方案（第一版）	斈〡	斈〢	斈〣	斈〤	斈〥	斈〦
粵切字方案（第八版）	斈¯、斈- 或 斈'	斈´	斈`	斈= 或 斈"	斈˝	斈ﾞ 或 斈 ̏

粵切字初初設計嗰陣係用蘇州數目字嚟標音嘅。但係後期嘅版本就改咗標調嘅方法，主因係因爲蘇州數目字太掗埞，塞唔入方塊字個四方𡃈入面。

聲調可標可不標

粵切字並唔強制標調。之所以係噉，有兩個原因：一、似乎粵語人缺乏精準辨調嘅能力。意思係，粵語人可以從一個而且亦依賴一個音嘅調嚟辨別語義，但係愛佢講得出個調嘅身份（即係第幾聲），或者個調同另外一個調有咩唔同，似乎好困難。二、唔強制標調，係為咗提升粵切字嘅自由度，噉樣標唔標調就變相成為埋一個傳遞資訊嘅手段。

配埋意符，生產形聲字

粵切字，有冇聲母嚊韻母都好，都可以加上意符。例如添加「電」意符嘅「WiFi」就變 [⿰申[⿱禾介]][⿱[⿰夫介]电]（組裝字體：⿰申⿱电）。同樣，加上「戈」意符嘅「attack」就變「[⿰[⿱⺍乍]戈][⿰[⿱天尺]戈]」（組裝字體：）。

而正正因為粵切字嘅意符可以任配，同一個口語就可以喺書面上有唔同嘅意符。就好似「藞䕢」「揦苴」「揦鮓」同一個詞出現咗「艸」「扌」「魚」三個唔同嘅意符。

有邊讀邊嘅原則

粵切字係唔需要倚靠教育局嚟推行嘅，可以直接喺坊間推行，因爲佢係基於大家已經喺漢字入面熟悉嘅有邊讀邊原則。對於以粵語為母語嘅人嚟講，粵切字有得「有邊讀邊」嘅結果就係大大噉減低咗學粵切字嘅難度。以下嘅聲母同韻母表就清清楚楚噉為啲冇一目瞭然嘅邊列出部件讀邊嘅由來。

聲母
	b 比	p 并	m 文	f 夫
𪐀聲母部件褦嘅字	庇、陛	拼、併、瓶	蚊、忟	扶、芙、衭
	d 大	t 天	n 乃	l 力
𪐀聲母部件褦嘅字	达*、夺**	吞、添、舔	奶、氖	叻
	z 止	c 此	s 厶	j 央
𪐀聲母部件褦嘅字	址	雌、疵	私	泱、盎、鴦
	g 丩	k 臼	h 亾***	ng 爻
𪐀聲母部件褦嘅字	叫、糾	舅、舊		𢯎、淆
	gw 古	kw 夸	w 禾
𪐀聲母部件褦嘅字	故、估、沽	誇、跨	和、啝

达*、夺**：簡體字字例

^***亾係香港大學學苑文章裏面為hea（he3）建議採用嘅字，本身唔係讀hea而係「亡」嘅異體。採用呢個除咗係因為得意之外，係因為其他 h 嘅字字型都唔夠好—唔係太多筆畫就係合體字。

	#	i	u	m	n	ng	p	t	k
/aa/	aa 乍	aai 介	aau 丂	aam彡	aan 万	aang 生	aap 甲	aat 压	aak 百
	咋、炸	芥、尬、𠝹	巧、考、朽	三、衫、參		牲	匣、呷	壓	佰
/a/		ai 兮	au 久	am 今	an 云	ang 亙	ap 十	at 乜	ak 仄
			灸、疚、咎	吟、岑、陰	魂、芸、耘	恆、恒	什		昃
/e/	e 旡	ei 丌	eu 了	em 壬	en 円	eng 正	ep 夾	et 叐	ek 尺
	既、嘅	鼻、畀、飢		任	円（えん）		挾	坺	呎
/i/	i 子		iu 么	im 欠	in 千	ing 丁	ip 頁	it 必	ik 夕
	字、籽、		幺jiu1、吆jiu1	芡	歼*	訂、叮、町		咇、㧙	汐、矽
/o/	o 个	oi 丐	ou 冇		on 干	ong 王		ot 匃	ok 乇
		鈣			趕、桿、幹	旺、汪、皇		渴、喝	托、託
/u/	u 乎	ui 会			un 本	ung 工		ut 末	uk 玉
	呼	絵、燴			苯	功、更		抹、沫	鈺
/oe/	oe ㇒才/居*					oeng 丈			oek 勺
	鋸goe3、啹goe1					仗、扙			約、葯、灼
/eo/		eoi 句			eon 卂			oet 𥘅
		拘、蒟			訊、迅			術、述
/yu/	yu 仒				yun 元			yut 乙
	於				完、院、阮

*歼：呢個簡體字出黎嘅例子零舍有趣，因為普通話裏面係讀「jian3」，與「千」普通話讀音不符，但係粵語裏面就符合。

粵切字解決「有音無字」

粵切字嘅基本功能就係幫手解決「有音無字」呢個問題，即係通過用一種「頂住先」嘅精神嚟攞啲粵切字嚟寫住某隻冇漢字嘅粵語字詞或隻生僻粵字先。噉就帶嚟兩個好處：

1. 平民唔會因爲唔識某隻漢字嚊粵字點寫而放棄咗同唔寫成個詞語。
2. 平民唔使驚畀人批鬥話攞嚟頂住先嘅粵切字唔係正字或者本字。

天然生成粵切字

《嬉笑集-赤壁懷古》中粵切字⿺先生嘅例子。

粵切字嘅發明靈感嚟自於「娿哿」（o¹ go⁶）呢個詞語，其中嘅「哿」字嘅讀音係由「加」（gaa¹）同「可」（ho⁴）嚟組成，似乎係天然嘅漢字切音字。「你再嘈我就用藤條𢞵你」嘅「𢞵」字（fit¹，解「用藤條或其它棒條抽打」）就肯定係真嘅天然粵切字。

天然生成粵切字	組成字	詞彙	例句
哿	加+可：gaa1 + ho4 = go6	娿哿	三女呢就好鬼娿哿，每次出街食飯都硬係有選擇困難症咁，左諗右諗都揸唔定主意。
𢞵	飛+必：fei1 + bit1 = fit1		- 你再嘈我就用藤條𢞵你。 - 做gym就可以𥈲𢞵。
𫼸	入+甲：jap6 + gaap3 = jaap3		而家趕時間啊，求其𫼸架的士埋嚟過海啦！
⿺先生	先+生：sin1 + saang1 = siaang1		有位蘇⿺先生真識歎，湊埋和尚去游河。（《嬉笑集》——赤壁懷古）
樖 ？

用反切呢個手段黎併砌組字，並唔係新嘢。布依文字、壯文、字喃、侗文、西夏文，都有反切字。

衍生嘅漢字粵切字混寫文

漢字粵切字混寫文（簡稱「漢粵混寫」）係由粵切字慢慢噉衍生出嚟嘅一種方塊粤文書寫方案，係講緊要利用漢字同粵切字分別有嘅長處嚟到達到有秩序而有效嘅粵語書寫系統，混寫嘅情況就好似日文嘅漢字假名混寫文又或者韓文未強制要寫純諺文之前嘅漢字諺字混寫文噉。換個角度嚟睇，漢粵混寫其實就係描述緊純漢字粤文同純粵切字粤文兩極之間可實現嘅粤文書寫方式。因為粵切字喺現階段仲未得到廣泛使用，所以混寫嘅實際操作都仲係喺研究同試驗當中。嚴格嚟講，漢粵混寫應該叫同當做「漢粵羅混寫」，因為拉丁字母係必然因為全球化嘅影響而喺粤文存在嘅。

漢粵混寫之可以存在係因為粵切字嘅兩個特徵：

1. 粵切字係完全嘅粵語拼音文字。而且，佢係達到粵拼嗰個準確程度嘅粵語標音能力，而呢樣嘢係遠遠高於漢字入面形聲字或者假借字攞嚟標示粵音嘅能力。
2. 粵切字係方塊字，就好似諺文、假名同喃字噉。

因為噉，除咗解決咗有音無字呢個問題之外，佢亦都可以喺現行粤文所堅持嘅方塊字限制嘅情況度同漢字共存，故此就會大大減低咗漢字同拉丁字母之間嗰種美感上嘅衝突喺粤文出現嘅頻率。

粵切字嘅爭拗

好多人對粵切字好有意見，覺得粵切字係重造拼音方塊字，喺度重新發明車轆，根本冇咩噉嘅需要。

字體同輸入法

粵切字呢家重未加入Unicode，所以呢家要裝有粵切字嘅字體同輸入法先至可以喺電腦寫粵切字。

網上寫粵切字

「粵字改革」運動提倡純粵切字或漢字粵切字混用為粵語書寫方式。

例子

用麥兜嘅對白做例子睇睇粵切字嘅使用模式可能性。

坊間漢羅混用	漢字已整理版本	漢字粵切字混用（未組裝）	漢字粵切字混用（已組裝）
咁都係果D嘢嘎啦，廿鯪蚊個餐又湯又剩唔通有得你食天九翅咩？求求其其有D肉有D菜蛋白質澱粉質撈撈埋埋打個白汁茄汁黑椒汁咁撐得你懵口懵面咪Lui返去返工返學返廠返寫字樓囉 。唔係你估真係搵餐晏仔咁簡單啊。咁跟飯定跟意粉啊？	咁都係果啲嘢㗎啦，廿鯪蚊個餐又湯又剩唔通有得你食天九翅咩？求求其其有啲肉有啲菜蛋白質澱粉質撈撈埋埋打個白汁茄汁黑椒汁咁撐得你懵口懵面咪纍返去返工返學返廠返寫字樓囉。唔係你估真係搵餐晏仔咁簡單啊。咁跟飯定跟意粉啊？	丩今´都係丩个´大子¯野丩乍`力乍`，廿力正⁼蚊個餐又湯又剩𠄡通有得你食天九翅文旡¯？求々其々有大子¯肉有大子¯菜蛋白質澱粉質撈々埋々打個白汁茄汁黑椒汁丩今´止生ﾞ得你懵口懵面文兮`力句¯返去返工返學返廠返寫字樓力个¯。𠄡係你估真係搵餐晏仔丩今`簡單⺍乍⁼。丩今´跟飯定跟意粉⺍乍`？	󱜩都係󱟡󰦠野󱛒󰿒，廿󰻃蚊個餐又湯又剩𠄡通有得你食天九翅󰗘？求々其々有󰦠肉有󰦠菜蛋白質澱粉質撈々埋々打個白汁茄汁黑椒汁󱜩󰿽得你懵口懵面󰖚󰾠返去返工返學返廠返寫字樓󰼠。𠄡係你估真係搵餐晏仔󱜪簡單󰀓。󱜩跟飯定跟意粉󰀒？

用粵切字黎寫Standard Model ()。

用粵切字黎寫唔同酒嘅名

參考

• 粵切字方案（第八版本）
• 點睇「粵切字」？
• https://www.wiedenhof.nl/ul/sgfx2122.htm
• https://haemzbaengzlaengz.medium.com/
• 粵字改革學會 Cantonese Script Reform Society
• 粵語式諺文　「粵切字」改革方案　解決有音無字
• Jyutcitzi (粵切字)
• Jyutcitzi (Github)
• 粵切字：粵字改革方案 | Jyutcitzi : A Cantonese Script Reform Proposal
• 廣東話繼續淨係用漢字，就會滅亡
• https://languagelog.ldc.upenn.edu/nll/?p=53029

睇埋

• 粵字改革
• 吳語小字
• 粵語諺文
• 諺文
• 粵文