呢篇文講嘅唔係市場研究

市場學研究英文marketing research),係指市場學上做嘅研究。着重於獲得資料、分析同預測,包括咗市場調查,不過亦都包埋消費者心理學上嘅心理實驗等。

噉講即係話,市場調查屬市場學研究一環,但唔係市場學研究嘅全部。

定位 編輯

 
2012 年香港一間商場
市場學研究:呢啲消費者行為可唔可以廣義化做一套理論,用嚟預測第啲市場同未來嘅消費者嘅行為呢?
市場研究:呢啲消費者嘅行為係點?知道咗呢點,我哋套營銷策略要點制定?(佢並冇喺度諗要將份研究嘅結果廣義化。)

有啲人會將「市場研究」同「市場學研究」當做同義詞,不過又有唔少工作者主張要分清楚呢兩個概念:佢哋認為,市場研究係特指為咗探知一個市場嘅形勢而做嘅研究,而市場學研究就廣義啲,可以包埋啲為咗增進市場學理論知識而做嘅研究;舉例說明,

  • 想像家陣有位香港嘅市場學工作者,佢想用心理學嘅理論剖析廣告點樣左右人嘅注意力(例如廣告會點樣影響受試者望向邊[1]),從而得知人類嘅一啲普遍行為,希望自己搵到嘅結果能夠喺其他市場(例如美國日本)以至第時嘅市場學工作上都有用(廣義化)-噉呢份研究會係市場研究[2]
  • 又想像有位香港嘅市場學工作者,佢間公司設計咗個新廣告,佢個團隊想知個廣告係咪能夠有效噉提升香港嘅消費者買樣產品嘅意慾,所以就做場實驗,睇吓啲人睇咗個廣告係咪會買嘢意慾高咗,同時位工作者並冇諗住自己搵到嘅結果會用到喺第啲市場度(淨係諗住探究一個特定市場嘅形勢)-噉呢份研究會係市場研究;

噉講即係話,市場研究可以想像成比較

  1. 實用性質,而唔係理論性質;
  2. 狹義化,淨係諗住研究某個市場,唔會好似科學理論噉追求「要解釋到有咁多得咁多嘅現象」;

市場研究嘅目的雖然同市場學研究咁唔同,不過兩者都會用到好多社會科學上成日用嘅研究方法。

方法 編輯

睇埋 編輯

編輯

  1. Pieters, R., Rosbergen, E., & Wedel, M. (1999). Visual attention to repeated print advertising: A test of scanpath theory. Journal of marketing research, 36(4), 424-438.
  2. Tellis, G. J. (2017). Interesting and impactful research: On phenomena, theory, and writing. Journal of the Academy of Marketing Science, 45(1), 1-6.