寶雲匯

寶雲匯（英文：The Cliveden）喺香港新界荃灣北面嘅荃錦公路山上，係荃灣區一個大型私人住宅項目，由嘉里建設同信和置業合作發展，喺2003年起好入伙，近朗逸峯，係荃灣區裏面半山低密度歐洲式豪宅發展項目，總共有9座住宅樓（無第4座）^[1]。

屋苑資料

單位建築面積由973呎至1,488呎不等，全部3房連主人套房設計（另有工人房及環保露台）。重可以自設可達2,490呎或2,970呎嘅相連單位，同埋頂層連天台複式單位。所有單位樓高達10呎6吋（包括石屎地台）。大部份單位可以睇到大帽山景同維多利亞港景色。每座一梯二或三伙及雙升降機設計，私隱度高。總數210個住宅單位。屋苑有室內停車場，車位總數達360個（包括45個訪客車位）。5萬呎平台花園、住客會所、峇里特色園林、30米長游泳池、室外按摩池、桑拿浴室、健身室、乒乓球室、桌球室、戶外及室內兒童遊樂場、電腦/閱讀室、藝術走廊、多用途宴會廳、燒烤場、小型籃球場、小型高爾夫球練習場。