政壇新秀訓練班
政壇新秀訓練班（英文：Young Politician，簡稱：YP），係香港電台喺2004年4月10號成立嘅一個青年論政節目。而家逢星期六下晝3點至4點喺香港電台第一台直播。節目目的係畀來自唔同背景嘅年青人，同各方政治人物、社會人士，一齊討論大眾所關心嘅議題，希望新秀從中鍛鍊對社會時事嘅觸角、對事實嘅分析同理性批判思維。
《政壇新秀訓練班》第一任主持人係前行政局、立法局議員李鵬飛。香港電台節目監製程振鵬、張寶華、胡世傑、蔡敬雯、蒙為亮（阿O）、閆擎、前電視台新聞主播詹前穎同政治人物鄺俊宇、李偉儀等都曾經係節目主持人。而家嘅節目主持人係政治學者葉振東博士，「新秀主持」係鄭艷雅，而監製係林詠雯。
歷史 編輯
2004年4月10號《政壇新秀訓練班》成立，由當時嘅 香港電台 第二台節目總監（二台台長）陳耀華先生、陳婉嫻、李鵬飛、劉千石主持儀式。四人喺活動面種花種木，象徵培育「政壇幼苗」。2004年嘅節目參加者係「第一期政壇新秀」[1]。
《政壇新秀訓練班》曾經喺香港電台第二台逢星期六上晝10點至11點直播。第一任主持人係前行政局、立法局議員李鵬飛。自2004年開始由香港電台第二台節目監製兼《晨光第一線》主持程振鵬長期擔任呢個節目嘅主持直到2015年。之後先後由張寶華、胡世傑、蔡敬雯、葉振東、蒙為亮（阿O）、閆擎擔任主持。馮偉棠、胡世傑、蔡敬雯、閆擎亦先後擔任該節目監製。
《政壇新秀訓練班》試過喺2016年7月份搞「政壇新秀訓練班-我想做議員大挑戰」，畀一啲有心想入議會做政策嘅18歲以下嘅香港後生仔參加有關香港各方面時事嘅個人辯論比賽，而分四回合嘅決賽喺2016年7月15號喺港台電視31播出[2]，畀張穎霖同學（2號）贏咗，贏咗決賽嘅人最終有得做呢個節目「第13.5期」（2016年7月開始）嘅插班生，正式成為「第13.5期政壇新秀」[3]。
為配合香港電台中文台節目改革，《政壇新秀訓練班》由2019年4月6號（第16期）開始，接替北京王師傅嘅時段，改喺香港電台第一台逢星期六下晝3點至4點直播。轉台後第一任主持人係政治學者葉振東博士、詹前穎，有啲主持人請假嘅集數就改做節目監製胡世傑代替頂上做主持。周偉業亦做過監製。由第16期開始行名為「政壇之星」嘅新秀主持選拔制度。
政壇新秀 編輯
每屆《政壇新秀訓練班》都會喺之前一年嘅十二月舉行面試，收大約二十幾位唔同背景嘅後生仔參加為期十二個月嘅「政壇新秀」(即係「YP人」)，每期參與節目嘅時間係由每年嘅一月第一個星期六開始，去到十二月嘅最後一個星期六期間，每星期六參與一集嘅節目錄音，當中會同香港各政府部門，以及社會各界嘅人士交流對最近熱門時事議題嘅心得。
每年十一月去到十二月初，呢個節目都會喺香港電台第一台嘅官方網頁，開放畀後生嘅公眾報名下一期嘅「政壇新秀」，報名資格包括（但唔止）香港嘅中學生同埋大專生，報名費同埋參與節目都係免費。
表現傑出嘅「政壇新秀」更加會獲選做呢期嘅「政壇之星」，並且有得升做出年呢個節目入面嘅組長同埋「新秀主持」。
由2004年開始每年嘅「政壇新秀」都屬於一個「期數」，每年有一期，2004年係「第一期」，依家2021年「政壇新秀」會叫做「第18期政壇新秀」或者「第18期YP」。
政壇之星 編輯
「政壇之星」係2019年4月（第16期）開始實行嘅新秀主持選拔制度。
「政壇之星」同時係新一期組長同埋「新秀主持」，要輪流幫節目寫「Intro」(節目介紹)，同埋幫新一期嘅「政壇新秀」提供意見，協助討論同埋準備呢個節目嘅內容。
| 年度 | 期數 | 政壇之星 | |||
|---|---|---|---|---|---|
| 第一(A)組 | 第二(B)組 | 第三(C)組 | 第四組 | ||
| 2019 | 16 | Wesley | 啫喱 | 阿桓 | 棕澤（Anson） |
| 2020 | 17 | Yuki/小鳴 | 嘉榮 | Lilith | |
每集內容 編輯
過往期數 編輯
2007年（第4期）
2012年（第9期）
2019年（第16期）
2020年（第17期）
2021年（第18期） 編輯
2021年繼續由葉振東去做主持，而「新秀主持」係鄺澔儀[16]同羅嘉榮[17]。監製係周偉業同林詠雯。2020年度（第17期）嘅三位「政壇之星」分別係Yuki、嘉榮同埋Lilith，而小鳴亦做過組長。今期三位輪流同主持人一齊主持節目。由於持續受到武漢肺炎香港疫情影響，今期所有政壇新秀都要繼續用錄音方式去交問題，而新秀主持就要喺部分集數用烽煙形式進行。以下係每集嘉賓同埋主題：
| 2021年（第18期）政壇新秀 | ||||||||
|---|---|---|---|---|---|---|---|---|
| 組別 | 組長 | 第18期新秀 | ||||||
| Team A | Yuki/小鳴 | Andy | Harry | Steven | Winky | |||
| Team B | 嘉榮 | Harry | Patrick | 啫喱 | 冰冰 | |||
| Team C | Lilith | Emily | Eugene | Hannah | Moon | 阿豊 | ||
| 負責組長 | 第1次 | 第2次 | 第3次 | 第4次 | 第5次 | 第6次 | 第7次 | 第8次 | 第9次 | 第10次 | 第11次 | 第12次 | 第13次 | 第14次 | 第15次 |
|---|---|---|---|---|---|---|---|---|---|---|---|---|---|---|---|
| Yuki/小鳴 | 2/1
(91) |
9/1
(92) |
30/1
(95) |
13/2
(97) |
27/2
(99) |
20/3
(102) |
10/4
(105) |
||||||||
| 嘉榮 | 16/1
(93) |
6/2
(96) |
13/2
(97) |
6/3
(100) |
27/3
(103) |
24/4
(107) |
1/5
(108) |
||||||||
| Lilith | 23/1
(94) |
13/2
(97) |
20/2
(98) |
13/3
(101) |
3/4
(104) |
15/5
(110) |
（註：括弧入面係集數。）
| 日期 | 集數 | 嘉賓 | 主題 | 呢集主持 |
|---|---|---|---|---|
| 2/1/2021 | 91 | 彭鴻昌（香港社區組織協會幹事） | 高危群組接種疫苗安排 | 葉振東、鄺澔儀 |
| 9/1/2021 | 92 | 陳劍青（本土研究社成員） | 香港的土地政策與房屋規劃 | 葉振東、鄺澔儀 |
| 16/1/2021 | 93 | 羅健熙（民主黨主席） | 民主路，如何忠誠？ | 葉振東、鄺澔儀 |
| 23/1/2021 | 94 | 黎可欣（中大賽馬會公共衞生及基層醫療學院助理教授） | 政府！我可以相信你嗎？ | 葉振東、鄺澔儀 |
| 30/1/2021 | 95 | 鍾劍華（香港民意研究所副行政總裁） | 抗疫一年，香港人快不快樂？ | 葉振東、鄺澔儀 |
| 6/2/2021 | 96 | 張曼莉（創新及科技局政治助理） | 青年就業前景，創科出路？ | 葉振東、鄺澔儀 |
| 13/2/2021 | 97 | 冇 | 政壇新秀賀新春 | 葉振東、Yuki、嘉榮、Lilith[18] |
| 20/2/2021 | 98 | 吳錦華（稅務學會會長） | 財政預算案前瞻 | 葉振東、鄺澔儀 |
| 27/2/2021 | 99 | 葉維昌（MWYO青年辦公室營運總監） | 青年平台溝通與發展前景 | 葉振東、鄺澔儀 |
| 6/3/2021 | 100 | 區詠芷（環境局局長政治助理） | 2035零廢堆填：我有嘢講！ | 葉振東、羅嘉榮 |
| 13/3/2021 | 101 | 黃健偉(社聯業務總監) | 失業率創新高，應如何扶助？ | 葉振東、羅嘉榮 |
| 20/3/2021 | 102 | 劉兆佳(全國港澳研究會副會長) | 新選舉制度對香港前景的影響 | 葉振東、羅嘉榮 |
| 27/3/2021 | 103 | 陳康麒(關注基層住屋聯席幹事) | 劏房住屋問題處理？ | 葉振東、羅嘉榮 |
| 3/4/2021 | 104 | 李如寶(防止虐待兒童會服務經理)、楊鎧彤(兒童議會2020兒童議員) | 兒童聲音如何在社會得到正視？ | 葉振東、羅嘉榮 |
| 10/4/2021 | 105 | 田方澤(教協副會長、通識科老師)、李偉雄(香港通識教育會副會長) | 通識科改革對學生學習有何改變？ | 葉振東、羅嘉榮 |
| 17/4/2021 | 106 | 冇 | DSE打氣站[19] | 葉振東、羅嘉榮[20] |
| 24/4/2021 | 107 | 陳恒鑌(立法會交通事務委員會副主席、民建聯立法會議員) | 香港交通規劃與政策 | 葉振東、羅嘉榮 |
| 1/5/2021 | 108 | 何啟明(勞工及福利局副局長) | 失業率仍高企，有何政策扶助就業 | 葉振東、羅嘉榮 |
| 8/5/2021 | 109 | 姚靈音(監察公營街市發展聯盟發言人) | 如何善用政府閒置物業？ | 葉振東、羅嘉榮 |
| 15/5/2021 | 110 | 黎沛薇(嚴重弱智人士家長協會主席) | 香港殘疾人士院舍能切合所需嗎？ | 葉振東、羅嘉榮 |
| 12/6/2021 | 111 | 周雅瑩(路德會青亮中心主任) | 睇波不賭波 | 葉振東、劉曉鳴 |
| 19/6/2021 | 112 | 鄧飛(香港教育工作者聯會副主席) | 國安教育教與學 | 葉振東、劉曉鳴 |
| 26/6/2021 | 113 | 張炳良(香港教育大學公共行政學研究講座教授、運輸及房屋局前局長) | 特區管治 | 葉振東、劉曉鳴 |
| 3/7/2021 | 114 | 宋立功(邁臻研究所總監) | 建黨百年的挑戰 | 葉振東、劉曉鳴 |
| 10/7/2021 | 115 | 賴君豪(香港社會服務聯會業務總監) | 如何讓照顧者透透氣？ | 葉振東、鄭艷雅 |
| 17/7/2021 | 116 | 徐小曼(香港青年協會業務總監) | 青年情緒支援，咁大件事無人講？ | 葉振東、鄭艷雅 |
| 24/7/2021 | 117 | 陳婉嫻(香港發展研究基金信託人)、鄭炳鴻(香港發展研究基金執委會委員) | 我們與大灣區的距離 | 葉振東、鄭艷雅 |
| 31/7/2021 | 118 | Terry(跨性別權益會代表)、Joe(女角平權協作組主席) | 我們可以愛？ | 葉振東、鄭艷雅 |
| 7/8/2021 | 119 | 劉嘉盈(本地青年農夫) | 一分耕耘，幾多間屋？ | 葉振東、鄭艷雅 |
| 14/8/2021 | 120 | 何建宗(一國兩制青年論壇創辦人兼主席) | 大灣區找出路？ | 葉振東、鄭艷雅 |
| 21/8/2021 | 121 | 宋恩榮(香港中文大學經濟學系客座教授) | 激變後的太陽 | 葉振東、鄭艷雅 |
| 28/8/2021 | 122 | 待定 | 待定 | 葉振東、鄭艷雅 |
出名舊秀 編輯
以下嘅出名舊秀以前試過用「政壇新秀」身份參加《政壇新秀訓練班》節目：
政治、公共事業同埋法律界 編輯
- 鄺俊宇：民主黨，以前立法會議員，依家元朗區議會（北朗）民選議員。
- 張文龍：依家葵青區議會副主席及長安區議員。
- 何致宏：依家中西區區議會（水街）區議員。
- 蘇浩：人民力量副主席。
- 小任：城市論壇成日參加者。
醫護界 編輯
商界 編輯
- 鄺澔儀(Yuki)：話係全港第一間學生社企「學業號」（英文：Youth Companion）嘅創辦人同埋行政總裁。
OLE同埋JUPAS 編輯
每期《政壇新秀訓練班》節目入面都有大約十幾個「政壇新秀」係中學生，參加呢個節目嘅經驗可以幫中學生帶嚟「新高中課程-其他學習經歷」（Other-Learning Experience，OLE）時數，同埋大學聯合招生系統（JUPAS）入面「學生學習概覽」（Student Learning Profile，SLP）嘅課外活動經驗。因此，有啲香港嘅中學會每年推薦佢哋嘅學生報名申請最新一期嘅「政壇新秀」。
新高中課程 - 其他學習經歷（OLE） 編輯
根據三三四高中教育改革新高中課程嘅指引，「其他學習經歷」（Other-Learning Experience）係3個組成部分嘅其中一個，同核心同埋選修科目（包括應用學習課程）一樣有用，可以幫班學生去做全人發展。喺基礎教育（第四學習階段--中四至中六）嘅五種基要學習經歷所建立嘅基礎中，學校會畀學生好多唔同種類嘅「其他學習經歷」機會，鼓勵佢哋去參加5個範疇嘅「其他學習經歷」，包括德育及公民教育、社會服務、同工作有關嘅經驗、藝術發展同埋體育發展。而《政壇新秀訓練班》節目可以畀咁多位中學生「政壇新秀」去做新高中學制嘅其他學習經歷（德育及公民教育）嘅學習時數。因此，《政壇新秀訓練班》喺社會上嘅認受性增加咗好多，幫助青少年嘅全人教育。
大學聯合招生系統（JUPAS） 編輯
由2009年9月開始實施嘅新高中學制入面，《政壇新秀訓練班》節目參與者嘅表現，都得到大學聯合招生辦事處認可。「政壇新秀」都可以喺大學聯合招生申請表同埋佢哋嘅「學生學習概覽」（Student Learning Profile，SLP）嘅「個人成就」嗰度填寫呢個節目嘅經驗，而呢個資格會畀大學唔同部門喺收生嗰陣納入其中一個考慮因素。
舊秀疑慮 編輯
《政壇新秀訓練班》自從轉咗去香港電台第一台之後，無論風格、討論角度同埋運作都跟以前完全唔同，有啲政壇舊秀（即係第一至十六期政壇新秀）唔贊成繼續用《政壇新秀訓練班》去做節目名，認為依家節目好早就已經面目全非。頭十六年（2004-2019）《政壇新秀訓練班》都有舊秀同新秀一齊製作節目嘅傳統，港台會尊重舊秀隨時返去節目度發表意見、製作同埋監察節目運作。但係，2021年開始《政壇新秀訓練班》唔再畀舊秀參與節目嘅製作同埋監察，拒絕舊秀返去電台監察節目運作，仲要求舊秀重新經過港台嘅篩選先至可以繼續參與同埋監察節目。有啲活躍舊秀認為呢個決定破壞咗十六年嚟舊秀承傳新秀嘅傳統，港台依然去用《政壇新秀訓練班》呢個節目名同埋以前佳績去做門面係唔合適，佢哋會感到受到冒犯同埋受唔到尊重。
節目影響力 編輯
《政壇新秀訓練班》而家係香港唯一嘅主打青年議政、論政嘅電台節目。其製作形式吸引唔同政治光譜嘅陣營人士仿傚。
由建制派人士喺2019年9月喺 YouTube 同 Facebook 社交平台成立嘅「政壇新秀」[21]專頁唔係香港電台節目。個專頁口號係「港台唔講我哋講」。
由本土派人士喺2019年12月喺 Facebook 同 Instagram 社交平台成立嘅「政壇生銹訓練班」（英文：Young Politician HK，簡稱：YPHK）專頁亦唔係香港電台節目。個專頁自稱由「傳統電台青年節目前班底人馬」所創立，但係冇任何前任或者現任 電台節目監製、編導或主持人參與。
參考 編輯
- ↑ 政壇新秀提議「遷都」西九龍 互聯網檔案館嘅歸檔，歸檔日期2020年1月31號，.，蘋果日報，2004年3月24號
- ↑ 《Podcast One: 政壇新秀訓練班 - 政壇新秀訓練班》 (香港中文), 喺2020-12-27搵到
- ↑ 〈香港電台第二台 RTHK Radio 2〉. m.facebook.com. 喺2020-12-27搵到.
- ↑ http://cheungpowah.blogspot.com/2007/10/5.html?m=1 「2008年度（第5期）《政壇新秀訓練班》招募行動」海報
- ↑ https://www.youtube.com/watch?v=4TIDd-9W-4I&feature=youtu.be 香港電台《政壇新秀，愛鬥大》招募微電影2012(第10期)
- ↑ 2019年12月28日(第38集)主題：李慧詩信香港人有打不死精神、中學生組織一周一罷 、通識單元「今日香港」爭議 、英國離開歐盟、瑞典Greta Thunberg全球暖化問題
- ↑ 2019年12月28號（第38集）新秀主持：(1)小任、Ocean、(2)Yuki、Hannah、(3)啫喱、Myrtle、Donald、(4)阿桓、Audrey、Alan、(5)Wesley、Ashley
- ↑ 2020年1月4號（第39集）主題：全港學校停課、中美貿易戰、催淚彈有二噁英、「黃色經濟圈」、「攬炒」經濟
- ↑ 2020年1月4號（第39集）新秀主持：(1)啫喱、Myrtle、Donald、(2)阿桓、Audrey、Alan、(3)Wesley、Ashley、(4)波波、Jerry、(5)阿桓、Audrey、Alan
- ↑ 2020年8月15日(第71集)主題：(阿桓組)立法會選舉、(棕澤組)政壇新秀嘅綠色假期
- ↑ 2020年8月15日(第71集)同步烽煙組員：(阿桓組)四分鐘、阿豊、(棕澤組)Phoebe、嘉榮
- ↑ 2020年8月22日(第72集)主題：(Wesley組)電子授課同埋考試、(啫喱組)點樣活喺疫症當下
- ↑ 2020年8月22日(第72集)同步烽煙組員：(Wesley組)Kenneth、(啫喱組)Lilith、Arthur
- ↑ 2020年12月26日(第90集)主題：(Wesley組)停止面授課同埋電子授課、(Yuki組)限聚令、(阿桓組)Staycation(宅度假)、(棕澤組)海洋公園撥款
- ↑ 2020年12月26日(第90集)同步烽煙組員：(Yuki組)Lilith、(棕澤組)嘉榮
- ↑ 即係Yuki，同時係第18期Team A嘅組長。
- ↑ 同時係第18期Team B嘅組長。
- ↑ 2021年2月13號（第97集）同步烽煙組員：（Yuki組）小鳴、Andy、（嘉榮組）冰冰、Harry、（Lilith組）Eugene、Moon
- ↑ https://www.facebook.com/1050111311782181/posts/3671684879624798/?d=n 香港電台第一台臉書專頁：2021年政壇新秀訓練班之DSE打氣站
- ↑ 2021年4月17號（第106集）同步烽煙新秀：(新聞前)Lilith、Hannah、(新聞後)Patrick、Steven
- ↑ 〈政壇新秀 - YouTube〉. www.youtube.com. 喺2020-12-27搵到.
出面網頁 編輯
- 政壇新秀訓練班（香港繁體）