中國鐵路廣州局集團
呢篇文 需要補充更多來源。 |
中國鐵路廣州局集團有限公司（簡稱「廣鐵集團」）[1]，係中國鐵路總公司屬下公司，主要負責經營廣東、湖南、海南大部分鐵路業務，總部喺廣州。1993年試過改成公司制，當時叫做「廣州鐵路（集團）公司」。
| China Railway Guangzhou Group Co., Ltd. | |
 | |
| 類型 | 國有企業 |
|---|---|
| 前身 |
|
| 開檔 | 2017年 |
| 總部地址 |  中國廣東省廣州市越秀區中山一路151號 |
| 業務地區 | 中國廣東、海南、湖南 香港[註 1] |
| 緊要人物 | 董事長：武勇 總經理：韋皓 |
| 產業 | 鐵路運輸 |
| 服務 | 鐵路運輸管理同維護 |
| 總資產 | 2846億元人民幣（2011年底） |
| 員工人數 | 14.7萬人（2011年底） |
| 母公司 | 中國鐵路總公司 |
| 子公司 | |
| 網址 | www |
史 編輯
廣鐵集團嘅歷史可以追溯到1936年成立嘅衡陽鐵路局。1958年衡陽鐵路局機關南遷廣州，成為廣州鐵路局，亦就係而今廣鐵集團嘅前身。
1953年1月1號成立廣州鐵路管理局，下邊包括廣州、衡陽、株洲、南昌四個運輸分局，管轄粵漢鐵路蒲圻站（唔含本身）南邊、湘桂鐵路冷水灘站（包含本身）東邊、廣三鐵路、廣九鐵路同新劃俾廣州鐵路管理局嘅浙贛鐵路鷹潭站（唔含本身）以西、南潯鐵路。
1958年1月1號，南昌分局歸落新成立嘅南昌鐵路管理局，撤銷鐵路分局建制。1958年8月，廣州鐵路管理局改名做廣州鐵路局，實行運輸同工程建設合一嘅制度。1958年11月1號，長沙鐵路局成立。廣州局淨係管轄廣東省範圍嘅鐵路。
1959年1月1號，廣州鐵路局喺海南東方縣八所鎮成立海南鐵路辦事處，接管海南島八所鐵路。1961年8月1號，長沙鐵路局撤銷，京廣線衡陽站同埋衡陽站一路往北歸屬武漢鐵路局，衡陽站以南屬廣州鐵路局。1963年4月1號，武漢鐵路局撤銷，京廣線蒲圻站之外一路往南都歸落廣州鐵路局，又恢復咗鐵路分局建制。廣州鐵路局下轄廣州、衡陽、長沙三個鐵路分局以及海南鐵路辦事處。
1983年12月15號，廣州鐵路局廣深鐵路公司成立。1986年12月衡陽分局合併入長沙分局。1987年5月28號，廣東省三茂鐵路公司成立，由廣州局代管。不過，喺廣東雷州半島嘅黎湛線（黎塘至湛江）以及茂名支線屬於南寧鐵路局管理。
廣深鐵路公司上咗市（Sehk2，0525、NYSE，GSH、上交所，601333）。
1992年，廣州鐵路（集團）公司做咗工商登記。1993年2月8號，廣州鐵路（集團）公司成立，變成以商業模式運作嘅國有獨資鐵路企業，試驗中國鐵路市場化。
去到2010年代初，廣鐵總營業里程達到6519公里，其中高速鐵路同城際鐵路有1449公里。每日平均開出動車組同客運列車420.5對，高峰期最多一日開出534對。總共有133個經營客運嘅車站。平均每日運送62萬旅客，最多一日運送116.7萬人。到2011年底為止，公司總資產2846億人民幣，職工總數17.4萬人。
2017年11月7號，國家工商行政管理總局批准廣州鐵路（集團）公司改名，改成中國鐵路廣州局集團有限公司[2]。
2017年11月13號，喺中國國家企業信用信息公示系統入邊，中國鐵路廣州局集團有限公司搞掂咗工商登記變更。工商登記變更之後，中國鐵路廣州局集團有限公司仲係中國鐵路總公司100%控股嘅公司，不過，公司由原先嘅全民所有制企業變成有限責任公司（非自然人投資或控股嘅法人獨資）企業，註冊資本由原先嘅1608.45315億元變成2492.5403億元人民幣，業務範圍擴大，增加鐵路客貨運輸同有關嘅服務、國內貨運代理、房地產開發等等。[3]
附屬公司 編輯
廣鐵集團設置4個派出機構，33個直屬單位，10個工程建設指揮部，仲擁有8間合資公司，另外仲籌劃緊10間合資公司。下轄52個運輸站段，5個運輸輔助單位，另外仲有實業、旅遊、廣告、房地產、外經外貿、經濟技術開發等36間唔係做運輸業務嘅子企業。
控股公司 編輯
運輸站段 編輯
呢版要更新，以反映最新情況。加完料之後唔該拎走個模。 |
廣鐵直屬 編輯
動車段 編輯
動車段負責檢修動車組，主要作為客運專線嘅動車檢修基地，廣州係目前全國規劃四個動車段嘅所在地之一。
- 廣州動車段（廣州南）
- 廣州東動車所（石牌）
- 深圳北動車運用所（深圳北）
- 長沙動車所（長沙南）
- 三亞動車所（三亞）
機務段 編輯
機務段負責火車頭（中文：鐵路機車）嘅運用、檢修同維護工作，當中分為乘務部門同檢修部門，乘務部門係司機負責執行駕駛工作，檢修部門負責日常嘅機車保養。
廣深鐵路公司 編輯
客運段 編輯
註 編輯
- ↑ 僅限營運廣九直通車嘅廣九客運段
參考 編輯
- ↑ 〈中铁总公司制大进展:11家地方铁路集团新掌门亮相〉 (中國中文). 網易. 2017-10-23.
- ↑ 〈18家铁路局将集体变身集团公司：名称变更已全部通过核准〉 (中國中文). 澎湃新闻. 2017-11-08.
- ↑ 〈4家铁路局率先变更工商登记：广州西安局集团增房产开发功能〉 (中國中文). 澎湃新闻. 2017-11-13.
- ↑ 〈18个铁路局已改制为铁路局集团有限公司，今日正式挂牌〉 (中國中文). 澎湃新闻. 2017-11-19.
- ↑ 〈18家铁路局集团改制后集中挂牌！附主要领导人简历〉 (中國中文). 凤凰网. 2017-11-19.
