何婉盈
香港女歌手
何婉盈（英文：Ho Yuen Ying Elaine，1971年7月14號—）係香港女藝人，1990年代活躍喺娛樂圈，其後先後轉行公關同證券行嘅投資工作。
| 何婉盈 | |||||
|---|---|---|---|---|---|
| 女藝人 | |||||
| 英文名 | Elaine | ||||
| 國籍 |  中國（香港） | ||||
| 籍貫 | 浙江[未記出處或冇根據] | ||||
| 出世 | 1971年7月14號.svg){kind=small} 英屬香港 | ||||
| 職業 | 演員、歌手、公關、證券行投資工作 | ||||
| 教育程度 | 工商管理學士 | ||||
| 母校 | 香港大學 香港培道中學 | ||||
| 宗教信仰 | 佛教 | ||||
| 配偶 | 傅大全（2001年結婚；2002年離婚） | ||||
| 仔女 | 1女 2007年（16–17歲） | ||||
| 音樂類 | 粵語流行音樂 | ||||
| 出道地 | 英屬香港 | ||||
| 出道日期 | 1991年 | ||||
| 出道作品 | 《再見亦是朋友》（1992年） | ||||
| 代表作品 | 《再見亦是朋友》（1992年） 《愛上你是我一生的錯》（1993年） | ||||
| 活躍年代 | 1991年到1996年 2010年到而家 | ||||
| 唱片公司 | 華納唱片（1991年到1993年） 環星唱片（2020年到而家） | ||||
| 經紀公司 | 無綫電視（1991年到1996年，2021年到而家） | ||||
| |||||
簡歷
編輯何婉盈曾經喺美國讀書，1991年喺大學修讀一個學期，之後返香港參加1991年度香港小姐競選，最後進入前五名，跟住加入電視台，做主持人、司儀、拍電視劇，甚至成爲歌手。
約莫喺1994年至1995年，何婉盈覺得自己事業開始停滯不前，最終喺1996年放低咗幕前嘅生活，履行對亞爸嘅承諾再報讀大學。1999年讀完書之後就轉行喺香港賽馬會做公關工作。
何婉盈做咗香港賽馬會12年之後，因爲一個朋友嘅鼓勵，就決定轉做股票投資工作，喺4個月之內考咗4個牌。
何婉盈退出幕前後，認識到兩個好朋友，一齊投資酒吧，一做就6年，因爲加租太多，冇繼續做落去。後來又再一齊投資餐廳。
何婉盈以前係一個「無飯主婦」，因爲個女嘅關係學識煮嘢食，但係都係家常便飯。佢同個女都最中意食煎牛扒。
何婉盈有兩位演藝朋友梁小冰同劉錫明。何婉盈喺佢第一齣古裝劇，無綫電視嘅《孤星劍》就識咗梁小冰。後來拍到齣劇就來完，因爲何婉盈嗰陣時專登搬咗好近公司，喺清水灣，何婉盈重邀請梁小冰同佢一齊住咗一年。
何婉盈由8、9歲就開始好中意動物，而狗就更加係佢嘅至愛。佢生平第一隻狗就係由8、9歲開始養，一路養到何婉盈廿幾歲隻狗先死。何婉盈因爲想對狗深入瞭解，亦因爲之後當日釋懷唔到佢養隻狗死，曾經到美國學習動物傳心術幾個月，希望可以用心靈同動物溝通。
2021年4月份回巢無綫電視成爲旗下女藝員。
