大坡村（粵拼：daai6 bo1 cyun1）係中國村名，可以係：
- 廣東茂名茂南區嘅村，請睇《鎮盛鎮》
- 地名意思係話條村喺大山坡度噉解，喺民國初年安名。
- 1958年叫大坡生產大隊；1983年改爲鄉；1987年改爲村；1989年改爲管理區；1999年恢復爲村。
- 廣西
- 鬱林
- 北流嘅村，分大坡外村同大坡內村，請睇《大坡外鎮》
- 地名係話條村所在嘅丘陵形狀似坡。
- 容縣嘅村，請睇《十里鎮》
- 地名係話呢度係處山坡，而且面積大。
- 1955年設大坡鄉，屬甘旺區；1958年4月屬江口鄉，改爲大坡公社；1958年8月屬紅旗公社嘅江口鄉，改叫大坡工區；1959年3月屬十里公社，改爲大隊；1962年10月屬十里區，改成公社；1969年7月恢復爲公社下嘅大隊；1984年9月，屬十里鄉，改爲村；1987年改爲村公所；1994年恢復爲村。
- 梧州龍圩區嘅村，請睇《大坡鎮》
- 地名出自麻地山，座山伸出好大塊坡地，條村喺坡地麓。嗰度形成咗墟，之後變成鎮。
- 清朝同民國時屬冠蓋鄉；1949年12月屬廣平區嘅冠蓋鄉；1950年10月屬第三區嘅冠南鄉；1952年5月設大坡鄉；1957年12月改爲農業初級社；1958年改爲大隊；1984年7月改爲村；1987年8月改爲村公所，下轄城村、富膳、上思文、下思文、乾腳呢5條自然村；1995年8月恢復爲村。
- 海南
- 海口瓊山區嘅村，請睇《大坡鎮》
- 地名出自大坡嶺，因爲佢喺條嶺之下。
- 清乾隆六年（1741年），下水同文勝兩個細墟合併成大坡墟，有陳、李兩姓人喺而家舊墟度開舖，因爲墟喺大坡嶺之下而得地名，後來發展成鎮。
- 1987年3月，屬瓊山縣嘅大坡鎮；1994年1月，瓊山撤縣升市；2002年10月，瓊山撤市改區。大坡一直屬瓊山嘅大坡鎮。
- 定安嘅村，請睇《黃竹鎮》
- 村名係合名，合成自大路坡同坡仔呢兩部分。
- 村民嘅祖先係福建人，喺宋代開村。1951年屬萬河鄉；1958年搞人民公社時設大坡大隊；1980年大隊設管理委員會；1983年10月設大坡鄉；1987年3月設大坡村；1989年10月改設大坡管理區；1995年恢復返村委。
- 吉林
- 吉林市蛟河嘅村，請睇《拉法街道》
- 因爲條村四面環山，入村時要行過個大山坡，因而起名。
- 民國元年（1912年）開始有人住，係啲散戶墾荒，因爲佢喺馬河上游，所以得名馬河上屯（maa5 ho4 soeng6 tyun4）。民國二十五年（1936年）開村，有韓氏家族喺處住，而改名叫韓大坡（hon4 daai6 bo1）。條村之後多咗外人入住，爲咗防日本人來害，啲壯丁自組民團，於是喺1937年改名叫自安（zi6 on1），然後轉成咗治安（zi6 on1）。1981年中國大陸第一次地名普查，因爲佢同新民大隊嘅治安屯撞名，而再改名叫大坡。
- 滿洲國時屬新站保管；1946年設治安村，屬拉法區；1954年屬拉法鄉；1959年屬拉法公社嘅治安管理區；1962年改成治安大隊；1981年改名做大坡大隊；1983年改成村。
- 長春榆樹嘅村，請睇《大坡鎮》
- 村名跟鎮名，同時鎮名亦得自村名。
- 貴州遵義習水嘅村，請睇《大坡鎮》
- 原本當地個墟喺大坡場河對出嘅大村度，清同治元年（1862年），個墟火燭，當時石阡嘅知縣袁超佢帶頭出錢，喺現今位置重建咗個墟，因爲後面有座山叫大毛坡，都係啲坡地，個墟就叫大坡場。民國時大毛坡上有保長起咗間平房，而叫做大坡頭。
- 雲南曲靖霑益嘅村，請睇《大坡鄉》
- 地名係官話諧音。條村隔籬有樖大朴樹，然後大朴諧音成大坡（當地講西南官話，入聲字喺西南官話中整體派入平聲。）。
