何俊仁
何俊仁（Albert HO Chun-yan；1951年12月1號—），人稱「鐵頭仁」，係香港執業律師同公證律師、香港大學法律學學士，香港立法會前議員，屯門區議會前議員，民主黨前主席，香港市民支援愛國民主運動聯合會秘書、保釣行動委員會副主席。佢唔止係泛民主派元老級人馬，重係盧俊宇嘅師父。
| 何俊仁 | |
|---|---|
 | |
| 香港市民支援愛國民主運動聯合會主席 | |
現任 | |
| 就任日期 2014年12月15號 | |
| 前任 | 李卓人 |
| 民主黨主席 | |
| 任期 2006年12月17號－2012年9月10號 | |
| 前任 | 李永達 |
| 繼任 | 劉慧卿 |
| 屯門區議會議員 | |
| 任期 2000年－2015年 | |
| 前任 | 盧志雄 |
| 繼任 | 何君堯 |
| 選區 | 樂翠選區 |
| 香港立法會議員 | |
| 任期 2012年10月1號－2016年9月30號 | |
| 選區 | 區議會（第二）功能界別 |
| 任期 1998年7月1號－2012年9月30號 | |
| 選區 | 新界西選區 |
| 香港立法局議員 | |
| 任期 1995年10月11號－1997年6月30號 | |
| 選區 | 新界西選區 |
| 個人資料 | |
| 性別 | 男 |
| 別名 | Albert |
| 出世 | 1951年12月1號.svg){kind=small} 英屬香港 |
| 籍貫 | 廣東中山 |
| 國籍 |  中國（香港） |
| 政黨 | 民主黨（1994年至今） |
| 其他政黨 | |
| 配偶 | 鄧淑儀 |
| 親屬 | 細佬何俊麒 |
| 居住地 | 香港香港島天后[1] |
| 學歷 | |
| 專業 | 執業律師同公證律師 |
| 何俊仁 | |
|---|---|
| 第4屆香港行政長官選舉候選人 | |
| 選舉日期 2012年3月25號 | |
| 競爭對手 | 梁振英、唐英年 |
| 現任者 | 曾蔭權 |
提示：呢篇文講嘅唔係何俊賢。
屋企
編輯何俊仁祖籍廣東中山，香港出世。何俊仁屋企除佢從政之外，佢細佬何俊麒係民主黨中西區區議員。
何俊仁喺2012年香港特別行政區行政長官選舉前後，多次抨擊梁振英涉嫌誠信有問題，但原來佢本人亦牽涉「誠信」問題。根據報紙報導：何俊仁喺2004年同埋2008年香港立法會選舉後兩度漏報自己有公司股份及董事職位物業利益；另外，何俊仁原來亦曾懷疑捲入僭建風波，其天后廟道飛龍台寓所露台疑僭建。被質疑雙重標準、「講大話」及寬己嚴人等。
簡歷
編輯1992年，港同盟立法局議員吳明欽病逝，港同盟安排何俊仁參加補選，輸咗畀鄧兆棠。1995年參選區域市政局選舉，贏咗陳雲生當選，並且成為票王。
佢喺1995年開始做立法局議員。1998年、2000年選為立法會議員。2004立法會選舉，佢再度代表民主黨，重同元朗區議員張賢登合組名單出選新界西選區，以62,342票當選，同區對手有民主派獨立議員陳偉業名單，職工盟李卓人、葉岳峰名單，查錫我名單，同埋民建聯嘅譚耀宗、張學明名單同自由黨周梁淑怡、丁午壽名單咁。
喺第三屆立法會主席嘅選舉之中，民主派派出何俊仁挑戰連任過兩次嘅主席范徐麗泰，唔成功。
2016年，何俊仁參選第6屆香港立法會選舉嘅新界西選區直選，佢排喺尹兆堅名單第二位，結果落選。
遇襲
編輯第一次遇襲（2006年）
編輯2006年8月20號下晝五點幾，何俊仁去完反銷售稅遊行後，到中環皇后大道中嘅麥當勞餐廳食嘢時，俾三至四個人襲擊受傷，相信襲擊動機同佢嘅律師事務有關。佢係繼已故港同盟立法局議員吳明欽同民主黨主席兼立法會議員李永達後遇襲嘅立法機構議員，亦係香港主權移交之後首位遇襲嘅立法會議員[3]。
8月24號，出院返屋企，而佢律師事務所再收到匿名恐嚇信，入面有刀片同寫咗四行字[5]。
8月30號，接受鼻骨矯型手術，有關手術順利完成，七成視力恢復[6]。
10月12號，喺粵港兩地警方合作之下，有四男一女分別喺香港同廣東中山被捕，懷疑同案件有關，疑犯第二日俾香港警方帶去現場重組案情。
案中四個被告喺2007年2月5號認罪，首被告稱早前曾因為公屋申請、綜援同工作等問題搵過何俊仁幫手，何冇接佢。好激氣，用二萬五港紙請打手，一齊落手，法官質疑被告嘅啲錢點嚟，又話被告供詞疑點重重。控方指案件或者另有內情，重話佢未喺香港住滿七年，唔合乎申請公屋資格。
第二次遇襲（2019年）
編輯2019年11月19號（當時正值香港修例風波），何俊仁喺夜晚7點幾搭港鐵返屋企期間，畀成班黑衫人圍毆。
濕碎嘢
編輯2014年2月26號，立法會搞緊財政預算案宣讀，傳媒影到坐響議事廳嘅何俊仁用緊平板電腦睇靚女相[7]，之後何俊仁解釋話自己好攰，所以先至做咗啲唔應該做嘅嘢。
攷
編輯- ↑ 憲報號外第20卷第22期，香港政府
- ↑ 〈馬會終止黎智英、李柱銘、何俊仁等會籍 共涉14人〉。香港01。2021-09-16。喺2024-04-01搵到。
- ↑ 〈【當年今日】06年何俊仁遇襲 兇徒判囚4年8個月〉。巴士的報。2018-08-20。喺2024-04-01搵到。
- ↑ [1][失咗效嘅鏈]
- ↑ [2][失咗效嘅鏈]
- ↑ 〈存档副本〉。原著喺2006年9月3號歸檔。喺2007年10月5號搵到。
- ↑ 〈財爺讀預算案 何俊仁睇性感女模相〉。《新浪香港》。2014-02-26。原著喺2014-02-26歸檔。喺2014-02-26搵到。
