中秋

東亞傳統節日

中秋東亞民間一個傳統節日,響每年農曆八月十五

中秋節
25 Largo do Senado, Macau - panoramio.jpg
中文名
Template:Infobox East Asian/Nametable
日文名
Template:Infobox East Asian/Nametable
韓文名
Template:Infobox East Asian/Nametable
越南文名()
Template:Infobox East Asian/Nametable
琉球語名
Template:Infobox East Asian/Nametable
中秋節
參與人Flag of the People's Republic of China.svg 中國大陸
臺灣 臺灣
Flag of Hong Kong.svg 香港
澳門 澳門
Flag of South Korea.svg 韓國/南韓
Flag of North Korea.svg 北韓
Flag of Japan.svg 日本
Flag of Vietnam.svg 越南
星加坡 星加坡華裔
Flag of Indonesia.svg 印尼華裔
馬來西亞 馬來西亞華裔
傳統節日
日期農歷八月十五
中秋個月光
北京龍潭湖中秋節嘅燈會上嘅二龍戲珠
人們經常喺中秋嗰陣食月餅
喺香港維多利亞公園嘅花燈(2005年)
灣仔修頓球場舉行嘅大坑舞火龍表演
朝鮮中秋食品
中秋節時嘅越南一班細路。
日本中秋節陳列嘅食品

按照中國嘅農曆,八月係秋天嘅第二個月,古時稱佢做仲秋,因此民間叫做中秋,又叫月光誕秋夕八月節八月半月夕月節,又因為呢一日月亮滿圓,象徵團圓,又叫做團圓節。受中華文化嘅影響,中秋節亦係、日本越南馬來西亞新加坡朝鮮韓國等國嘅傳統節日。

起源

中秋一詞,最早見於《周禮》,《禮記·月令》上說:「中秋之月養衰老,行糜粥飲食。」但並無講明係八月嘅邊一日。

唐朝以後,中秋節先成為固定嘅節日。傳說唐玄宗夢遊月宮,得到「八月十五日殺韃子(即蒙古人)」訊息,洪武元年(1368年)朱元璋將月餅作為節令糕點賞賜群臣。時期,中秋節已經成為中國嘅一大傳統節日。《正德江寧縣志》載,中秋夜,南京人必賞月,合家賞月稱為「慶團圓」,團坐聚飲稱為「圓月」,出游待市稱為「走月」。

關於中秋節來源嘅傳說,嫦娥奔月嘅故事最出名。呢個傳說喺民間有多個版本流傳,大致內容係:相傳喺遠古時代嘅射日英雄后羿娶咗嫦娥,並成為帝王,但係佢愈來愈暴戾,多番施行惡政,做咗大暴君。有一日,后羿喺王母娘娘嘅手中求得到一包不死藥,只要食咗不死藥,就可以長生不老。嫦娥知道後為拯救蒼生免受后羿永遠嘅統治,就將不死藥全部吞晒,然後變咗仙女,飛去月宮。百姓得知嫦娥奔月成仙後,紛紛喺月下擺設香案,向嫦娥祈求平安吉祥,由此就逐漸形成咗中秋節拜月嘅風俗。[2]

中秋習俗

中秋賞月
賞月係中秋節嘅傳統活動之一,《禮記》早有記載「秋暮夕月」,意為拜祭月神,逢此時就要舉行迎寒和祭月,設香案。至唐宋時期,賞月之風更盛,關於中秋嘅詩詞亦層出不窮,如辛棄疾嘅《木蘭花慢 中秋》、蘇軾嘅《水調歌頭》等。《東京夢華錄》更有記載:「中秋夜,貴家結飾台榭,民間爭占酒樓玩月」。
桂花,食用桂花制作嘅各種食品,以糕點、糖果最多見。
燈籠
啲人喺中秋節夜晚提燈籠.或將燈籠掛喺門前。
月餅
賞月同食月餅已經係各地過中秋節嘅必備習俗,俗語話:「八月十五月正圓,中秋月餅香又甜」。月餅一詞,源於南宋吳自牧嘅《夢梁錄》,嗰時只係一種點心食品。到後來啲人逐漸將賞月同月餅結合喺一齊,寓意家人團圓,寄托思念。同時,月餅亦係中秋時節朋友間用來聯絡感情嘅禮物。

廣東

廣東各地,中秋賞月時經常食月餅芋頭栗子菱角月光餅亦時有所見。

廣東地啲傳統到夜晚黑有拜月祭月習俗,會喺出邊擺檯,放好生菜、生果、月餅,擺埋蠟燭同幾隻酒杯,燃香點燭,一家人圍著坐埋一齊。所謂拜月,一般以女性小童為主,男嘅齋賞月[3]

廣州等地啲屋企會準備芋頭同田螺做節日餐,諺語:「冬唔飽,年唔飽,八月十五得餐飽。」過節稱之為豎中秋。舊俗當日朝早,屋企就擺啲月餅生果愛來祭祖拜神。到晚黑闔家歡聚後有拜月光嘅儀式:燒「月光衣」,點香燃燭。對月當天,屋企有天臺就上去,冇嘅就到門口,戙枝竹掛埋燈飾。拜完月光就會食宵夜,食粥啜螺,分食月餅、生果,一家老少親友打牙鉸到落。

廳度會擺祭月用嘅月餅、生果、芋頭、菱角之類。生果會有柚、柿、香蕉、楊桃、油甘子等。舊時芋頭習慣係擺一碟出來嘅,中間放芋乸,芋仔就一齊圍著。中秋食田螺一係炒蒜頭豆豉,一係就煲成粥[4]

香港

香港嘅中秋節公眾假期定喺農曆八月十六日(中秋節翌日),有啲學校同公司畀學生同員工喺八月十五日下晝開始放假。啲人除咗喺中秋節選購月餅之外,楊桃芋頭菱角都係中秋節慶食品。近年香港興起各種各樣嘅新式月餅,好似冰皮月餅就大行其道,喺中秋節晚,市民會到公園燃點蠟燭、掛燈籠,甚至煲蠟,但因為安全理由,香港政府1990年代起已嚴厲取締。喺全港各區嘅主要公園亦設有大大小小嘅中秋綵燈裝飾,點綴氣氛。

另外,喺銅鑼灣大坑舉行,連續三日嘅舞火龍活動,係每年一度嘅傳統節日客家儀式,於農曆八月十四至十六連續三日舉行,祈求消災解困。此外,亦有啲地方嘅習俗會向老人家送贈長壽麵或畀後輩送贈豬仔餅

中國大陸其他地區

江浙一帶,除咗普遍嘅豆沙鹹蛋月餅,重有「鮮肉月餅」。鮮肉月餅唔似其他地區嘅月餅,只會喺中秋期間食,而係一年四季都好流行。鮮肉月餅係蘇式月餅嘅一種,起源喺江蘇揚州一帶,口味屬於甜味,做法屬烘焙類。蘇式月餅相比廣式月餅,相對而言食多咗唔會有油膩感覺,亦唔會太甜,產生高熱量。
福建廈門地區重有博餅嘅習俗,而且博餅被列為國家非物質文化遺產項目,喺廈門海滄大橋旅游區(AAAA)建設咗廈門博餅民俗園。
燒塔
中秋夜燒塔喺中國南方嘅福建、江西、廣東、廣西等地農村好流行。塔身有碎磚同瓦片以及樹枝干草等搭建而成。圓窯形,下闊上尖,入面空心,中秋晚上點燒,經常會有燒塔比賽,塔燒得越通紅越好,燒得越旺越有彩氣。
其他
喺浙江東部,同全國其他地方有啲唔同,中秋節係喺八月十六,而唔係八月十五,並且傳統上名稱亦係直接叫「八月十六」,同端午、重陽、冬至唔同。

台灣

台灣,農曆八月十五嘅中秋節係個重要民俗節日,全台灣放假一日。至今,台灣一般民眾重係普遍有賞月食月餅、柚子嘅習慣。而地區性嘅文化,好似美濃地區嘅客家人喺中秋節宰食水鴨公;宜蘭地區除咗月餅,重食一種用麵粉製成,中間抹上黑糖烘焙而成嘅「菜餅」;南部地區亦有喺中秋節食麻糬火鍋嘅習俗[5]。而呢幾十年仲新興起中秋搞燒烤嘅習慣,中秋節前後,台灣唔少屋企會喺家門口搬凳仔,或者騎樓前或屋企頂樓,一邊燒烤一邊吹水。台灣人中秋節燒烤除咗揀屋企樓下,仲會揀社區中庭或者啲空地,擺啲烤肉架當街「夜烤」。有啲仲會齊齊直頭到燒烤舖頭,可以點啲日本和牛,雪花豬,龍蝦,帝王蟹之類嘅大餐。

屋企度燒烤最簡單嘅用土司夾烤豬肉片,仲有雞髀雞翼或雞肉串燒,海鮮,蝦子,花甲,生蠔、八爪魚,魚蛋,仲有蔬菜豆潤[6]

朝鮮半島

韓文叫「추석」(秋夕)、「중추절」(仲秋節)、「가배」(嘉俳)、「중추」(仲秋)、「가배일」(嘉俳日)、「중추가절」(仲秋佳節)。係掃墓並用新收穫嘅穀物同果實祭祀先祖嘅日子。回鄉探親,向親朋戚友送禮亦係過中秋節嘅習俗。所以英文亦將朝鮮半島嘅中秋節叫做「韓國感恩節」(Korean Thanksgiving Day)。

越南

越南人農曆八月十五過中秋節(越南文Tết Trung Thu節中秋*/?,呢處「」用嘅係喃音,「中秋」係漢越音),亦有人叫佢做「望月節」(越南文Tết Trông trăng*/?)。中秋節亦係越南細路嘅一個節日。當晚,啲細路聽阿貴傳說,去睇舞獅,有啲重得到老竇買嘅一個用來舞獅嘅獅子跟班朋友一齊玩。越南細路喺中秋夜都要提鯉魚燈出遊玩,重預示大個「跳龍門」意思。

日本

日本嘅傳統嘅中秋節被叫做十五夜,亦叫中秋名月芋名月。但係同中國人喺中秋節嘅時候食月餅唔同,日本人喺賞月嘅時候食江米團子,稱佢做「月見團子」。由於呢個時期正值各種農作物嘅收穫季節,為咗對自然嘅恩惠表示感謝,日本人要舉行各種慶祝活動。日本人亦會賞月,稱佢做「月見」(ja:月見)(日文月見つきみ Tsukimi ?),屋內會陳列賞月團子日文月見団子つきみだんご Tsukimi dango ?)、芒草日文すすき Susuki ?)、日文裡芋さといも Satoimo ?)等。

琉球

琉球人中秋節會食一種叫吹上餅ふちゃぎ)嘅食品,係一種表面鋪上紅豆嘅米餅。重有拔河嘅風俗。

中秋詩詞

有好多古代詩人寫咗詠誦中秋節嘅詩詞。

其中宋朝詞人蘇軾所寫嘅詞——《水調歌頭·明月幾時有》最為人熟悉:

明月幾時有?把酒問青天。
不知天上宮闕,今夕是何年。
我欲乘風歸去,又恐瓊樓玉宇,高處不勝寒。
起舞弄清影,何似在人間!
轉朱閣,低綺戶,照無眠。
不應有恨,何事長向別時圓?
人有悲歡離合,月有陰晴圓缺,此事古難全。
但願人長久,千裡共嬋娟。

參考

  1. "南山俗語-琉球詞和解-". 原著喺2013-11-22歸檔. 喺2014-09-10搵到.
  2. 《中秋節嘅由來與傳說》 互聯網檔案館歸檔,歸檔日期2007年9月17號,.,中國網
  3. 廣東省志·風俗誌·歲時節日習俗
  4. 廣州市志·社會·風俗誌·歲時節令
  5. "台北市立圖書館-熱門主題:與月為伴 愉閱中秋". 原著喺2013年9月21號歸檔. 喺2012年9月13號搵到.
  6. 台灣人過中秋:你不知道的特殊習俗 BBC中文 2018-09-22