廣州有軌電車
提示：呢篇文講嘅唔係廣州無軌電車。史 編輯
中華民國時期 編輯
1912年廣州開始大搞工程，修築馬路，由於使費好大，廣州市政當局就諗著招標搞行駛車，兼且畀埋專利權，年限20年。1915年2月10號，廣東巡撫使公署落文，批准咗大沙頭工程局搞電車，規劃路線係由沙面島對開沙基至大沙頭。計劃最終冇實現。最尾美洲華僑伍藉磐集資200萬銀元整咗個廣州電車股份公司，計劃去起環城有軌電車[2]，計劃路線以廣衛路省長公署做中心，向外延10公里。據時《廣州民國日報》報導，整有軌電車係華南地區首創嘅。籌備好啲銀兩後成立埋電車公司董事會，由伍學熀做總經理、伍藉磐做經理，總辦事處設立喺香港德輔道茂利輪船公司，而廣州辦事處設立喺廣九火車站（即大沙頭站），主要由經理伍藉磐打理啲業務。
喺電車未開通之前，廣東電車有限公司（而家係廣州市第一巴士屬下嘅廣州市電車公司）買咗好幾部嗌「Leus」嘅四個轆啲車到廣州市區入面搭客[3]，但係由於呢啲車嘅質量唔掂水，仲成日出車禍，結果俾嗰時嘅政府話呢啲車唔畀出街。
1927年，廣州市政府提出咗有軌電車計劃，因當時巴士成日出事故，兼且電車公司當初買低嘅鋼材閑置好耐，政府於是一路催著電車開工。呢年7月18號，廣州市公安局要求市政府要搞掂有軌電車開工問題，由時任廣州市市長孫科核準敦促，而電車公司因公司借去市政府嘅40萬建設貸款一路未還，導致缺水，就以訂制啲路軌運送延遲為由拖時間。電車公司喺鋪設好廣九站到一德西路嘅一段路軌後停工。電車公司喺1928年繼續招標集資以建設路軌，
規劃路線 編輯
據呢年3月15號《廣州民國日報》，廣州市政廳原核准嘅首條電車路線，以廣九火車站做起點，途經越秀南路、萬福路、泰康路、一德路，到普濟橋做終點（而家係長壽路一帶）；
第二條路線以財廳前做起點，途經永漢南、北路（而家係北京路），同第一路線一同匯入泰康路、一德路、到普濟橋做終點，政府仲計劃過繼續籌款擴建其他路線方便交通。
而電車公司原計劃路線係：
廣九火車站做起點，途經越秀南路、越秀中路、惠愛路（而家係中山四、五路一帶）、豐寧路（人民中路）、太平路（人民南路）、一德路、泰康路、萬福路做終點站。
工程中斷 編輯
1927～1929年間《廣州民國日報》度可以成日見到抬頭類似「政府強令電車公司鋪軌」同「通車」嘅報導，而公司同政府由於40萬財政糾紛商討唔滿意，公司就一路唔積極復工。
據1928年10月13號《廣州民國日報》，喺市政府壓力下，電車公司鋪設好咗太平南路途徑一德路、泰康路及永漢南路一段路軌，同埋永漢南路到萬福路一段路軌完咗工，剩餘萬福路至廣九火車站未搞掂，當時預計於1929年1至2月通車。據同年11月26日報道，當時已經完成一德路、泰康路及萬福西路路軌的鋪設，仍然未完成萬福東路近廣九火車站一段路軌，而架空電線仍未安裝，通車無期，到1929年路軌終於鋪好曬，但公司冇錢仲係冇辦法通車。
公司後尾用曬原先啲路軌，就改裝咗部分無軌電車喺廣九火車站同太平路（人民路）之間行駛，而因改裝車卡太過掗炸，路又唔好行成日出意外等，被逼停駛。公司最尾喺1931年因股本籌集不足破產，伍于瀚同伍籍磐辭埋職[4]。
廣州市公用局就喺1932年6至9月多次提出搞官營電車，廣州市政會議喺呢年9月19日過埋咗公用局提出嘅兩個有軌電車嘅建設方案。廣東省政府就喺1935年7月先至批准實施[5]。
1937年，廣州市政府正式批准咗成立電車籌備委員會，嗰時市政府凈係借錢嚟搬無軌電車[3]。1937年3月到1938年5月整緊有軌電車嗰陣，撞正日本開戰，廣州淪陷埋，電車工程於是被逼無限期擱置，啲路軌仲畀蘿蔔頭挖曬走。而買返嚟嘅嘅其他電車設備同器材，廣州度保留咗部分，部分散落到粵北山區，部分放去英國、香港度儲存[6]。而路軌喺1945年俾偽政府撤收咗，所以話起電車都未起到[3][7]。
共和國時期 編輯
中華人民共和國成立咗之後，廣州話要重新搞返電車嘅初期準備工作，就喺1951年8月24號，廣州市人民政府財政經濟委員會批准咗話成立籌委會嚟負責起電車[8]，重喺1960年9月30號正式通車，但嗰時已經入咗無軌電車時代[9][8][10]。而有軌電車計劃冇再繼續提及，即使係1980年代中葉搞嘅類似電車計劃，凈係講到地下鐵嘅料。
一直以嚟，廣州地區冇提及到起有軌電車嘅規劃。直到2013年1月30號，因廣州地鐵方成立咗屬下嘅有軌電車責任公司[11]，重喺同年11月11號喺海珠區近廣州塔到萬勝圍地皮範圍起咗第一條有軌電車路線出嚟。
2014年12月31號，隨住海珠區有軌電車正式通車之後，廣州地區終於結束長達99年冇有軌電車嘅歷史。但比舊時嘅有軌電車嚟講少咗個電線辮。
大規模擴展 編輯
2015年1月14號，廣州有軌電車方已經計劃開搞第二條有軌電車嘅計劃[12]。最先喺黃埔區蘿崗一帶開搞，隨後逐漸開始擴展到好多地方。包括花都、芳村、天河一帶都搞[13][14]。而黃埔區有軌電車1號綫喺2017年10月31號動工[15]，但實質上凈搞咗儀式而冇喐手。
路線 編輯
而家嘅有軌電車得1條觀光旅遊路線。
| 路線 | 開通日期 | 起點到終點 | 站數 | 長度（千米） | 車輛段／停車場 | 控制中心 | 編組 | ||
|---|---|---|---|---|---|---|---|---|---|
| THZ1 | 2014年12月31號 | 廣州塔 | 萬勝圍 | 11 | 7.7 | 磨碟沙停車場 | 磨碟沙控制中心 | 4卡 | |
車站同車廂廣播 編輯
家下有軌電車嘅廣播同地鐵廣播一樣，都有普粵英三語廣播。雖然車廂入面嘅廣播同地鐵系統差唔多，就係同廣州地鐵啲車站相比，多咗個喺港鐵系統先至有嘅「請勿靠近車門」廣播提示。不過凡係兒童專列啲車，都會多咗個細路版嘅地鐵報站廣播[16]。
睇埋 編輯
攷 編輯
- ↑ 〈高樓迷論壇-廣州區:廣州的有軌電車夢〉. 原著喺2020年3月16號歸檔. 喺2018年2月23號搵到.
- ↑ 广州市电车公司荣获“老字号”称号 互聯網檔案館嘅歸檔，歸檔日期2015年4月2號，. 網易汽车 （2012-04-05）
- ↑ 3.0 3.1 3.2 民国广州“电车梦” 互聯網檔案館嘅歸檔，歸檔日期2016年3月9號，. 羊城晚报 （2013年04月27号 B10版）
- ↑ 〈廣州市電車公司〉. 廣州日報. 2010-09-26. 原著喺2015-09-23歸檔. 喺2012-07-30搵到.
- ↑ 城市进化之路：广州有轨电车的故事[失咗效嘅鏈] 360Doc個人圖書館
- ↑ 〈城市進化之路：廣州有軌電車的故事〉. 中國評論通訊社. 2006-10-26. 原著喺2011-01-28歸檔. 喺2012-07-30搵到.
- ↑ 民国广州“电车梦” 互聯網檔案館嘅歸檔，歸檔日期2015-07-03. 财经网 （2013-04-27）
- ↑ 8.0 8.1 印迹:广州电车 互聯網檔案館嘅歸檔，歸檔日期2020年3月16號，. 中國知網 （成篇嘢必須要下載咗先至有得睇）
- ↑ 〈越秀山脚下广州首辆无轨电车徐徐开出〉. 廣州圖書館. 原著喺2015年4月2號歸檔. 喺2018年2月23號搵到.
- ↑ 古老电车站搬新家告别“露宿”街头 互聯網檔案館嘅歸檔，歸檔日期2015年4月2號，. 中国广州网
- ↑ 2013年大事记 互聯網檔案館嘅歸檔，歸檔日期2018年2月28號，. 广州地铁
- ↑ 〈广州地铁六号线二期力争年底前建成〉. 《南方日报》. 人民网. 2015-01-14. 原著喺2020-09-02歸檔. 喺2018-02-23搵到.
- ↑ 〈新黄埔将有8条地铁+3条有轨电车！〉. 《乐居》. 2015-01-14. 原著喺2019-09-04歸檔. 喺2018-02-23搵到.
- ↑ 〈广州番禺区、南沙区、新黄埔、荔湾区也要建有轨电车〉. 《金羊网》. 2015-04-29. 原著喺2015-07-23歸檔. 喺2018-02-23搵到.
- ↑ 〈黄埔开建有轨电车线路，三条线接驳广州地铁，1号线4年后或开通〉. 《咩事》. 南方都市报. 2017-10-31. 原著喺2020-03-16歸檔. 喺2018-02-23搵到.
- ↑ 〈13二2.13有轨电车之旅（附儿童列车报站录音集，全部更新完毕，注意用眼，谨慎收看）〉. 原著喺2015-02-25歸檔. 喺2018-03-05搵到.