余若薇

香港政治人物

余若薇SCJP英文The Hon Audrey EU Yuet-mee1953年9月11號—)係香港執業資深大律師太平紳士香港立法會前議員。佢係香港公民黨黨魁,響香港政治圈子嘅光譜中屬泛民主派嘅一員。香港出世香港大學法律學士英國倫敦大學法律碩士

余若薇
出世 (1953-09-11) 1953年9月11號(70歲)
英屬香港
職業政治人物
香港立法會議員
香港公民黨黨魁
資深大律師
太平紳士

根據《港大民意網站》嘅調查,余若薇響議員評分中經常名列前茅。2007年秋季,余若薇喺檢查時,發現部有一個3毫米嘅動脈瘤,如果血管瘤爆開可能導致中風甚至冇命。佢發現隱患之後,表示會積極面對,如常工作[1]

屋企 編輯

余若薇祖籍上海,香港出世。佢同老公胡健維醫生(胡百全嘅侄仔)有三個女:胡凱家、胡凱琳、胡凱琦。佢有兩個細佬:余若海同佢一樣係資深大律師,余若星係婦產科醫生(余若星係香港賽駒「靈感」、「終極焦點」、「伶俐驫駒」嘅合夥馬主)。

學歷 編輯

政途 編輯

喺加入政壇前,佢曾擔任大律師公會會長。響中華人民共和國收返香港後,隨即爆發居港權問題;佢因當時反對人大釋法嘅堅定立場,漸為港人所認識。2000年程介南因醜聞而辭去立法會議員職務,余若薇出選港島區立法會議席補選,得到民主派一眾支持,壓倒性贏得議席,從此踏入政壇,喺立法會議員嘅崗位上,一做就做12年。

《基本法》23條關注組 編輯

2002年,香港政府有意為《基本法第二十三條立法,佢同其他大律師公會執委會有淵源嘅人,包括梁家傑吳靄儀湯家驊、香港大學嘅陳文敏、中文大學政治系教授戴大為等合組廿三條關注組,向香港市民陳述利弊,令香港市民參與反對廿三條運動同埋香港七一遊行。佢又同當時保安局葉劉淑儀辯論廿三條,亦令佢嘅聲望上升。

《基本法》45條關注組 編輯

2004年,港人開始關注香港基本法第四十五條及六十八條,就2007年第三屆行政長官同零八年第四屆立法會選舉方法嘅規定。余若薇同另外幾位大律師好似陳文敏、張健利、梁家傑、李志喜、吳靄儀同湯家驊,律師張達明帝理邁,同前立法局議員陸恭蕙等組成四十五條關注組,推動零七零八雙普選。因普選議題獲得大部分港人支持,加上佢溫和、中產同專業嘅形象而獲得市民普遍歡迎,被譽為民主女神

2004年余若薇夥同前綫何秀蘭喺港島區合組名單出選2004年香港立法會選舉,因民望高企響民調下一度大幅領先,而有「吸票機」及「票后」稱號。後因為另一張泛民主派名單李柱銘楊森嘅組別宣稱告急而流失大量選票,導致泛民主派配票失敗,最終該名單只得73,844票,余若薇成功出線,但何秀蘭就以815票之差輸畀民建聯蔡素玉

四十五條關注組成員同其他人士喺2006年3月19號組成香港公民黨,余若薇出任首任黨魁。

公職 編輯

  • 廉政公署審查貪污舉報諮詢委員會成員(1.1.2003 - 31.12.2006)
  • 廉政公署保護証人覆核委員會小組成員(1.1.2003 - 31.12.2006)
  • 房屋及規劃地政局地產代理監管局成員(1.11.2002 - 31.10.2006)
  • 規劃地政局上訴審裁處(建築物)主席(1.12.2000 - 30.11.2006)

編輯

  1. . 原著喺2007年9月9號歸檔. 喺2007年11月5號搵到.

出面網頁 編輯

Template:香港特別行政區第二屆立法會議員