北大刀岃

北大刀岃（Turret Rock或Pak Tai To Yan），又寫北大刀屻，舊誤聽爲北大頭羊（Tai Tan Yang (North)或Tai Tau Yan (North)），係香港一山，高四百七十九米。佢喺新界中部偏北，林村以北，大窩以西，和合石以南。行政上係大埔區、元朗區同北區嘅地界。部份地劃入林村郊野公園之內。同東南面大刀岃，一脈相承。之所叫大刀岃，皆因山脊兩側，都係懸崖或斜坡，形似大刀向天。

北大刀岃
北大刀岃
海拔	479米（1,572英尺）
位置	香港新界中部
座標	22°27′52″N 114°07′30″E
北大刀岃 呢座山喺香港嘅地理位置

名

岃係山好高咁解，大刀就係佢嘅形狀，高而窄，似大刀向天。一向手寫岃字，但要遷就中文電腦輸入，亦寫屻字。

地理

北大刀岃同大刀岃，係同一山體，北大刀岃佔山體東北部。山體走向，西南到東北，由林村到粉嶺。佢東側係大窩谷地，西側係打石湖嘅谷地。佢東西都有山平而走，東面對住九龍坑山，西面對住鷄公嶺。

北大刀岃北邊尾，畀和合石谷叉兩邊，北支過箕勒仔尾落蝴蝶山，東支係和合石墳場。蝴蝶山好近粉嶺火車站。而東側山下，有南華莆、泰享、坑下甫等村。西側南有牛牯角，而山腳有打石湖、營盤、大壟等村。

交通

北大刀岃無車路上頂。最近可以由和合石墳場或牛牯嶺嘅車路上山，再行上頂。