啟德大道公園

啟德大道公園，香港公園之一，喺九龍，近啟德站，舊時啟德機場原址東北角，英文則定名Kai Tak Avenue Park。同啟德車站廣場相連，與住宅樓宇、商業大廈相雜。二〇二一年十二月七日開張，歸康樂及文化事務署管。行政上歸入九龍城區。

啟德大道公園

公園奇形怪狀，唔係一笪地咁，個款似曲咗廿字形咁，成三條主軸。

一軸東北與西南，地底收埋港鐵屯馬綫，近啟德站一段。東北接沐縉街，西南接啟德車站廣場。

二軸東與西，大段貼住沐翠街，西端一小段駁返去啟德車站廣場。

三軸呈弧曲，西北彎向東再彎西南，橫過一軸二軸，主要設施都喺上面。西北端貼住協調道，南端貼沐安街。同一軸相交之處，叫花花廣場。軸二軸之間，叫中央草坪，南端有遊樂場，設籃球場。廁所連育嬰室，喺南北兩端。健身站則零星散佈整軸。辦事處設喺南端，地址沐安街十六號。

軸之間夾住商住之區。東夾住啟晴邨、晴朗商場。東南夾住德朗邨。西南夾住煥然壹居同啟朗苑。其餘南同西，夾住未來幾棟商業樓宇，重起緊。