醋酸

(由乙酸跳轉過嚟)

醋酸CH₃COOH),又叫乙酸,係一種有機化合物,被公認係食醋酸味同刺激性氣味嘅來源。

醋酸結構

醋酸係一種部分電離嘅酸,溶喺水嗰時,只有少量H+電離子出,所以算係種弱酸。

合成

氧化

可以透過氧化乙醇或者乙醛生產醋酸。當中可以用重鉻酸鉀來做氧化劑。過程中要回流加熱。

發酵

可以以醋杆菌屬嘅細菌氧化入面的乙醇,變成醋酸。通常係用蘋果酒葡萄酒同麥芽、米等搞碎發酵

反應

乙酸係一種羧酸,有酸嘅通性,可以同金屬或者反應。亦會同碳酸鹽碳酸氫鹽反應,產生乙酸鹽二氧化碳

渠係羧酸,所以可以俾人還原,可以用硼氫化鈉或者氫化鋁鋰做還原劑,出乙醇。渠仲可以同醇類發生酯化反應,產生相應嘅乙酸酯。例如乙酸同乙醇反應,用濃硫酸催化,加熱,可以出乙酸乙酯

仲有,醋酸可以先同三氯化磷反應,再同反應,產生乙酰胺

用途

有機合成

醋酸會同好多嘢反應,產生唔同嘅化合物。好似乙酸乙酯乙酸丁酯等咁,渠可以用做有機溶劑等。仲有,兩分子嘅醋酸可以脫水生產乙酸酐,乙酸酐喺工業好重要,一般用去乙酰化。

食物

入面就有醋酸。醋可以用來調味,或者用去醃嘢。醋酸會加落唔同食物裏面,去增加酸味。有種乙酸鹽叫乙酸鈉,係一種調味料,可以加入食物度。

溶劑

醋酸係一種有機溶劑,但由於渠包含羧基,因此渠帶有極性。渠可以溶解好多化合物,亦可以用作重結晶嘅溶劑。