林景楠
林景楠（英文：Lam King Nam Mike，1988年—）係香港生意人，做過海關關員，阿布泰國生活百貨創辦人。佢喺2020年3月初表明有意參選2020年香港立法會選舉進出口界功能界別[1][2][3]，不過其後喺6月中喺社交媒體發文正式宣佈，將會參選2020年香港立法會選舉新界東直選[4]，並參加2020年香港立法會選舉民主派初選[5]。
| 林景楠 Lam King Nam | |
|---|---|
 | |
| 個人資料 | |
| 性別 | 男 |
| 出世 | 1988年（35–36歲）.svg){kind=small} 英屬香港 |
| 國籍 |  中國（香港） |
| 職業 | 阿布泰國生活百貨創辦人 |
學歷
| |
家庭
編輯林景楠2015年同泰籍太太Bowie Kanokwon結婚，生咗大女叫「自悠」。2020年二女「良梔」（粵音「良知」）出世 [6][7]。
經歷
編輯因光復沙田期間言論畀海關解僱
編輯2015年2月，林景楠途經「光復沙田」（反對一簽多行等政策）示威現場同接受電視台訪問，表達同政府唔同睇法，結果畀激進建制派起底，先被調離客運檢查崗位；至2015年10月，更畀海關「以言入罪」解僱。其後佢創立阿布泰國生活百貨[8]。
武漢肺炎表現
編輯2020年1月爆發武漢肺炎第一波疫情期間，阿布泰國生活百貨取得由泰國購入嘅一批口罩，醫管局前線醫護人員、邊境管制站嘅紀律部隊人員包括海關、入境處同衞生署職員，喺出示工作證件或者委任證就可以唔使排隊，以實名登記後，優先購買口罩。結果當日阿布泰國生活百貨14間門市都有千名市民排隊[9]。不過，佢做法引起咗部分親建制派網民不滿，佢哋話呢間店「違反《防止賄賂條例》第3條」，向醫護人員同海關等提供優先購買口罩嘅權利[10]。至2月因應確診武漢肺炎個案上升，又喺青衣城以每個港幣1蚊嘅價錢開售口罩[11]。
2020年立法會選舉
編輯林景楠曾經喺2020年3月初表明有意參選2020年香港立法會選舉進出口界功能界別[1][12][13]，不過之後喺6月中喺社交媒體發文正式宣佈，將會參選2020年香港立法會選舉新界東直選[14]，並參加2020年香港立法會選舉民主派初選[15]。2020年7月，佢提名期截止後先報名參選新界東選區，經諮詢兩位協調人同攞到呢區四份之三參選人/團隊唔反對/同意下，有關提名獲得酌情接納處理[16]最後初選結果取得5,350票。[17]。而最後佢亦報名參選進出口界。
涉違反《港區國安法》被捕、後續
編輯2021年1月6號朝早10點，林景楠因為涉嫌違反《港區國安法》中「顛覆國家政權罪」罪名畀香港警務處國安處人員拘捕[18]，有指同佢曾參與2020年立法會選舉民主派初選有關[19]。佢喺2023年1月認罪[20]。
被捕之後，林景楠嘅政治立場開始向親中陣營靠攏，喺2022年8月表達對中國共產黨總書記習近平7月1號訪港發表講話嘅睇法嘅時候話「必須全面貫徹『一國兩制』方針，必須落實『愛國者治港』，避免接觸港獨思想」等等，之後喺第二年1月1號喺Facebook上載同財政司司長陳茂波嘅合照，形容香港有「完善嘅法律法規」，同埋話要「講好香港故事」[21]。
2023年3月22號，佢响新浪微博、Facebook出Po，話「香港唔可以亂，亦都亂唔起」，重話「阿布泰同黃色經濟圈割蓆，未來會繼續服務香港」。
參考
編輯- ↑ 1.0 1.1 【抗逆是良知】遭海關「莫須有」解僱 阿布泰老闆以德報怨濟同袍照賣口罩 互聯網檔案館嘅歸檔，歸檔日期2020年1月29號，.，蘋果日報，2020-1-29
- ↑ 【立會選舉】阿布泰創辦人林景楠：積極考慮參選進出口界別 希望同行、手足們支持我 互聯網檔案館嘅歸檔，歸檔日期2021年4月17號，.，立場新聞，2020-3-4
- ↑ 周禮希 (2020-03-11)。〈【立法會選舉】一文睇晒功能界別6大戰場 泛民搶灘成功不是夢？〉。《香港01》 (香港中文)。喺2020-03-11搵到。
- ↑ 〈【立會選舉】棄戰功能組別 阿布泰老闆林景楠宣布參選新東〉 (中文)。原著喺2020年10月31號歸檔。喺2021年4月12號搵到。
- ↑ "5. 新界東 New Territories East". 民主動力. 喺2020-06-24搵到.
- ↑ 〈因網上言論被政府炒魷 遂零資本借10萬創業、4年開16分店 阿布泰CEO：成就可超出想像〉。《經濟一週》。2020-04-29。
- ↑ 〈初選落敗新丁老將紛謝票〉。《明報》。2020-07-15。
- ↑ 〈【立法會選舉】硬撼建制！阿布泰老闆林景楠考慮參選進出口界〉。《Apple Daily 蘋果日報》。原著喺2020-07-24歸檔。喺2020-03-04搵到。
- ↑ 〈【武漢肺炎】黃店泰國運口罩赴港 醫護及邊境職員優先限購〉。《Apple Daily 蘋果日報》 (中文)。原著喺2020-03-11歸檔。喺2020-02-16搵到。
- ↑ 〈【武漢肺炎】藍絲良心當狗肺！黃店優先售口罩予醫護海關反被屈「賄賂」〉。原著喺2020-10-29歸檔。喺2020-04-25搵到。
- ↑ 〈【武漢肺炎】阿布泰國生活百貨今晚7時售10,000個口罩 青衣街坊每人限購10片應急 - 香港經濟日報 - TOPick - 精明消費〉。topick.hket.com。喺2020-02-16搵到。
- ↑ 【立會選舉】阿布泰創辦人林景楠：積極考慮參選進出口界別 希望同行、手足們支持我 互聯網檔案館嘅歸檔，歸檔日期2021年4月17號，.，立場新聞，2020-3-4
- ↑ 周禮希 (2020-03-11)。〈【立法會選舉】一文睇晒功能界別6大戰場 泛民搶灘成功不是夢？〉。《香港01》 (香港中文)。喺2020-03-11搵到。
- ↑ 〈【立會選舉】棄戰功能組別 阿布泰老闆林景楠宣布參選新東〉 (中文)。原著喺2020年10月31號歸檔。喺2021年4月12號搵到。
- ↑ "5. 新界東 New Territories East". 民主動力. 喺2020-06-24搵到.
- ↑ 〈泛民初選52名單 11表明反國安法 阿布泰林景楠遲報名仍入閘 民主動力：酌情處理〉。明報。2020-06-25。原先內容歸檔喺2020-07-13。喺2020-07-10搵到。
- ↑ 〈民主派初選終極結果出爐 出線隊伍一覽 鄺俊宇何桂藍膺票王票后〉。《香港01》。喺2020-07-15搵到。
- ↑ 〈初選大搜捕｜阿布泰老闆林景楠被捕 5,000網民fb留言慰問：要平安回來〉。《Apple Daily 蘋果日報》 (香港中文)。原著喺2021-01-11歸檔。喺2021-01-06搵到。
- ↑ 〈初選大搜捕●不斷更新︱53名民主派涉顛覆國家政權被捕 料通宵扣查〉。《Apple Daily 蘋果日報》 (香港中文)。原著喺2021-01-06歸檔。喺2021-01-06搵到。
- ↑ 〈還押被告籲罷買阿布泰 林景楠促體諒「資訊缺乏」〉。明報。2023-01-29。喺2023-01-29搵到。
- ↑ 〈提供證人證供兼被指食兩家茶禮 林景楠：只可以選擇用留低的生活方式〉。獨立媒體。2023-01-29。喺2023-01-29搵到。
 |