明德銀號

明德銀號（英文：Ming Tak Bank）係香港一間執咗笠嘅小型銀行。

1965年1月23號，明德銀號發出約值700萬港元嘅美元支票俾彈票。消息傳出後，好多存戶紛紛擁去提取現金，結果明德銀號喺1月26號發生擠提，去到1月27號，當時嘅港府銀行業監理處接管明德，同時停止該公司嘅一切業務，以便審查。1月30號，明德銀號因對地產放款過度而宣佈申請破產，又欠債接近1,200萬緡，但資產就只係得340萬^[1]^[2]。

明德嘅倒閉事件，引起廣大市民對華資銀行信心恐慌，亦為後來一連串嘅銀行擠提事件揭開序幕^[2]。