學牌

學牌，正式名學習駕駛執照（英文：Learning driving licence），係專門淨係用嚟學車、駕駛考試嘅一種特殊車牌，亦係香港運輸署嘅一種特殊車牌，考完筆試，合格先可以申請，再攞住去報駕駛考試，考試合格再換P牌。任何年滿18歲嘅人都可以申請私家車、輕型貨車及電單車嘅學牌。學牌仔都要喺車輛前後掛「學牌」。

香港學牌

英國學牌

日本學牌

限制

九龍塘花圃街嘅禁學路段

禁學路段

跟據香港運輸署嘅《學習駕駛執照持有人應遵守的規條》，學牌仔要遵守學牌規限：

1. 學牌仔要有教車師傅喺隔離先可以揸車，除非你學電單車或者係考試緊。
2. 淨係可以載教車師傅，另一個學牌仔或者考官。
3. 部車須符合以下條件：
   1. 手掣設喺教車師傅伸手可及之處。
   2. 前後牢掛長闊二百五十毫米嘅學牌。
4. 除咗禁學路段邊度到去得，同埋只可以喺學車時間內揸。

文化

稱呼

喺香港，「學神」、「學牌仔」係對學牌持有人嘅其中一個稱呼。香港電視娛樂亦製作過真人騷節目《學神出沒注意》。

學牌出車

喺香港，學電單車，分3個部份筆試、強制試同路試，筆試係考《道路使用者守則》內容，強制試喺考試場地內考基本操作，合格先拎到學牌，先可以合法出街，喺馬路學車，而香港電單車路試可以自己學，唔一定跟教車師傅，有學牌仔會喺呢段時間會學牌出車，即係未考路試就買咗電單車先，可以學車又可以遊車河，但係要遵守學牌規限，試過醉駕停牌嘅藝人謝天華亦係學牌出車，曾經半夜趁少人，喺學牌時間外揸車，連學牌都冇掛，結果遇著差人路障，罰款七百七十蚊。