康澤花園

康澤花園（Fortress Metro Tower）係香港島北角一個私人屋苑，嚮香港島炮台山英皇道238號，係港鐵炮台山站上蓋物業。康澤花園地底係港鐵站，基層係商場同惠康超級市場，1樓平台係行人天橋兼宣道會北角堂教堂、書局同寫字樓咁。康澤花園住宅入口嚮2樓，連接各層有多部行人電梯同埋升降機。康澤花園近街門口出面係多條港島西行巴士嘅車站，街外重有公共升降機通上去炮台山道上面。

康澤花園由恆隆發展，1987年入伙，有4座，樓高34層，1層6伙，總共800伙，有24小時物業管理同保安睇實，2樓自設私家花園平台。康澤花園冇海景睇，因為向維多利亞港嗰邊有一列舊樓，包括英皇大廈、六合商業大廈、中南大廈、公主大廈咁。地產網話「翠綠環抱」，即係只有山景，大潭寶馬山。

附近編輯