每個月或者每季嘅維基百科正圖歸檔


呢啲係之前(或將會)出現過響是日靚畫嘅正圖,響下面列示。你可以用{{是日靚畫|模式}}加入一個自動更新嘅是日靚畫去你嘅用戶頁或者對話頁,模式可以係text(文字版,預設)、condensed(短版)、column(單欄版,同之前嘅頭版差唔多,冇邊框)同埋row(單行版,用響而家嘅頭版)。單行版只係可以用響頭版度,而且能夠正確咁顯示。


1月1號 - 1月10號 編輯

是日靚畫

 

蛋黃,係蛋裏面部份,用來供養蛋內嘅胚。蛋黃掛喺蛋白入面,有一到兩條帶吊住,呢啲帶就叫卵帶。蛋未受精嗰陣,胚盤連蛋黃,係單細胞,係少數人眼睇得到嘅單細胞。如果蛋受咗精嘅話,蛋黃外層會有朕白色嘢;如果冇受精就冇。

蛋可以畀人食。蛋黃維他命豐富,礦物質都多。成隻蛋嘅脂肪同膽固醇,都喺囇蛋黃度。蛋白質方面,蛋黃亦佔全蛋五分一。

蛋有唔同煮法。如果純綷煎蛋,唔攪散佢,蛋黃就喺一塊白色中間,好似太陽咁,叫太陽蛋。如反一反佢,有朕蛋白包住,唐人叫佢荷包蛋。如可將蛋發勻,蛋白蛋黃撈勻,就會變淺黃色,好似炒蛋同奄列咁。

圖片來自:Dbenbenn
舊圖 - 更多正圖...

( - )

1月11號 - 1月20號 編輯

是日靚畫

 

內伶仃,亦都叫內伶仃島,原本就咁叫伶仃島、伶仃、零丁山等,係伶仃洋上面一個島。佢響香港屯門爛角嘴西便,深圳赤灣同蛇口東南。個島歸深圳南山蛇口管,不過曾經同珠海有爭議。史上內仱仃係去廣州嘅水道,內伶仃、爛角嘴同埋后海灣洋面係船聚集嘅地方。內伶仃向面行,穿過伶仃洋就遇到另一個島,係珠海嘅淇澳。史上個島歸屯門鎮管,所以文獻上嘅屯門島,有可能指內伶仃。

屈大均係《廣東新語》度提過,赤灣附近零零丁丁有個山(島),所以叫零丁山,所以連海都叫做零丁洋。零丁山將零丁洋分兩邊,東面係內則,比較細,叫小零丁洋,而西便係外則,比較大,叫大零丁洋。小零丁洋即係香港新界到內伶仃嘅洋面,而大零丁洋即係內伶仃到淇澳嘅洋面。

外伶仃離內伶仃好遠,響香港長洲南面。

圖片來自:Minghong
舊圖 - 更多正圖...

( - )

1月21號 - 1月31號 編輯

是日靚畫

 

信和中心係香港一幢商業大廈,嚮九龍油尖旺區彌敦道592號,樓上係寫字樓同樓上鋪,樓下同地庫係個商場。呢座樓冇中庭位,即係中間冇天井位,幾廿年前包浩斯建築風格,全部起密晒樓同商場鋪位。信和中心地庫商鋪全部都係中小企租戶,而街鋪就係大個金鋪錶鋪,1993年1月6號下晝12點20分,蒙面嘅葉繼歡就喺呢度搵大茶飯。

圖片來自:Chong Fat
舊圖 - 更多正圖...

( - )


是日靚畫歸檔


今日係2024年3月19日禮拜二;而家係05:54 UTC