戰神
《戰神》，又叫《香港大災難》，係台灣首套結合科幻同災難嘅電影。上映前，劇本原本用台北市西門町做戰場，重事先整咗西門町嘅模型，但交畀行政院新聞局審查劇情嗰陣，主管單位話「點可以擺西門町用嚟做外太空人到地球嘅場地！」[2]。於是乎，製作人員唯有放棄西門町模型，改咗做香港至繼續拍[3][4]。
| 戰神 | |
|---|---|
 《戰神》電影海報 | |
| 資料明細 | |
| 導演 | 陳洪民 |
| 監製 | 傅清華 |
| 編劇 | 林清介 |
| 主演 | 谷名倫 謝玲玲 唐沁 陳又新 |
| 攝影 | ？ |
| 剪輯 | 南方仁 |
| 製片商 | 星華影業公司 |
| 片長 | ？ min. |
| 產地 |  臺灣 |
| 話 | 國語 |
| 上畫同發行 | |
| 上畫日期 | 臺灣 1976年7月24日[1][2] |
| 發行商 | 太子影業公司 |
| 預算 | $？ |
| 票房 | $？ |
| 各地片名翻譯 | |
| 中國大陸 | — |
| 香港 | 香港大災難 |
| 台灣 | 戰神 |
大概
編輯故事劇情講外星人入侵地球，關帝顯靈，保衞地球，故事揉合現代科學同神話故事，高低起伏，化成一部空前絕後嘅科幻災難片[5]。
劇情
編輯趙老先生係雕刻家，本身盲咗。佢一生一直喺度雕刻。雖則佢日日刻嘅，不過係嚿木頭，但就係佢心靈寄托。佢要一心一意，刻好關公像。過咗四年，佢一直唔停咁刻關公像，認為神像一整好，就會有無比神力。
之不過，佢個仔趙超羣，係科學家，成就傑出，所以頂唔順老竇成日刻神像，好似呆咗咁。所以雖然係兩父子，但思想南轅北轍。趙老先生嬲個仔咁大，送埋佢去讀書，竟然話返佢轉頭，所以兩父子有好大衝突。
某日，天空突然出現飛碟，外星人落嚟任意破壞，大家完全束手無策。與此同時，趙老先生吞埋最後一口氣，同神像點睛，心中所信嘅神力終於出現。最後，得到武聖關公顯靈，揸住青龍偃月刀下凡，雙方一輪激戰之後，關公力斬外星人，拯救萬民於水深火熱。
人物角色
編輯| 角色名稱 | 演員 | 備註 |
|---|---|---|
| 趙超羣 | 谷名倫 | 科學家 |
| 趙立玉 | 謝玲玲 | |
| 純蘭 | 唐沁 | |
| 趙老先生 | 陳又新 | 雕刻家 |
香港數碼修復
編輯香港電影導演彭浩翔，已經由台灣買咗呢套片嘅孤本，並且送去泰國用數碼修復，由於孤本太殘破，聲帶壞咗，所以會搵楊千嬅同余文樂重新配音[6]。