柳夢梅

柳夢梅係《牡丹亭》既男主角，佢係一個典型既書生，喺《牡丹亭》個古仔裏面，佢同女主角，大家閨秀既杜麗娘，喺夢裏面相識、邂逅。醒咗之後，杜麗娘因為思念夢中情郎，而鬱鬱寡歡，最後仲死咗。杜麗娘既老豆杜寶，去淮陽升任安撫使之前，將杜麗娘葬喺後花園既梅樹下面，又修咗一座梅花庵，請咗個道姑管理。佢兩個再見既時候，已經係人鬼殊途，佢哋既愛情故事感動咗閻羅王，佢俾杜麗娘還魂翻生。

意象

柳夢梅個名，「柳」、「夢」、「梅」三個字都有意思，係一種意象組合。

柳

「柳」喺中國歷史概念裏面離別既象徵，就好似《詩經》既《採薇》講到：「昔我往矣，楊柳依依」。而柳枝亦都可以話係《驚夢》呢節裏面，柳夢梅俾杜麗娘既愛情信物。佢哋戀愛係由柳夢梅講： 「恰好花園內，折取垂柳半枝。姐姐，你既淹通書史，可作詩以賞此柳枝乎？」開始既。

夢

夢可以令人忘卻自身既實現環境，放心咁去享受快樂。正如李後主（李煜）既《浪淘沙令·簾外雨潺潺》裏面講：「夢裡不知身是客，一晌貪歡」。

而夢可以話係《牡丹亭》整個故事既主線，呢個夢令到原本無可以相遇既男女主角可以相遇，互相愛慕。呢個夢亦都令到男女主角可以突破現實同埋禮教既束縛，大膽咁追求內心既真實情感，發展出愛情。好似《詩經．齊風．雞鳴》所講咁：「甘與子同夢」。

梅

梅花係喺嚴寒既冬天即將要過去，春天快到既時候，最先開花既植物，所以梅有春天既像徵。而杜麗娘喺梅樹下面等待柳夢梅，亦象徵咗一段春情既開始。就好似《驚夢》裏面，杜麗娘講既：「曉來望斷梅關，宿妝殘」。

喺古代，「梅」字其實有「媒」既意思，例如《詩經．國風．召南．摽有梅》呢首詩既「梅」，係比喻及時婚姻。