替代品粵拼tai3 doi6 bun2英文substitute good)係經濟學上嘅一個概念,如果話 A 同 B 呢兩件貨品服務係彼此嘅替代品,意思即係話呢兩件嘢能夠滿足嘅慾望好相似,消費者買咗其中一件就唔會想買另外嗰件,所以消費者(例如)喺 A 加價嗰陣大可以索性改買 B。

唔同牌子汽水大致上都係「嘅有汽嘢飲」;消費者買咗罐可口可樂就好可能會唔買百事

日常生活嘅替代品例子有唔同牌子汽水可口可樂百事一樣係「有甜味嘅有汽嘢飲」,兩者滿足嘅慾望好相似,所以當一位消費者買咗可口可樂,佢就好可能會唔想買百事;而當可口可樂冇得賣或者加價嗰時,消費者大可以改為去買百事[1]

營商策略上,「要點令到自己嘅貨品服務唔能夠輕易被替代」對競爭優勢嚟講好重要:競爭優勢指一個人或者組織具有、幫佢喺表現上打低佢競爭對手嘅特性;要打低競爭對手,一間公司會希望自己嘅貨品服務唔能夠輕易俾對手嘅替代,等啲客會一路幫襯自己,令盤生意長做長有[2][3]

概論 編輯

睇埋:慾望消費
例 1:可口可樂同百事

想像以下嘅供應同需求圖。可口可樂嘅價錢(可能因為生產成本上升等嘅原因)由   升至  ,假設消費者嘅入息等嘅因素不變,需求量(quantity demanded;消費者有能力又願意買嘅量)會由   下降至  ;同時,百事嘅價格冇變,但家吓停咗手唔買可口可樂嗰啲消費者改咗用百事嚟滿足自己「想飲有甜味嘅有汽嘢飲」嘅慾望,令百事嘅需求(demand)上升(就算價格不變,消費者嘅需求量都升咗)[4]

 

分析 編輯

零售業上,對替代品同互補品(complementary goods)嘅分析相當有用。例如如果知道兩件貨係彼此嘅互補品(互補品係替代品嘅相反;如果 A 同 B 呢兩件貨係要一齊用嘅,是但一件嘅需求升會帶動另外嗰件一齊升,噉呢兩件貨就係互補品),零售商一般會想將呢兩件貨擺埋一齊嚟賣。喺數據科學上,兩件貨品之間嘅替代互補關係可以用以下呢條式表示[5]

 (有關呢啲數學符號嘅意思,可以睇吓概率論

想像兩件貨品   :如果佢哋係互補品,噉消費者理應會成日一齊買呢件貨,所以  (消費者買嗮兩件貨)數值會高,而  (消費者買嗮兩件或者淨係買其中一件)數值理應會相對冇咁高,於是上述嘅數值就會大,最大可能數值係 1;而相反如果兩件貨品係替代品,噉消費者理應好少可會同時買嗮兩件,所以   數值會低,而   數值會相對高。即係話,上述呢個比例數值愈大,   就愈係互補品,而個數值愈細,   就愈係替代品。喺實際應用上,商戶可以用機械學習嘅技術,攞嚟自網購網站等來源嘅數據,計出    嘅數值[5]

睇埋 編輯

編輯

  1. Nicholson, Walter; Snyder, Christopher (2008). Microeconomic Theory: Basic Principles and Extensions. Mason, Ohio: Thomson/South-Western. p. 185.
  2. Porter, Michael E. (1985). Competitive Advantage. Free Press.
  3. Huh, Young Eun; Vosgerau, Joachim; Morewedge, Carey K. (2016-06-01). "More Similar but Less Satisfying Comparing Preferences for and the Efficacy of Within- and Cross-Category Substitutes for Food". Psychological Science. 27 (6): 894-903.
  4. Substitutes.
  5. 5.0 5.1 Retail Analytics: A Novel and Intuitive way of finding Substitutes and Complements. Towards Data Science.

編輯