銀河

銀河系ngan4 ho4 hai6（又叫銀河；The Milky Way）係包含太陽系嘅一個星系，圍住天球嘅一圈嘅成帶星，由地球睇好似銀色嘅河咁。

銀河
個名嚟自	奶、冬天、街、路、聖地亞哥朝聖之路、羊
絕對星等	−20.9
質量	1,200,000,000,000 ±400000000000 太陽質量
半徑	50,000 光年
自轉週期	87,000,000,000 日 (曆法)
母星體	人馬座A*
子星體	Draco Dwarf、Leo IV、Leo V、Ursa Minor Dwarf、Sagittarius Dwarf Elliptical Galaxy、Sextans Dwarf Spheroidal、Ursa Major I Dwarf、Sculptor Dwarf Galaxy、Ursa Major II Dwarf、Pisces II、Canis Major Dwarf Galaxy、Hercules Dwarf、Canes Venatici II、Leo II、Leo I、Fornax Dwarf、Carina Dwarf、Boötes III、Canes Venatici I、Boötes I、大麥哲倫星雲、Palomar 4、NGC 6528、Antlia 2、Ind II、Horologium I、Pictoris I、Eridanus II、Grus I、Triangulum II、Reticulum II、Crater 2 dwarf galaxy、Eridanus III、Tucana II、Phoenix II、Aquarius II、Cetus II、Columba I、Reticulum III、Tucana IV、Tucana V、Tucana III、Grus II、Draco II、Sagittarius II、Hydra II、Horologium II、Pegasus III、Hydrus I
星座	雙魚座、人馬座、御夫座、仙后座、南十字座、北冕座、武仙座、天蠍座、天琴座、天龍座、巨蛇座、天鷹座、天箭座、小熊座、大熊座、天秤座、金牛座、雙子座、巨蟹座、獅子座、室女座、摩羯座
[改維基數據]

銀河系係一個螺旋星系，太陽系喺一支旋臂上便，而喺臂上便，太陽系同其他星聚埋叫本系星羣。

地球望過去，銀河系個核喺人馬座方向。

概論

宇宙入面有極大量嘅物質－包括恆星、星際塵埃同暗物質呀噉－喺太空當中飄浮，好多時會有一大柞噉嘅物質因為重力聚埋一齊，形成一個星系；一個星系當中嘅恆星數量由幾億（10⁸）粒至幾百億（10¹⁴）粒不等，彼此之間因為重力嘅作用而圍住星系嘅中心公轉；銀河係太陽系所屬嗰個星系，結構上呈牒形，太陽帶住地球等嘅行星圍住銀河中心公轉，所以由地球嘅角度嚟睇，銀河望落就好似一條長帶（或者河）噉形。銀河有相當嘅光度，不過一般嘅廿一世紀城市都會因為光污染睇唔到銀河。

銀河嘅獨特外形自古以嚟就引起人類嘅幻想。例如中國就有牛郎織女嘅故事，相傳身為人類嘅牛郎同身為仙女嘅織女相遇並且墮入愛河，但因為人仙相戀犯天規而俾天界阻止，王母娘娘變條銀河出嚟分隔佢哋，限佢哋淨係喺每年嘅農曆七月初七先可以喺條鵲橋上面相會－呢個傳說就係傳統節日七姐誕嘅起源。

用紅外綫攝影機睇銀河核心

神話傳說

19 世紀日本畫家月岡芳年畫嘅牛郎織女

牛郎織女

牛郎織女係中國古代一個講銀河起源嘅民間故事。

個故仔係噉嘅：傳說喺好耐好耐之前，有個叫做牛郎嘅孤兒，佢跟佢阿哥阿嫂生活；牛郎阿嫂好刻薄佢，佢有日將九隻牛交俾牛郎，要佢帶十隻牛返屋企，如果唔係就𢴒佢走。但牛郎好彩得到高人指點，喺山上發現咗隻有病嘅老牛，打後牛郎發現老牛原來係被打落凡間嘅金牛星，於是就將佢帶返屋企。後嚟牛郎得到老牛指點，搵到下凡仙女沖涼同玩嘅地方，佢同咁啱下凡玩嘅織女邂逅，兩人墮入愛河，後嚟仲生埋對龍鳳胎。但因為人仙相戀犯天規，織女俾神仙扚返去天界。深愛老婆嘅牛郎靠老牛嘅力量上天界搵織女，王母娘娘用佢頭上嘅銀簪變條銀河出嚟擋佢嘅去路，但天上嘅喜鵲俾牛郎嘅愛情感動咗，化作鵲橋，等牛郎可以跨過銀河同織女團聚。而王母娘娘亦都俾佢哋打動咗，下令每年七月初七，牛郎織女可以喺鵲橋相會，成為咗牽牛星同織女星。呢個傳說就係七姐誕嘅由來；而傳統上，東亞各地嘅婦女喺農曆七月初七嗰陣，都會向七姐（織女）獻祭，求自己可以有佢嗰對擅長編織嘅巧手同良緣。

圖庫

• 

  2005 年一晚
  喺加州死亡谷影到嘅全景；相入面睇到條銀河劃過夜空。

睇埋

• 夜空