佛山

佛山
佛山市
順時針方向從右上開始：祖廟、順峰山青雲塔、高明港前一景、西樵山南海觀音、禪城區百花廣場
----
花名：簡稱：禪、佛；遞名：禪城
佛山位置圖
經緯度 北緯23°1′″東經113°6′″
國	中華人民共和國
省	廣東
地級政區	地級市
市長	鄭軻
市委書記	白濤
總面積	3797.72 km² (1466.31 mi²)
人口
總人口(2015)	743.06萬人
市區	705.46萬人
人口密度	1957人/km² (3149人/mi²)
時間
時區	中國時區（UTC+8）
網站： 佛山市府

佛山（粵拼：fat6 saan1，官方音譯：Foshan，郵政式拼音：Fatshan）喺中國廣東中南部珠三角地區，家下係地級市，叫佛山市，簡稱禪（Sim4），畀歸類為特大城市。佛山市東邊廣州，北邊係清遠，西貼肇慶、雲浮，南臨江門、中山。大清時歸廣州府南海縣，置佛山鎮，民國時置過佛山市。佛山總人口743.06萬人，密度係1957人/平方公里。市人民政府喺禪城區嶺南大道14號。

佛山地處珠江三角洲腹地，西江以西有低山丘陵，西江以東係珠江三角洲平原。位於亞熱帶沿海，氣候溫和，雨水充足。西江、北江同佢地啲支流涌河貫穿佛山全境，兩條江嘅貫連處就喺佛山三水區思賢滘。

佛山係珠江—西江經濟帶、廣佛肇經濟圈、廣州都市圈嘅重要節點城市，喺廣東省經濟發展當中處於領先地位，仲係全中國民營經濟最發達嘅地區之一。佛山自古就係富饒嘅魚米之鄉，明清兩代佛山鎮同湖北漢口鎮、江西景德鎮、河南朱仙鎮合稱為「四大名鎮」，依家為國家歷史文化名城。佛山又係著名僑鄉，旅外僑胞140萬人。

行政

現時佛山市轄下有5個市轄區：禪城區、順德區、南海區、三水區、高明區。

佛山挨住廣州，近年經濟、民生等都同廣州關係好密切。廣佛都市圈正逐步形成。

地理

佛山位於廣東省中南部，地處珠江三角洲腹地，東倚廣州，南鄰港澳，地理位置優越。佛山氣候溫和，雨量充沛，四季如春，屬亞熱帶季風性濕潤氣候，年平均氣溫23.2°C，自古以嚟就係富饒嘅魚米之鄉。珠江水系中嘅西江、北江同埋支流貫穿全境，屬典型嘅三角洲河網地區。

佛山嘅氣候屬亞熱帶季風氣候，全年平均氣溫22.1攝氏度，相對濕度 77%，市區年降雨量1490.6 毫米。

史

大清嗰陣，佛山係歸廣州府南海縣。雍正十一年置佛山鎮。

文化

佛山係粵劇嘅發源地，亦係著名嘅體育之鄉，龍船及舞獅運動水平都享譽海內外。

名人

黃飛鴻、李小龍、康有為、詹天佑、汪精衛、梁廣、梁贊、葉問、何香凝、鄭裕彤、李兆基、陳苑澄

市內交通

地鐵

市內第一條地鐵線係廣佛地鐵，原本打算喺2002年起，2006年啟用。但係因為資金問題要押後至2007年先至開始起，喺2010年啟用魁奇路站至西朗站，2015年啟用西朗站至燕崗站，2016年啟用新城東站至魁奇路站。

巴士

市內嘅巴士公司主要係粵運公交、佛廣公交、順德公交、新福利、恒通公司。每程票價人民幣1蚊到5蚊不等。

的士

而家市內有好多間的士公司，主要有佛山汽車運輸集團有限公司、順安達運輸有限公司、新協力運輸有限公司、南海小汽車出租公司同埋廣佛交通運輸有限公司等等。價錢統一都係8蚊起表，每公里兩個六。

全景

佛山南邊嘅部分全景（2016年3月27號12:52喺魁星樓影）

佛山北邊嘅部分全景（2016年3月27號13:01喺魁星樓影）