李昭南

李昭南（藝名：Mishy Fish，英文：Michelle Lee，1989年 3月28號—），係香港女藝人，而家主要幫ViuTV拍電視節目。

簡歷改

李昭南喺香港出世，之後跟屋企人移民咗去美國。

由加州聖利安卓高校畢業後，佢以全額獎學金入讀加州大學戴維斯分校，以高等榮譽成績畢業於傳播及舞台系。佢求學時期贏過唔少西方古典鋼琴獨奏同歌唱比賽，為咗發展音樂同演藝事業，放棄咗美國華盛頓政府總部電視台主播嘅職位，回流返香港發展。

喺回港初期，除咗接拍電視廣告同創作音樂之外，李昭南亦開始接觸荷李活電影嘅選角工作；負責進行選角嘅電影包括米高曼執導嘅《黑客特工》同米高卑執導嘅《變形金剛4》。

至2016年，李昭南當選咗美國全美華埠小姐第二公主，之後加入ViuTV做主持同拍劇。除咗以流利嘅兩文三語擔任司儀，亦擅長自彈自唱同擁有perfect pitch技能，而家係香港女子樂隊Luna隊長。

李昭南屋企經營酒樓生意，家族生意包括舊時香港出名食府海城大酒樓夜總會同海洋皇宮大酒樓。

李昭南喺2016年傳出同香港歌手吳浩康拍拖，2018年分手。

呢篇李昭南係關於香港藝人同傳記嘅楔位文章，重未完成嘅。麻煩你幫手補充佢嘅內容。