攝

攝（粵拼：sip3），又叫韻攝（wan5 sip3），係唐字聲韻學上，將韻嘅歸類，尤其係中古音《廣韻》十六攝（sap6 luk6 sip3）。凡聲韻學講嘅攝，九成九都係十六攝之一。

攝係統攝嘅意思，源自佛敎，將近韻歸納。攝歸法係只睇韻腹同韻尾，唔理四聲，唔理開合，唔理韻頭，將近韻放響同一攝下面。

史

《廣韻》係北宋時期，將《切韻》同《唐韻》重新整理一本韻書。《四聲等子》首先用攝。宋元間等韻學家，將《廣韻》韻目，按以上原則，歸納爲十六攝。

韻攝順序中，陰韻攝分散喺陽韻攝間，初學者齋睇會覺得雜亂無章；遠藤光曉（一九八九）認為係受傳入嘅梵文影響。

十六攝

《廣韻》二百零六韻由十六攝統領，如下：

攝	構擬	平聲	上聲	去聲	構擬	入聲
通攝	oŋ	東韻	董韻	送韻	ok	屋韻
		冬韻		宋韻		沃韻
		鍾韻	腫韻	用韻		燭韻
江攝	ɔŋ	江韻	講韻	絳韻	ɔk	覺韻
止攝	i	支韻	紙韻	寘韻	無入聲
		脂韻	旨韻	至韻
		之韻	止韻	志韻
		微韻	尾韻	未韻
遇攝	o	魚韻	語韻	御韻	無入聲
		虞韻	麌韻	遇韻
		模韻	姥韻	暮韻
蟹攝	ai	齊韻	薺韻	霽韻	無入聲
				祭韻
				泰韻
		佳韻	蟹韻	卦韻
		皆韻	駭韻	怪韻
				夬韻
		灰韻	賄韻	隊韻
		咍韻	海韻	代韻
				廢韻
臻攝	en	真韻	軫韻	震韻	et	質韻
		諄韻	準韻	稕韻		術韻
		臻韻				櫛韻
		文韻	吻韻	問韻		物韻
		欣韻	隱韻	焮韻		迄韻
		魂韻	混韻	慁韻		沒韻
		痕韻	很韻	恨韻
山攝	an	元韻	阮韻	願韻	at	月韻
		寒韻	旱韻	翰韻		曷韻
		桓韻	緩韻	換韻		末韻
		刪韻	潸韻	諫韻		黠韻
		山韻	產韻	襉韻		鎋韻
		先韻	銑韻	霰韻		屑韻
		仙韻	獮韻	線韻		薛韻
效攝	au	蕭韻	篠韻	嘯韻	無入聲
		宵韻	小韻	笑韻
		餚韻	巧韻	效韻
		豪韻	晧韻	號韻
果攝	ɑ	歌韻	哿韻	箇韻	無入聲
		戈韻	果韻	過韻
假攝	a	麻韻	馬韻	禡韻	無入聲
宕攝	aŋ	陽韻	養韻	漾韻	ak	藥韻
		唐韻	蕩韻	宕韻		鐸韻
梗攝	eŋ	庚韻	梗韻	映韻	ek	陌韻
		耕韻	耿韻	諍韻		麥韻
		清韻	靜韻	勁韻		昔韻
		青韻	迥韻	徑韻		錫韻
曾攝	əŋ	蒸韻	拯韻	證韻	ək	職韻
		登韻	等韻	嶝韻		德韻
流攝	eu	尤韻	有韻	宥韻	無入聲
		侯韻	厚韻	候韻
		幽韻	黝韻	幼韻
深攝	em	侵韻	寢韻	沁韻	ep	緝韻
咸攝	am	談韻	感韻	勘韻	ap	合韻
		覃韻	敢韻	鬫韻		盍韻
		鹽韻	琰韻	豔韻		葉韻
		添韻	忝韻	㮇韻		帖韻
		咸韻	豏韻	陷韻		洽韻
		銜韻	檻韻	鑑韻		狎韻
		嚴韻	儼韻	釅韻		業韻
		凡韻	梵韻	范韻		乏韻