廣州地鐵21號綫

廣州地鐵21號綫，第個名係東部新城快綫，係廣州地鐵綫之一，2018年12月28號開始營運。路線分咗兩部分嚟開通：

• 首通段：連接黃埔區嘅鎮龍西同增城區中心嘅增城廣場。
• 一期工程：連接天河區嘅員村同黃埔區嘅鎮龍西。

廣州地鐵21號綫
概覽
營運地區	中國廣東廣州
服務類	城市軌道交通
線路類	市域快綫
線路長	60.6km
車站總數	20
軌道標準	1435mm
列車偏組	6卡編組B型列車
營運資訊
營運單位	廣州市地鐵集團有限公司

歷史

規劃

21號綫嘅歷史可以追到去1997年，嗰版規劃話5號綫支綫由琶洲一路北上，經過車陂同廣氮，去到科學城南邊嘅世界大觀為止。但到咗2008年，呢一段路被劃咗畀4號綫入面，重將原先4號綫改成喺奧體以北到廣州科學城範圍，路線亦改成行科學大道同大觀路，經過奧體中心、小新塘同科學城，最後去到水西為止。其中黃村以北路段屬遠景規劃，以南路段喺2010年亞運開幕前夕開通咗。

雖然呢個遠景規劃有機會提早實施，本嚟蘿崗區人民政府（而家係黃埔區人民政府）要從對唔對接市區嘅揀法去諗，但蘿崗區人民政府一直諗住將4號綫從黃村開始向北延長，到6號綫嗰邊為止而唔同市區對接而取消咗。直到2010年，地鐵方為咗支持嗰時規劃入邊發展嘅廣州科學城、蘿崗同埋永和、廣州教育城一帶啲新城發展，及為增城市區啲市民服務而重新提出，但被摱到21號綫入面重向兩邊延長。

2010年12月20號，《廣州市軌道交通綫網2015年建設規劃》正式提出起21號綫，路線從黃村去到增城廣場為止。後嚟又考慮到嗰時規劃緊嘅13號綫二期（朝陽⇄魚珠）及11號綫嘅對接問題先至喺2012年3月15號決定，將西南邊尾站延長到員村入面。隨後又考慮到附近民眾意見，喺同年4月嘅第一次環評加咗水西同象嶺站兩個站同埋員村借用段；同年8月14號搞嗰兩次環評又加咗智慧城、神舟路、科學廣場呢三個站，期間斬咗珠吉路站；同年9月7號嘅環評加埋中新東站而最後落實。隨後環評報告直到2013年8月2號先至被批復。

2012年11月28號，廣州地鐵部門同增城市人民政府（而家嘅增城區人民政府）簽咗《創新融資模式共建軌道交通》嘅合作開發協議，入面提出同嗰時規劃緊嘅14號綫一樣搞快車，重喺2014年2月27號落實咗呢樣嘢。

施工

• 2013年3月29號，天河公園站開始圍蔽。
• 2013年4月6號，員村站開始圍蔽。
• 2013年5月26號，地鐵方向天河公園借咗約8公頃用地搞大面積圍閉而引起社會大範圍討論，期間重將天河公園西南角嘅足球場拆咗。
• 2013年11月8號，鍾岡站動工。
• 2014年2月19號，21號綫工程可行性報告獲得批復。
• 2014年3月25號，朱村站改成地下站重向西移。
• 2014年3月30號，黃村站開始圍蔽搞土建施工。
• 2014年3月24號，世界大觀站開始喐手起。
• 2014年4月8號，黃村站正式開挖。
• 2014年4月17號，智慧城站開始土建施工。
• 2014年4月23號，棠東站正式喐手起。
• 2014年4月26號，水西站同神舟路站正式開始圍蔽施工。
• 2014年6月8號，象嶺站開始圍蔽施工。
• 2014年6月17號，增城廣場站開始圍蔽施工。
• 2014年7月4號，路線嘅22標項——增城廣場站喺全綫同時段招標嗰5個標段入面最先開工。
• 2014年11月3號，鍾岡⇄增城廣場之間嘅20號風井正式開搞施工。
• 2015年4月尾，朱村東站開搞設計招標，決定要搞雙島四綫嘅越行車站。
• 2015年6月23號，最後一個地下站——教育城站正式開工。
• 2015年6月25號，首批共兩台盾構機分別喺智慧城⇄神舟路（中間風井）區間同長平（中間風井）⇄水西區間開始掘進。
• 2015年6月30號，棠東站封頂，係21號綫首個封頂嘅車站。
• 2015年7月10號，長平⇄金坑之間嘅高架橋正式開始施工。
• 2015年7月19號，世界大觀站封頂。
• 2015年7月24號，黃村⇄世界大觀之間嘅左綫盾構隧道正式開挖。
• 2015年7月30號，智慧城站封頂。
• 2015年9月4號凌晨，鍾岡⇄增城廣場之間嘅中間風井順利封底。
• 2015年10月10號，水西⇄長平之間嘅左綫盾構隧道正式開挖。
• 2015年10月17號，中新站嘅第一嚿頂板順利搞掂。
• 2015年10月29號晏晝，象嶺⇄鍾岡之間嘅U型槽第一件底板防水樣板同埋鋼筋工程順利通過驗收。
• 2015年11月18號朝頭早，喺水西站嘅地鐵施工工地爆出咗差人工嘅醜聞，重發生咗單打交事件。後嚟經過調查，原嚟班施工隊係由喺深圳開承包裝修嘅九九八勞務公司承包負責施工嗰7位咕喱差咗成半年嘅人工同水腳，重集體入去財務部搞單大龍鳳出嚟。
• 2015年11月26號，中新東站正式動工。
• 2015年12月2號，鍾岡站封頂。
• 2015年12月12號，鍾岡⇄增城廣場之間嘅20號風井順利封頂。
• 2015年12月19號，棠東⇄黃村之間嘅左綫盾構隧道正式開挖。
• 2016年1月20號，黃村⇄世界大觀之間嘅左綫盾構隧道順利貫通。
• 2016年1月23號，鎮龍車輛段主體開始施工。
• 2016年2月2號，天河公園站第一嚿中板順利封底。
• 2016年3月10號，象嶺停車場嘅機電安裝工程正式開搞；同日喺黃村⇄世界大觀之間嘅右綫盾構隧道正式開挖。
• 2016年3月21號，鍾岡⇄增城廣場之間嘅右綫盾構隧道開挖。
• 2016年3月27號，中新⇄中新東之間嘅右綫盾構隧道開挖。
• 2016年4月6號晚黑，鎮龍車輛段嘅第一嚿扱板順利封底。
• 2016年4月8號晏晝，朱村⇄象嶺之間嘅左、右兩綫盾構隧道開挖。
• 2016年4月24號，中新⇄中新東之間嘅左綫盾構隧道開挖。
• 2016年6月2號，喺神舟路站周邊工地出咗單車禍，一部貨櫃車喺神舟路站隔籬條馬路入面失控撞入神舟路站嘅工地，令車站一度停工。
• 2016年6月8號，水西⇄長平之間嘅右綫盾構隧道成功穿過水西村。
• 2016年6月20號，金坑⇄鎮龍南嘅中間風井區間雙綫貫通，佢亦係21號綫最長嘅一橛山嶺隧道。
• 2016年6月28號，黃村⇄世界大觀（而家係大觀南路站）之間嘅右綫盾構貫通之後而順利雙綫貫通，呢個係21號綫第一條雙綫貫通嘅區間。
• 2016年7月8號，神舟路站封頂。
• 2016年7月16號，鎮龍車輛段嘅工程項目部正式開工。
• 2016年7月17號，增城段首條隧道貫通，成為教育城站到出地段貫通咗嘅左綫隧道。
• 2016年7月28號，科學廣場站封頂。
• 2016年8月10號，中新站封頂。
• 2016年9月6號，象嶺⇄鍾岡同埋鎮龍南⇄鎮龍之間嘅兩條區間嘅左綫隧道同時開挖。
• 2016年9月23號，鎮龍樞紐負一樓嘅地鐵車站結構封頂。
• 2016年9月25號，智慧城⇄神舟路之間嘅左綫盾構隧道正式開挖。
• 2016年9月29號，鎮龍站嘅存車綫暗挖隧道亦順利貫通。
• 2016年10月11號，教育城⇄象嶺區間盾構隧道部份雙綫貫通。據廣州地鐵10月進度通報，呢條區間凈低部分亦雙綫貫通嗮。
• 2016年10月15號，神州路⇄科學廣場之間嘅右綫盾構隧道正式開挖。
• 2016年11月1號，蘇元⇄水西之間嘅左綫盾構隧道正式開挖。
• 2016年11月7號，鎮龍車輛段嘅扱板封頂。
• 2016年11月21號，金坑⇄鎮龍南之間嘅右綫盾構隧道正式開挖。
• 2016年11月22號，水西⇄長平之間嘅左綫盾構隧道順利貫通。
• 2016年11月28號，象嶺⇄鍾岡之間嘅右綫盾構隧道順利貫通。
• 2016年12月5號晏晝，神舟路⇄科學廣場之間嘅左綫盾構隧道正式開挖。
• 2016年12月8～11號，12標一號隧道亦安全順利貫通。
• 2016年12月15號，水西⇄長平之間嘅右綫盾構隧道順利貫通。
• 2016年12月16號，鍾岡⇄增城廣場之間嘅左綫盾構機順利到咗接收井。
• 2016年12月17號中午，中新東站成功搞掂首次爆破。

2018年1月1號，喺增城朱村附近已經架咗佢嘅高架段。

2018年1月1號，中新站重喺度起緊。

2018年6月3號，金坑站重喺度起緊。

• 2017年1月16號，鎮龍⇄中新之間嘅豎井暗挖右綫隧道順利貫通。
• 2017年2月15號，中新⇄中新東之間嘅左綫盾構隧道順利貫通而雙綫貫通。
• 2017年2月24號，鍾岡⇄增城廣場之間嘅中間風井前半橛右綫盾構隧道、鍾岡⇄象嶺之間嘅左綫盾構隧道亦實現同時貫通，最後兩條隧道亦成功雙綫貫通。
• 2017年2月，長平、金坑車站主體結構封頂。
• 2017年3月1號，朱村東站正式喐手起。
• 2017年3月22號，中新⇄中新東之間嘅左綫盾構隧道順利貫通。
• 2017年3月25號，鎮龍南⇄2號間風井之間嘅左綫盾構隧道、鍾岡⇄增城广场之間嘅中間風井後半橛右綫盾構隧道亦同時開挖。
• 2017年3月27號晏晝，天河公園⇄棠東之間嘅左綫盾構隧道順利貫通。
• 2017年4月1號，喺朱村東站周邊嘅高架工地出咗單車禍，一部貨櫃車喺324國道近朱村東站嘅高架段失控撞到地鐵高架石壆，令車站一度停工成粒鐘。
• 2017年4月7號，教育城站封頂。
• 2017年5月10號凌晨，鎮龍站嘅主體結構順利封頂。
• 2017年6月17號，神舟路⇄智慧城之間嘅中間風井右綫盾構隧道順利貫通。
• 2017年6月29號，增城廣場站封頂。
• 2017年7月26號，天河公園⇄棠東區間嘅右綫盾構隧道順利貫通而雙綫貫通。
• 2017年7月29號，朱村⇄朱村東站高架區間架梁起好嗮。同日喺黃村⇄棠東區間嘅右綫盾構隧道順利貫通。
• 2017年8月5號，蘇元站封頂。
• 2017年9月2號，水西⇄長平區間嘅高架順利貫通。
• 2017年10月14號晏晝，天河公園⇄員村區間嘅右綫盾構隧道順利貫通。
• 2017年10月18號，蘇元⇄科學廣場區間左綫盾構隧道開挖。
• 2017年10月19號，中新東⇄朱村之間嘅左綫盾構隧道順利貫通。
• 2017年10月27號，棠東⇄黃村之間嘅右綫盾構隧道順利貫通。
• 2017年10月28號，棠東⇄朱村之間嘅左綫盾構隧道順利貫通。
• 2017年10月29號晏晝，鎮龍南⇄鎮龍之間嘅2號中間風井嘅右綫盾構隧道順利貫通。
• 2017年11月14號，鎮龍南站嘅主體結構順利封頂。
• 2017年11月29號，蘇元⇄水西區間右綫盾構隧道開挖；同日喺鎮龍車輛段入段綫區間嘅盾構隧道提早順利貫通。
• 2017年12月11號，喺朱村東站嘅施工現場開搞安全大檢查。
• 2017年12月21號晏晝，中國大陸第一部地鐵舖軌新能源軌道車喺呢條路線正式上線投入使用。
• 2017年12月24號，神舟路⇄科學廣場之間嘅右綫盾構隧道順利貫通。
• 2018年1月2號，中新東⇄朱村之間嘅右綫盾構隧道順利貫通。
• 2018年1月10號，水西⇄長平之間嘅11標項目雙綫隧道全綫貫通。
• 2018年1月26號朝頭早，蘇元⇄水西之間嘅左綫盾構喺換刀片作業時突發隧道坍塌，造成3人死亡。
• 2018年1月30號，中華人民共和國住建部即刻關注咗呢單隧道坍塌事件重啟動埋督辦程序。
• 2018年2月4號，金坑站嘅主體鋼結構架已經起好。
• 2018年3月2號，神舟路站正式動工。
• 2018年3月12號，神舟路⇄智慧城之間嘅左綫盾構隧道順利貫通。
• 2018年3月21號，喺鎮龍控制中心透露咗部份路線開通嘅有關工作消息，其中有提及到係呢條綫雖然喺2018年12月28號開通，但受到西南段部份施工位未開工及權屬拗數問題，加上蘇元⇄水西之間嘅左綫盾構隧道發生塌方，所以路線凈開通從神舟路⇄增城廣場嗰橛。
• 2018年3月27號晏晝，蘇元⇄科學廣場區間嘅兩綫盾構隧道順利貫通。
• 2018年3月29號，廣州市民政局開始向全社會徵集主綫啲站名，其中世界大觀站改名做大觀南路站；智慧城站變成天河智慧城站；科學廣場站改名做科學城站；鎮龍南站改名做鎮龍西站；而中新東站改名做坑貝站；原先教育城站變成鳳崗站；原先朱村東站變成朱村站；象嶺站變成山田站。
• 2018年3月31號，朱村東站封頂。
• 2018年4月3號，金坑⇄鎮龍西之間嘅右綫盾構隧道（北半段）順利貫通。
• 2018年4月15號朝頭早，神舟路⇄科學廣場之間嘅左綫盾構隧道順利貫通。
• 2018年4月17號晚黑，金坑⇄鎮龍西之間嘅右綫盾構隧道（南半段）順利貫通；同日鎮龍⇄坑貝區間用咗鋼彈簧浮置板減振道床。
• 2018年4月30號，坑貝⇄增城廣場之間實現咗短軌貫通。
• 2018年5月4號，增城廣場站嘅其中兩個附屬出入口成功轉交畀機電安裝施工單位。
• 2018年5月27號，象嶺停車場成功搞掂冷滑試驗。
• 2018年5月30號朝頭早，試驗電客車喺象嶺停車場向軌行區出發之後，正式開搞接觸網熱滑試驗。
• 2018年6月22號，象嶺停車場成功三權移交。
• 2018年6月29號，象嶺主變電站成功搞掂一次性送電。
• 2018年6月30號，象嶺主變電所成功三權移交。
• 2018年7月15號，天河公園站嘅主體鋼結構起好咗。
• 2018年7月18號，鎮龍⇄增城廣場之間順利搞掂咗環網驗收，亦成為第一條搞掂環網電纜驗收嘅標段。
• 2018年7月19號，蘇元⇄水西之間嘅右綫盾構隧道順利貫通。
• 2018年7月25號，車站入面嘅AFC系統正式開搞客流高峰時嘅壓力測試，最先喺鍾岡站同朱村站開搞。
• 2018年7月26號晚黑，Ⅲ標段接觸軌工程成功搞掂一次性送電。
• 2018年7月28號，鎮龍⇄增城廣場段成功搞掂熱滑試驗。
• 2018年7月30號，鎮龍⇄增城廣場段順利搞掂三權移交操作。
• 2018年8月28號酉時，蘇元⇄水西之間嘅中間風井條左綫隧道挖通咗。
• 2018年9月3號，廣州地鐵官方通報咗呢條綫嘅首通段凈開鎮龍西⇄增城廣場嗰橛。
• 2018年9月7號，Ⅲ標（坑貝⇄增城廣場）項目工程順利通過咗單位工程驗收。
• 2018年9月20號，增城廣場站正式通過完工驗收。
• 2018年9月29號，廣東省安全監督廳通報咗同年1月25號喺水西⇄長平之間嗰單大頭佛嘅調查處理情況。原嚟嗰日挨晚嘅左線盾構機喺度開緊工時，焊機電纜綫出現短路而引發火燭，令喺帶壓倉入面嗰三位作業人員失聯。喺搶救半佬出現塌方造成三位在場作業人員死亡。後嚟有群眾舉報經調查核實，係施工人員因為違反規程操作而出事。而中鐵十四局隧道工程有限公司喺事發之後費事搞出單大醜聞，嗌相關人員採取揦拃手段而銷毀相關醜聞證據同清洗現場痕跡、篡改事故發生時間，企圖混淆公眾視聽。而監理單位——廣東至藝工程公司，同埋勞務分包單位——廣州穗巖土木科技公司，為咗掩蓋真相，竟然配合施工單位亂報新聞而嚴重干擾事故調查處理工作。真相被還原之後，單嘢夾埋有22位事故責任人同三間肇事施工單位孭嗮飛，其中參與亂報新聞嘅中鐵十四局隧道公司，其中項目部執行經理等5人都被拉到司法機關處理；法定代表人等17人都接受咗黨紀同政務處罰或其它問責處理。而嗰三間肇事施工單位啲員工同相關人員都被實施咗行政處罰。
• 2018年10月17號，路線喺鎮龍⇄增城廣場嗰橛搞掂動力學超速型嘅實驗。
• 2018年10月24號，路線喺坑貝⇄增城廣場嗰橛搞試運行任務。
• 2018年10月29號，鎮龍西⇄鎮龍嗰橛順利搞掂熱滑試驗。
• 2018年10月30號，鎮龍西站三權移交。

營運

• 2018年12月28號，鎮龍西至增城廣場段共26.2公里通車。
• 2019年12月20號，剩低員村至鎮龍西段共35.3公里通車。
• 2021年7月14號，廣州地鐵宣佈，原先快車嘅停靠車站變咗，改成停神舟路站同天河智慧城站，取消停大觀南路站。
• 2024年10月2號開始，21號線終點改做天河公園站，去員村站嗰段將會交俾11號線營運。

綫路

概況

21號綫圖示

廣州地鐵21號綫係廣州東進戰略嘅重要支撐，亦係連接增城同市區嘅快綫之一。西邊由天河公園開始，穿過天河、黃埔同增城三區，去到荔城嘅增城廣場位置，半佬經過金融城、天河智慧城、科學城、東部山水新城同教育城等片區。綫路全長60.6km（唔計員村借用段），有20個站（唔計員村站），其中有9站係快綫站，7站係轉車站；都搞咗一段兩場。用嘅係14號綫用過嘅第三軌受電6卡B型列車，最高時速係120km/h。

走向

• 綫路由天河公園西南角出發，向北穿越BRT上社站後轉向東沿棠德南路行進，之後轉向北下穿廣深鐵路同廣園快速後，沿大觀路北行，下穿沈海高速後行高唐路，去到華觀路口轉向東，沿華觀路同科學大道行進，響科學廣場後繼續東行，去到科豐路再轉向北，沿科豐路、水西路行進，下穿濟廣高速、京港澳高速後沿廣汕路行進，到廣汕路荔新公路口為止。
• 經過多次調整，全綫入邊有三段地下綫，總長39.1km；兩段高架綫，總長14.7km，一段喺教育城同鐘崗之間，一段喺水西同鎮龍南之間；後尾嗰個區間重包埋6.8km長嘅山嶺隧道。
• 為咗融入綫網，本綫同11號綫嘅天河公園到員村段同步建設並且響初期貫通運營。呢段綫路由天河公園站南端開始，沿員村二橫路敷設，到達花城大道口南邊，長0.96km，包含一站一區間。

車站

• 綫路由西往東設站依次為：員村站（初期）、天河公園站、棠東站、黃村站、大觀南路站、天河智慧城站、神舟路站、科學城站、蘇元站、水西站、長平站、金坑站、鎮龍西站、鎮龍站、中新站、坑貝站、鳳崗站、朱村站、山田站、鐘崗站、增城廣場站。
• 其中長平站、金坑站、朱村站同埋山田站為高架車站，其它均為地下車站。
• 21號綫開通初期，11號綫嘅員村站同天河公園站將交畀21號綫運營，員村作為21號綫嘅終點站，直到11號綫開通為止。

營運方式

• 本綫設計為快慢車營運。由於綫路功能定位為加強增城、東部新城、蘿崗同中心城區嘅快速交通聯繫，要滿足城市總體規劃提出嘅外圍副中心到市中心嘅出行時間喺1個鐘頭之内嘅目標，同時沿綫亦有幾多片區組團同居民區需要設置站點，譬如智慧城、科學城、教育城之類，因此必須設置快慢車先可以滿足出行嘅需求。
• 快慢車開行比例為1：2。噉嘅考慮，既可以滿足站站停乘客嘅基本需求，亦能夠確保乘坐快車嘅市郊乘客響1個鐘頭以内到達市中心嘅出行目標。

快綫車站

• 本綫快車停靠車站為員村站、天河公園站、棠東站、黃村站、天河智慧城站、神舟路站、蘇元站、鎮龍站、鳳崗站同增城廣場站。
• 設置呢啲快車站嘅原因：相對於慢車嘅站站停，要等快車「快起身」，就只能等快車選擇性減少停靠嘅站點，以提高列車嘅旅行速度。按照城市總體規劃同各組團規劃，21號綫全綫20座車站入邊，天河公園、棠東、黄村、世界大觀等5座中心區範圍入邊嘅車站，同埋蘇元、鎮龍、增城廣場3座換乘站，再加上未來客流较大嘅教育城站，總共10座車站將成為快車停靠站，而快車經過其餘10個車站時會「飛站」，同站站停嘅慢車運行唔發生衝突。

越行車站

• 本綫可供快綫車越行嘅車站有神舟路站、水西站、金坑站、中新站、朱村站同山田站。
• 設置呢啲越行車站嘅原因：快慢車綫路喺规劃設計時必須要考慮快車越行同慢車避讓嘅安全問題，因此快慢車綫路必須要喺普通綫路嘅基礎上，建設幾個特殊嘅越行車站。呢啲越行車站將被設計成雙向4條軌道，令每個方向都有2條軌道，畀快慢車進入唔同嘅軌道，達到慢車避讓快車、快車直接「飛站」通過嘅目的。經過全綫嘅綜合考慮，根據列車嘅運行計劃同仿真模擬，全綫只需喺神舟路、水西、金坑、中新、象嶺共5個車站設置越行綫，建設成特殊嘅越行車站（後嚟加嘅朱村東站亦成為咗越行站），唔使喺全部快車不停靠嘅車站設置越行綫，即可滿足開行快慢車嘅安全要求。
• 特殊嘅越行車站唔單只因為設置咗4條軌道而需要增加車站寬度近一倍，重要喺車站站台兩端大概100m以外設置道岔，為慢車安全進入避讓軌道停靠提供條件，因此車站嘅長度亦會增加。車站嘅徵地拆遷量、管綫遷改量、工程量、工程難度同投資亦隨之成倍增長。譬如設置咗越行綫嘅水西站，車站總長達到356米，比普通嘅車站長150米；車站最闊一處達到34米，比普通嘅車站闊15米，總建築面積大概係1.1萬平方米，係普通車站面積嘅1.5倍。

車輛段

• 鎮龍車輛段：位於21號綫綫路中部偏西方位，選址橫跨黄埔區同增城區。段址位於九龍大道以東，廣汕公路以北嘅鎮龍樞紐地塊入邊，喺地鐵鎮龍站北面。鎮龍車輛段地塊走向由西向東，長大概1140m，最闊處為462m，最窄處為248m，總用地面積39.7公頃，與14號綫知識城支綫鎮龍北停車場合建。接軌站為鎮龍南站。
• 水西停車場：位於水西站北側，接軌站為水西站。
• 象嶺停車場：位於象嶺站東南，山田村東側，接軌站為山田站。

附屬設施

• 綫路控制中心位於鎮龍車輛段內，同時亦係以後負責4、5、6、14、16、21號綫同知識城綫嘅區域控制中心兼廣州地鐵綫網清分中心。
• 綫路新建鎮龍主變電站同象嶺主變電站，各自位於同名車廠內；西端與6號綫二期共用香雪主變電站，位於6號綫蘿崗車輛段內。

用車

為咗實現快綫目標，本綫採用同14號綫一樣嘅高速B型列車，編組為6節，最高時速為120km/h，使用第三軌供電。列車由中車株機製造。

轉車站

• 員村站（初期）：轉乘5號綫。

  呢個站喺5號綫起嗰陣冇預留，係L形站廳換乘。

• 天河公園站：轉乘11號綫同13號綫。

  呢個站入邊21號綫同11號綫係平行同向同台換乘，21號綫初期使用11號綫喺外側嘅軌道；同13號綫係L形節點換乘。

• 黃村站：換乘4號綫。

  呢個站喺4號綫起嗰陣冇預留，係平行站廳換乘。

• 世界大觀站：換乘19號綫。

  呢個站預留咗站廳換乘嘅條件。

• 蘇元站：換乘6號綫（以後嘅23號綫）。

  呢個站喺6號綫起嗰陣已經預留咗T形節點換乘。

• 水西站：換乘7號綫。

  呢個站原先唔係換乘站，後尾為咗對接7號綫改咗設計，係T形節點換乘。

• 鎮龍站：換乘14號綫。

  呢個站係平行同向同台換乘，21號綫包夾知識城綫。

• 增城廣場站：換乘16號綫。
• 呢個站預留咗T形換乘節點。

註同攷

註

攷