上升星座

上升星座（或叫上昇星座），英文係ascendant或者rising sign，代號符號係（A^sc／Asc／As），呢個係西洋占星術裡面嘅一個好重要嘅概念：呢樣嘢係指當一個人出世嗰一刻，喺佢出世嘅地點嚟睇，東面地平線嗰度喺嗰一刻升起緊黃道十二宮嘅其中一個星座（１２星座入面嘅其中一個）。呢樣嘢代表一個人嘅外表，同埋意識嘅覺醒。

圖裏面As就上升位，響九點鐘個位置。

因為上升星座係有特定時間同地點嘅，所以對占星師嚟講，呢樣嘢代表住一個人喺佢哋嘅教養過程入面所接受嘅個人環境同埋調節，仲有佢哋細個嗰陣時嘅情況。占星師因為呢個原因就認為上升星座亦都關心嗰個人點樣去學識向世界呈現佢自己，特別係喺公眾場合同埋非個人嘅情況之下。

歷史

雖然巴比倫天文學家觀察到星座嘅實際上升時間，不過喺黏土碑上面嘅文字裡面冇特別提到上升星座。埃及人到咗公元前３世紀，佢哋會睇特定星群嘅升起嚟識別上升星座同埋得到大約夜晚嘅時間，而呢個反映喺希臘人之後畀上升星座嘅名：「horoskopos」或者係「小時標記hour marker」。

喺托勒密Ptolemy嘅《占星四書》希臘人手稿入面用咗「ὡρόσκοπος」喺「上升」嘅意思，而「ὡροσκοπία」嘅意思係「觀察上升」。第一次有記錄提到上升星座嘅係喺巴比勒斯嘅作品入面。

學術上

計算

喺占星學嘅角度嚟睇，上升星座係地平線上東嘅黃道地心經度（或者叫黃道坐標系λ），呢個地平線同黃道嘅交叉點可以由以下計算出嚟： $\lambda _{\rm {Asc}}=\arctan \left({\frac {y}{x}}\right)=\arctan \left({\frac {-\cos \theta _{\rm {L}}}{\sin \theta _{\rm {L}}\cos \varepsilon +\tan \phi \sin \varepsilon }}\right)$

其中$\theta _{\rm {L}}$係以度計嘅恆星時，$\varepsilon$係地球赤道面對黃道嘅傾斜度（轉軸傾角）。對於參考標準日點嘅值，J2000.0用$\varepsilon$ = 23.4392911°；對於J1950.0，用$\varepsilon$ = 23.4457889°。$\phi$係觀察者嘅地面上嘅緯度（北緯係正，而南緯係負嘅）。上升星座後嚟發現到用兩個規則喺正確嘅象限（0°—360°）搵到上升點。

如果 (x < 0) 跟住
    上升星座 = 上升星座 + 180
否則
    上升星座 = 上升星座 + 360

根據上升嘅定義，我哋要用最後嘅１個規則去向東攞個點（上升嗰個，距離中天少過180°）：

如果 (上升星座 < 180) 跟住
    上升星座 = 上升星座 + 180
否則
    上升星座 = 上升星座 - 180

否則嘅話，如果電腦或者編程軟件有atan2（y, x）嘅數學函數，然後用最後一個規則就可以確定啱嘅象限嘅直接結果。

對於北極圈以北（或者南極圈以南）嘅緯度，上升函數有兩個唔連續嘅點，發生喺地平線同黃道唔相交嘅瞬間。上升星座嘅經度喺呢啲瞬間之間，實際上會降低咗。

唔同北緯度嘅上升經度。喺北極圈以上，當地平線同黃道平行嗰陣就會出現唔連續性。

長同短嘅上升

因為地球嘅轉軸相對黃道係傾斜嘅（轉軸傾角），所以１２星座唔會用相同嘅時間嚟穿過東方地平線。有啲星座喺赤道嘅差異好少（雙魚座、白羊座、處女座同天秤座所用嘅時間比其他星座輕微少啲），但係隨住啲人由赤道移動，佢哋就會出現越嚟越大嘅差異。

喺北半球，摩羯座、水瓶座、雙魚座、白羊座、金牛座同埋雙子座呢啲星座要穿過東方地平線嘅時間比起理論上嘅兩個鐘少得多，而巨蟹座、獅子座、處女座、天秤座、天蠍座同射手座呢啲星座就比起兩個鐘長好多。例如，喺法國巴黎嘅緯度：

• 雙魚座同白羊座只需要一個鐘就可以穿過東方地平線（呢個係稱為上升嘅長度，或者簡單嚟講就係星座上升時間嘅長度）。
• 水瓶座同金牛座嘅上升係１個鐘又１５分鐘。
• 摩羯座同雙子座嘅上升係１個鐘又５０分鐘。
• 巨蟹座同射手座嘅上升係２個鐘又３０分鐘。
• 獅子座同天蠍座嘅上升係２個鐘又４０分鐘。
• 處女座同天秤座嘅上升係２個鐘又４５分鐘。

呢啲差異喺高啲嘅緯度會更加明顯。喺俄羅斯聖彼得堡嘅緯度：

• 雙魚座同白羊座嘅上升時間係３５分鐘。
• 水瓶座同金牛座嘅上升時間係４５分鐘。
• 摩羯座同雙子座嘅上升時間係１個鐘又２５分鐘。
• 巨蟹座同射手座嘅上升時間係２個鐘又４０分鐘。
• 獅子座同天蠍座嘅上升時間係３個鐘又１５分鐘。
• 處女座同天秤座嘅上升時間係３個鐘又２０分鐘。

占星師認為星座上升速度之間嘅差異係好重要嘅。喺好多宮位系統入面，當宮位覆蓋住水瓶座、雙魚座、白羊座同金牛座嗰陣，宮位就可以變得好大，因為喺北半球觀察者嘅角度去睇，呢啲星座會細好多。例如係李察·諾爾嘅呢啲占星師，佢哋認為由巨蟹座到射手座（被叫做西方星座）嘅星座入面，上升星座嘅優勢係象徵北半球固有嘅以關係為導向嘅性格，同埋由摩羯座到雙子座喺星座入面嘅上升點（被叫做東方星座）嘅星座入面，上升星座嘅優勢係南半球比較個人化嘅性格嘅象徵。

喺南半球，長同短嘅上升係轉返轉嘅。例如，喺智利康塞普森嘅緯度：

• 雙魚座同白羊座嘅上升時間喺２個鐘又３０分鐘內。
• 水瓶座同金牛座嘅上升時間喺２個鐘又２５分鐘內。
• 摩羯座同雙子座嘅上升時間喺２個鐘又１５分鐘內。
• 射手座同巨蟹座嘅上升時間喺２個鐘內。
• 天蠍座同獅子座嘅上升時間喺１個鐘又３５分鐘內。
• 天秤座同處女座嘅上升時間喺１個鐘又１５分鐘內。

極地占星學嘅影響

喺北極圈同南極圈，大約分別喺北緯同南緯嘅66.5°，黃道有一定程度會變成環極。例如，太陽佔嗰個度數，就唔會升起亦唔會落，而係會瞓喺地平線上面２４個鐘。隨住我哋移去更加高嘅緯度，黃道嘅度數就會越嚟越大，直到去到北極之前，佢唔會升亦唔會落，黃道嘅半邊度數唔會升到地平線以上，而且永遠都唔可以成為上升星座。因為咁，由於喺增加咗喺計算上升點嘅複雜性，所以喺大部分以時間為基礎嘅宮位系統裡面都將極端緯度省略咗，暗示呢啲緯度係冇上升點。呢個當然係唔啱嘅，但係喺以時間為基礎嘅宮位系統入面，可以喺極端緯度上升嘅度數方面有限制，而喺時間做基礎嘅宮位系統入面，可以形成宮尖嘅度數有進一步嘅限制。以黃道為基礎比較簡單同早期嘅宮位系統入面，可以根據可用嘅上升同埋中天度數喺極端緯度嚟形成宮尖。

上升星座嘅影響

呢度有幾個因素會影響喺圖表入面上升星座嘅力量有幾強或者幾弱。

• 一般認為，上升星座越接近星座嘅開頭就會越強。呢個係因為大部分第一宮都會落入去嗰個星座嗰度。如果上升星座喺某個星座嘅後期落咗入去，第一宮嘅大部分就會落入下一個星座，從而削弱咗上升星座力量嘅效果。
• 當太陽喺星盤入面嘅弱啲嘅位嗰陣，上升點被認為影響力更加強。例如，傳統上認為當太陽星盤嘅底部（近住天穹）嗰陣時，太陽係喺弱啲嘅位置。呢個係因為當主體出世嗰陣，太陽實際上隱藏咗視線之外嘅地球嘅另一邊。
• 某啲人認為，如果太陽係空相位嘅話，佢嘅影響力亦都可能會減弱咗；換句話講，如果佢同其他行星冇形成主要相位（合相、對分相、三分相、四分相或者係六分相），根據其他嘅占星觀測，空相嘅太陽同行星都表現出比平時嘅影響更加大仲更加自由。
• 太陽喺一個被截斷嘅星座，呢個意味住佢係無宮尖，亦都可能弱啲，同埋喺呢類星圖入面會更加強調太陽宮嘅上升同埋宮尖。

另一個關於上升星座影響因素嘅一個理論係，當啲人喺２９歲左右之後就會變得更加似佢哋嘅太陽星座，因為隨住佢哋年紀同埋自信嘅增加，太陽星座體現咗必要嘅自我能量同埋自尊，所以可能唔太需要向其他人將佢哋公開嘅面孔騷出嚟。亦都有理論話，當上升星座持續咁移動去到下一個星座，就會削弱咗對出生上升點嘅影響力。

上升星座同埋行星

啲行星會因為佢哋同上升點嘅關係而喺星盤裡面增加咗重要性。掌管上升星座嘅行星係叫做「星盤主星chart ruler」，據講係特別重要嘅。所以例如，如果上升星座係雙子座嘅話，咁水星就會係佢星盤嘅守護星，所以喺好多方面都會為星盤嚟「定調」。另外，最近上升點嘅行星，尤其係喺第一宮嘅行星，通常被叫做「上升行星rising planet」，喺星盤裡面係有特殊嘅意義。不過，如果第１２宮嘅行星同上升點非常之近（１—２°之內），咁佢就可以被解釋做上升行星。如果一粒行星實際上同上升點合相（同上升點喺同一度數之內），咁呢樣嘢對人格嘅影響就變得最重要，甚至同太陽一樣咁重要。最後，任何喺第一宮嘅行星都會得到額外嘅重視。

上升星座嘅模式

上升星座同太陽星座會一齊影響屬於嗰個星座嘅人個基本性格，呢樣嘢嘅效果會根據呢樣嘢所在星座嘅形態而去改變。例如某個人嘅太陽星座係金牛座，而佢嘅上升星座係雙子座，咁呢個人嘅性格就會好受金牛座同埋雙子座嘅共同影響（但係仲有好多其他因素影響）。不過對某啲人黎講，上升星座嘅影響可能只係一個「面具」，呢樣嘢要睇返佢出世嗰陣時星體嘅位置。呢啲亦都同佢哋發生季節部分嘅質素有關。其他好似係水星星座、金星星座等等就會影響埋個性格嘅某啲部份。

有啲人話太陽星座、月亮星座同上升星座呢３樣嘢係形成一個人性格嘅骨架，而上升星座會影響嗰個人嘅外表，例如佢個樣有咩特點，甚至係高矮肥瘦同埋行為...等等都受呢樣嘢嘅影響。不過當然都要睇翻遺傳同埋後天嘅影響先至準確。

上升星座係宮位裏面嘅第一宮，其他嗰１１個宮係自動跟住佢去郁，而每一個宮都影響住嗰個人命運裡面嘅某啲際遇。

時間地點嘅重要性

太陽星座大約係每個月轉一次，而上升星座大約係兩個鐘轉一次，所以要知道自己嘅上升星座嘅話就一定要知道出世嗰陣嘅準確時間、地點同埋城市。

有咗呢啲資料就可以去某啲網頁去查命盤，咁就好容易知道嗰個人係邊個上升星座（仲有其他星座）。

基本上升星座

白羊座、巨蟹座、天秤座同埋摩羯座都係基本星座。呢啲星座對上升星座嘅影響係強調主動性、自我肯定同埋某程度上嘅領導能力。

固定嘅上升星座

金牛座、獅子座、天蠍座同埋水瓶座都係固定嘅上升星座。呢啲星座對上升星座嘅影響係強調穩定性，平穩同埋承諾。

可變嘅上升星座

雙子座、處女座、射手座同埋雙魚座都係易變星座。呢啲星座對上升星座嘅影響係強調適應能力、靈活、變化同埋靈活性。

上升星座嘅元素

關於根據|四大元素嘅三重性（水、火、土同埋風）嘅標誌嘅星座分類，上升星座可以係：

水象上升星座

巨蟹座、天蠍座同雙魚座呢啲水象星座出名喺佢哋嘅情緒、直覺同感覺。當水象星座喺上升星座嗰陣時，主體會收埋自己嘅真實感受，同埋有強烈嘅需要去保護自己唔好受到身邊世界嘅影響。你見到嘅嘢通常唔係你用水象上升星座得到嘅嘢。換言之，佢哋發出嘅訊號係有意識或者無意識咁揀嚟有效果。巨蟹座嘅人睇落去好健談同埋樂於助人，而且佢哋喺任何需要機智嘅情況下都表現得好好；上升星座係天蠍座嘅人可以同佢哋唔識嘅人用好多唔同形式嘅偽裝，帶有攻擊性同埋令人反感嘅態度係佢哋其中一個最鍾意嘅偽裝；上升星座係雙魚座嘅人顯得柔軟、溫柔、自我犧牲，有時甚至係無助，但係呢個係誤導性嘅，因為佢哋會為咗自己認為啱嘅嘢而堅決去鬥爭。雙魚座被認為係高度情緒化嘅星座，佢哋亦都係１２星座裡面最有直覺嘅一個。

火象上升星座

白羊座、獅子座同射手座呢啲火象星座出名喺佢哋嘅精力充沛、熱情和樂觀。當火象星座喺上升星座嗰陣時，佢哋外在嘅態度係友善、唔批判同埋冇敵意嘅。佢哋通常會發出友好但認真同有能力嘅訊號，呢個會令到其他人發出友善同相當尊重嘅回應。上升星座係白羊座嘅人會俾到人一種有組織同埋略顯嚴厲嘅氣質；上升星座係獅子座嘅人有一種莊重而正式嘅態度，可以激發自信；而上升星座係射手座嘅人有一種開朗、愉快同幾有趣味嘅外在態度，適合喺各種場合。

土象上升星座

金牛座、處女座同摩羯座呢啲土象星座通常都被睇成係冷靜同抗壓嘅個體。土象星座嘅效果令人更加物質化、內斂同冷靜，佢哋唔傾向於將佢哋自己嘅情緒表現出嚟，而且可能或者會睇落去好冷淡。呢個特別嘅效果喺金牛座嘅情況下表現得最少。每個上升星座係土象星座嘅人通常都係好慳嘅，同埋會事先將啲嘢計劃好晒。

風象上升星座

雙子座、天秤座同水瓶座呢啲風象星座以佢哋嘅溝通能力而出名。當風象星座喺上升星座嗰陣時，佢哋嘅主體係友善同埋善於交際嘅，但係同時亦都獨立同有啲離群嘅。上升星座係雙子座嘅人總係不斷咁樣好忙，佢哋好似全心投入喺一種雜耍行為入面，隨時至少有十幾廿個活動喺同一時間做緊咁樣；上升星座係天秤座嘅人成日忙緊商業計劃，而呢啲計劃往往都需要更加樸實嘅合作拍檔幫手先至可以實現；上升星座係水瓶座嘅人會幫自己或者其他人去制定精彩嘅計劃，佢哋甚至可能會執行其中嘅一啲計劃。

睇埋

• 天宮圖
  • 赤道上升點
  • 下降星座
  • 中天
  • 下中天
  • 宮位
• 星座
• 占星術
• 太陽星座
• 月亮星座
• 水星星座
• 火星星座
• 金星星座
• 木星星座
• 土星星座
• 宮位
• 相位
• 星盤

出面網頁

• 上升星座對樣嘅影響 （英文）
• 出生圖