李國永英文David Li Kwok WingLunch哥,譯名撚柱哥2002年9月8號—),香港學生,2020年喺香港反送中運動入面因為和你Lunch嘅示威活動而出名,開設有「Lunch哥的抗爭生涯」Facebook頁同埋以「Lunch哥星級抗爭團隊」嘅名義組織活動。但係之後被揭露咗一啲負面新聞,加上一啲爭議性言行,令一啲民主派人士同埋反送中運動嘅參加者都對佢持負面態度,畀一啲網民話佢「玩膠」[1]。佢中學讀中華基督教會燕京書院

法庭外嘅Lunch哥(2020年8月)

政治參與同爭議

李國永廣為人知嘅政治參與,係佢喺香港反送中運動嘅參與。其中喺呢場運動入面,有人發起和你Lunch行動。呢樣行動後嚟式微,但李國永仍然參與其中,後來就獲得「lunch哥」嘅封號。佢形容自己曾經係港豬,但係睇到無數示威者被香港政府、警察用暴力手法應對,覺得睇唔過眼所以要走出嚟[2]。不過,佢曾經俾指唔尊重,其他抗爭者騷擾女抗爭者等。佢亦承認曾經試過向對象發送性器官嘅照片[3]。另外,佢亦曾經作出一啲被指係尋找他人關注,同親中派友好嘅行為,民主派區議員張秀賢王進洋都先後呼籲Unlike 佢個 Facebook頁[4][5]

反送中運動參與

喺反送中運動入面,有人發起和你Lunch行動。呢樣行動後嚟式微,但李國永仍然參與其中,後來就獲得「lunch哥」嘅封號。佢又曾經喺陳彥霖案審訊期間,向當時被一啲人指喺「假老母、戲子」嘅陳母何姵誼舉中指同埋以粗口辱罵[6],後來仲被控因而非法集結[7]

不過,佢後來就因為參與示威活動期間穿着校服,結果畀學校要求停課[8]。另外,佢經常以星級抗爭團隊自居,又試過去警察總部交請願信嘅時候同警察握手,呢啲都引起一啲人嘅不滿[9]

露械事件

李國永曾經喺交友軟件向對象發送性器官嘅照片,不過佢就話自己係你情我願,形容事件被揭發後自己有陰影[3]

12港人案

12港人案入面,十二個曾經參與反送中運動嘅港人喺2020年8月23號喺香港水域被中國海警越境捉走,之後一路被禁錮喺深圳鹽田看守所嘅事件。等候去到開審個陣,佢喺自己嘅 Facebook Page 開設有獎問答遊戲,叫網民估下判刑,仲話估中嘅話可以獲得佢嘅簽名一個,價值一億港元。佢嘅做法引起咗一啲民主派人士嘅不滿,其中張秀賢就批評佢係尋找他人關注(Attention Seeker),叫人快啲 Unlike 佢個 Page[4]

參考

  1. "Lunch哥拎緊12港人黎開玩笑玩膠".
  2. "堅持「午飯抗爭」不懈:「lunch哥」David專訪". Radio Free Asia. 喺2020-12-28搵到.
  3. 3.0 3.1 "疑似露械照網上流傳 Lunch哥認衰稱你情我願". on.cc東網 (中文). 喺2020-12-28搵到.
  4. 4.0 4.1 "Tommy Cheung 張秀賢". www.facebook.com. 喺2020-12-28搵到.
  5. "王進洋Wong Chun Yeung". www.facebook.com (英文). 喺2021-01-03搵到.
  6. "陳彥霖家屬庭外被追罵 消息指「lunch 哥」涉公眾地方行為不檢被捕 | 立場報道 | 立場新聞". 立場新聞 Stand News. 喺2020-12-28搵到.
  7. "被指庭外追罵陳彥霖母 「Lunch哥」等遭改控非法集結 加控藐視法庭 | 立場報道 | 立場新聞". 立場新聞 Stand News. 喺2020-12-28搵到.
  8. 鄧栢良 (2020-09-30). "「Lunch哥」穿校服示威「使學校陷政治漩渦」 被校方罰停課2日". 香港01 (中文). 喺2020-12-28搵到.
  9. "Lunch哥與警察握手交請願信被罵 本人稱:只係基本禮貌不要太苛黑". winandmac.com. 2020-10-07. 喺2020-12-28搵到.

出面網頁