大絹斑蝶

大絹斑蝶（chestnut tiger，學名：Parantica sita）係蛺蝶科嘅一種蝴蝶。

分佈

呢隻蝴蝶大致分佈喺阿富汗、巴基斯坦、印度、尼泊爾、不丹、孟加拉、緬甸、馬來半島、印度尼西亞嘅蘇門答臘島、台灣、朝鮮同日本。

特徵

展翅寬80~100 毫米。前翅黑啡色、後翅啡色，有大型嘅青色條狀斑紋。

習性

喺香港深水灣捕獲嘅大絹斑蝶

棲習喺中、低海拔山區。每年9月左右產卵，第年4月左右就會羽化成蟲。喺東南亞、中國南部、台灣北部、琉球群島、日本之間會進行長途遷徙。

2011年12月31日，大埔環保會喺香港深水灣發現由日本和歌山縣飛嚟嘅大絹斑蝶，呢隻蝴蝶用咗83日飛越2500公里嘅東海，係除咗帝王斑蝶嘅紀錄之外，全球最遠嘅蝴蝶飛行路線。