以唔同角度影嘅神戶
以唔同角度影嘅神戶

神戶係一個喺日本西部近畿地方兵庫縣嘅都市,係兵庫縣嘅縣廳所在地,亦都係政令指定都市之一,管轄9個區。神戶市嘅面積係552.83平方公里。2014年1月,神戶市有1,540,242人,係日本人口第六多嘅都市。神戶同大阪京都一齊都係京阪神都會區嘅核心都市,同時神戶市亦都同佢附近嘅衛星都市組成咗神戶都市圈

「神戶」呢個地名係起源喺而家神戶市中心嘅三宮、元町地區喺古代曾經係生田神社嘅領地,並且住咗生田神社嘅神封戶。神戶喺大阪灣沿岸,風浪平緩並且沿岸水深較深,地形好適宜起港口。喺古代,神戶就係京都同大阪嘅外港之一。1868年,神戶做咗日本最早開放對外國通商嘅五個港口之一,之後神戶好快咁發展做日本最重要嘅港灣都市之一。亦正因為噉,佢係日本最早嘅通商港口,神戶以開放同國際化嘅氣氛而聞名。1995年嘅阪神淡路大地震雖然畀神戶帶嚟巨大嘅打擊,但係經過好多年嘅重建,神戶嘅都市建設同人口都已經超過地震之前嘅水準。神戶都係一座宜居都市。2007年,神戶市入選福布斯雜誌評出嚟嘅「世界最清潔嘅廿五座城市」。2012年,喺瑞士嘅諮詢公司ECA國際評選出嘅世界宜居都市排名入面,神戶市排名第五位,係唯一入選前10位嘅日本都市。(成篇文章……)

以前嘅正文: 格林尼治中國人民解放軍駐香港部隊香港史