大赤門

大赤門（英文：Tai Chek Mun，又North Channel）係香港一海門。大赤門喺大埔東北。呢道門承自西南嘅赤門，而洋面又闊過赤門好多，南係赤洲，北係大嶺，嶺東盡頭係黃竹角嘴。

由香港科學園側邊，白石角海濱長廊望出去，近係大埔海，遠係赤門，再遠係大赤門。

地理

大赤門同赤門，都係香港一斷層。由西南向東北走。大赤門一帶，地質古老。赤門同赤洲，都係石帶鐵質而紅，因以爲名。

大赤門西南行，過赤門，就到大埔海同船灣海。而南行就到海下灣同下灘海，東南行過赤洲同塔門之間，係赤洲口。而東出大赤門入大鵬灣。