李汝大

李汝大，MH（英文：Desmond Lee Yu-tai，1944年10月25號—）（FCHMA, FCHAD, FAPVA, FAPCA, FCITD, F.Inst.CM.）係斐濟駐香港名譽領事，香港自由黨成員，亦擔任香港中山學會副主席、香港孫文大成學會秘書長、中華民國華僑救國聯合總會理事等香港親台團體要職，喺老牌政團香港公民協會做社區關係及發展委員會主席，做過香港立法局議員同東區區議會（丹拿選區）議員。

李汝大
香港立法局議員
任期 1985年10月30號－1988年8月25號
繼任	陳英麟
選區	港島東選舉團
東區區議會議員
任期 1995年－2015年12月31號
前任	首任
繼任	鄭達鴻 (議員)
選區	丹拿
任期 1985年3月7號－1994年
前任	黃晉偉
繼任	末任
選區	北角東
個人資料
性別	男
別名	Desmond
出世	(1944-10-25) 1944年10月25號 中華民國國民政府廣州特別市
政黨	香港公民協會（1985年－） 香港勵進會（1985年－1987年） 民協（1987年－1990年） 港同盟（1990年－1991年） 前綫（1998年－2002年） 自由黨 (香港)（2014年－）
學歷	香港中文大學文學士及文學碩士 香港大學管理文憑

學歷

李汝大1962年喺九龍華仁書院畢業，得當年香港中學會考第一名（7優1良），同年入香港中文大學聯合書院歷史系，1966年畢業後入研究院深造，1968年攞到文學碩士學位。佢又有香港大學管理學文憑，膺選英國皇家文藝學院院士、美國加州南太平洋大學同華盛頓州西雅圖國際大學名譽博士。

參與工作

李汝大畢業後喺香港嶺南學院（香港嶺南大學前身）教授翻譯同中外歷史3年。1970年任職浸會學院（香港浸會大學前身）史地系，1971年喺香港中文大學校務處人事組做行政助理。1973年轉去理工學院（香港理工大學前身）教務處，1979年做該院課程部主任，兼任講師，後來做高級助理教務長（1992年－2002年）。

李汝大一直積極參與成人教育工作，喺政府夜中學兼教4年，1975年創辦香港成人教育協會，出任會長，後來做榮譽會長。1985年至1988年做立法局民選議員。1986年建議香港實施夫婦分開評稅，係香港頭一位議員提出呢項建議。他亦做東區區議會民選議員（1985年至2015年）、斐濟駐香港名譽領事（由1992年）同埋優才（楊殷有娣）學校校監（由2003年）。

李汝大亦參與社會服務同文教工作，並客串廣播文教節目，例如香港電台製作嘅「博古通今」同埋「成人教育指南」。主持電視校際時事及學術常識問答比賽，擔任朗誦節中文朗誦評判等。

李汝大係香港賽馬會會員，馬主團體「朝氣團體」成員，名下馬匹包括「勁飛馳」、「勁飛駒」、「駿飛寶」、「勁飛勁」、「勁飛寶寶」、「酷比爸」。

政治取態

李汝大喺1980年代爭取八八直選，並喺2000年香港立法會香港島地方選區補選時幫余若薇助選。後來慢慢脫離泛民主派，親近建制派陣營。李汝大先提名民建聯葉國謙參選立法會區議會（第一）功能界別，2011年又借出街板位置畀民建聯鍾樹根做宣傳，最後喺2014年加入自由黨，正式成為建制派一員。2015年，李汝大唔再冧莊區議員，並培養曾卓兒做接班人。

前任： 黃晉偉	東區區議員（北角東） 1985年—1994年	繼任： 末任 (選區分拆)
前任： 首任	東區區議員（丹拿） 1995年—2015年	繼任： 鄭達鴻

出面網頁

• 香港電台 《校際時事及學術常識問答比賽》（1985年）李汝大、梁敏兒主持