元清閣

黃大仙元清閣大門對聯：「金生麗水乾卜留聖跡；華光普照坤造別洞天。」

元清閣（粵拼：jyun4 cing1 gok3；英文：Yuen Ching Kok）係香港一間供奉黃大仙嘅道教廟宇，喺九龍青山道嘅新圍村，地址為九龍蘇屋一段嘅呈祥道6449號地段，佔地面積約2公頃，分成高低兩組嘅建築群。南面隔離係供奉觀世音菩薩同孫悟空嘅紫陽洞。

史

喺香港日治時期，住喺九龍西部嘅市民前去嗇色園拜神嗰時，成日受到日軍凌辱。當時，潮州商人周亮星先生得知居民嘅苦況，就專程喺1942年4月15號（星期二）到嗇色園禮請黃大仙傳聖土瓜灣北帝街23號二樓，道壇起初名叫『駐憇亭』。法壇之後喺1942年8月22號（星期六）搬去九龍聯合道38號三樓，1942年9月25號（星期五）改名叫「黃大仙元清閣」，更定喺農曆十月初十日為成立日。跟住黃大仙屢降乩示，指示當屆理事向青山道搵地起閣，之後得到潮商陳創穆先生捐地，就喺九龍青山道嘅新圍村現址起咗香港另一間供奉黃大仙嘅道觀。而家嘅建築物係喺1955年春季起好，同年4月24號（農曆閏三月初三日，星期日）舉行開光大典。

設置

• 大門
  • 橫匾：「黃大仙祠」
  • 對聯：「金生麗水乾卜留聖跡；華光普照坤造別洞天。」
• 主殿供奉道教嘅黃大仙像、「王章」像、「張禹」像。
• 戶外有蓋食堂：喺農曆初一、十五同農曆8月23號嘅「黃大仙寶誕」，設有免費素食招待前嚟觀光嘅人士。
• 龜池：似新加坡嘅龜嶼嘅「大伯公廟」噉嘅池塘，中間亦有一隻石龜，背脊上面有一條眼鏡蛇。石碑：善因褔果。
• 辦事處、義診部、扶乩房、善信休憩處、盥洗室。

相

• 
  黃大仙元清閣嘅山門：黃大仙祠
• 
  黃大仙元清閣嘅風水池塘
• 
  香港，呈祥道，元清閣，主祈：黃大仙祭臺
• 
  香港，呈祥道，元清閣，王章祭臺
• 
  香港，呈祥道，元清閣，張禹祭臺

出面網頁

• 黃大仙元清閣官方網站（中文）。