大圍站公共運輸交匯處

大圍站公共運輸交匯處（英文：Tai Wai Station Public Transport Interchange），九巴叫做大圍鐵路站巴士總站（Tai Wai Railway Station Bus Terminus），舊時叫做大圍火車站巴士總站（Tai Wai KCR Station Bus Terminus），係香港沙田區大圍一個室內地面車站，喺港鐵大圍站南便，有巴士總站、專線小巴總站同埋的士站。

大圍站公共運輸交匯處 Tai Wai Station Public Transport Interchange
總站簡介
所在區域	沙田區
所在分區	大圍
出入口所處街道	車公廟路（入口） 美田路（出口）
啟用日子	2004年12月21號
路線資訊
總站路線	九龍巴士 46S、72A 龍運巴士 R42、X48 專綫小巴 68K、403X、481B、803K
途經路線	九龍巴士 46P、46X、80K、86B、88K、249X
其他交通工具	的士
接駁交通工具	港鐵東鐵綫、馬鞍山綫
其他資訊
鄰近出名 建築物或景點	港鐵大圍站

大圍站公共運輸交匯處嘅小巴總站

歷史

大圍總站有三代，分別係路邊車站、坑狀露天車站同埋室內公共運輸交匯處。

第一代大圍總站晌大圍道近富嘉花園，1980年代初期至中期運作。嗰陣時九廣鐵路（而家港鐵東鐵綫路段）重未電氣化，大圍站都重未起，大圍一帶嘅人口都比較少，九龍巴士72A線同埋85線都係晌路邊做總站，總站名叫「大圍」。

第二代大圍總站喺家下大圍站南便、大圍歡樂城（舊時叫「青龍水上樂園」）西南便，1986年跟住大圍站永久車站開放而啟用，總站名叫「大圍火車站」，係一個坑狀露天車站。第二代大圍總站有兩個入口，分別晌美田路同埋車公廟路，其中美田路入口嘅站位採用U形設計，由車公廟路進入嘅巴士就係單向西行，巴士統一晌美田路駛出。

第三代大圍總站即係而家嘅大圍站公共運輸交匯處，2001年同大圍站馬鞍山鐵路部份一齊開始起。室內公共運輸交匯處採用環狀設計，巴士同埋專綫小巴統一晌車公廟路入、美田路出，站入便有緩衝區畀巴士停車用。根據政府規劃，第二代巴士總站都係公共運輸交匯處嘅一部份，嗰個站臨時搬向南便，以配合工程進行。公共運輸交匯處晌歡樂城舊址南便起，同大圍站擴建部份相連，政府重起咗連接村南道同埋公共運輸交匯處嘅行人隧道，方便大圍居民行去車站。

大圍站公共運輸交匯處晌2004年12月21號同馬鞍山鐵路一齊啟用，通車初期同露天臨時總站一齊用，九巴晌2005年至2006年期間逐一將巴士站搬去室內公共運輸交匯處，露天總站已經晌2006年底永久封閉，而家嗰度重係吉地，啲站坑同埋專綫小巴總站嘅路面劃綫重晌度，重未有乜嘢發展。

大圍站嘅巴士線變化唔大，以中途站為主，九龍巴士72A線係而家唯一全日服務而以大圍站做總站嘅巴士線，非全日路線九龍巴士46S線同埋龍運巴士R42線亦以大圍站做起點。

總站路線資料

巴士

• 九龍巴士46S線

九龍巴士46X線嘅輔助線，提供大圍、美田邨、美松苑同美林邨去葵涌嘅巴士服務，只晌平日朝早繁忙時間提供單向服務。

• 九龍巴士72A線

提供大埔工業邨、大元邨、大埔墟、廣福邨往來大埔公路（大埔滘、香港中文大學）、沙田源禾路、乙明邨、美林邨同大圍嘅巴士路線，係唯一一條全日以呢個總站做終點站嘅巴士路線。

• 龍運巴士R42線

提供大圍新翠邨、秦石邨、沙田市中心、港鐵荃灣站同楊屋道往來香港迪士尼樂園度假區嘅巴士服務。

• 龍運巴士X48線

專線小巴

• 新界區專線小巴68K線

• 新界區專線小巴403X線

• 新界區專線小巴481B線

• 新界專線小巴803K線

途經巴士線

• 九龍巴士46P線

淨係去顯徑方向經呢個站，反方向車站設喺附近嘅海福花園

• 九龍巴士46X線

淨係去顯徑方向經呢個站，反方向車站設喺附近嘅海福花園

• 九龍巴士80K線

• 九龍巴士88K線

淨係去顯徑方向經呢個站，反方向車站設喺附近嘅積運街（近大圍站F出口）同埋海福花園

• 九龍巴士249X線