八十後又叫八零後，或者寫做80後，廣義上係指1980年之後出世嘅人，又或者就咁指1980年代出世嘅人。呢個詞嚟自中國大陸，本來係指一孩政策下縱壞咗嘅獨生一代，帶少少貶義。
喺香港，1980年代出世嘅人舊時通常叫八十世代，或者夾埋1970年代尾出世嘅叫做第四代香港人[1]；但係到咗2010年，一班鍾意參加示威遊行嘅廿幾歲後生仔女俾中文傳媒封做「八十後」政壇新力軍，令「八十後」呢個詞喺香港興起，但係香港所講嘅「八十後」嘅特質同大陸嘅有唔少分別。
