梁耀忠
梁耀忠（LEUNG Yiu-chung，1953年5月19號—），人稱「白頭佬」，係香港立法會區議會（第二）功能界別前議員、新界西選區前議員，葵青區議會葵芳選區前議員，街坊工友服務處執行監督，民主派政黨前綫前黨員，泛民主派元老級人馬。
| 梁耀忠 | |
|---|---|
 | |
| 出生日 | 1953年5月19號  （71歲） |
| 出生地 | 英屬香港 |
| 國籍 | 英屬香港、中華人民共和國 |
| 母校 | 香港大學、雅息士大學 |
| 職業 | 政治人、trade unionist |
| 政黨 | The Frontier |
[改維基數據] | |
成長背景
編輯梁耀忠祖籍廣東中山，香港出世。佢前妻黎紹珍亦係社會運動中人，自中學生時代已經係活躍份子，曾經係激進托洛茨基主義團體四五行動成員。黎亦曾經係立法會前議員何秀蘭前助理、民主派政黨前綫秘書，但現已淡出民主及社會運動。佢哋有一個仔[1]。
政途
編輯
梁響英國留學期間，認識年青時投身托派嘅岑建勳，得到政治啟蒙。民運人士劉山青，喺1975年成立新青學社，梁耀忠係當中嘅一個義工，劉山青響1981年喺中國大陸被捕，判以反革命罪名，梁耀忠繼承新青學社，改組為「街坊工友服務處」。
適逢香港「26座問題公屋醜聞」，梁耀忠帶領受災最重嘅葵芳廉租屋邨居民調查，揭發承建商偷工減料，導致葵芳邨第五座需要即時拆卸，而葵芳邨其餘十幢大廈都需要響樓齡未夠廿年之下重建。梁之後響1985年當選葵青區議會葵芳以及葵興選區議員，同當時同期當選嘅李永達、單仲偕、梁廣昌、周奕希、黃耀聰、李志輝並稱「葵青七子」。
1991年參選立法局輸咗，1995年通過新九組當選，之後因為響立法局中以一句「臭罌出臭草」諷刺臨時立法會，俾當時立法局主席黃宏發驅逐揚名，成為香港立法機關史上，首名被驅逐出場嘅立法局議員。
1998年梁參選第一屆立法會選舉當選，重返立法會，重響2000年、2004年、2008年、2012年連任。
梁氏自1985年起當選區議員之後，響葵芳選區連任，從無間斷，成為葵青區資深嘅社區領袖。2003年第2屆香港區議會選舉更以全港最高票連任，成為票王。
梁耀忠議員曾經喺網絡電台香港人民廣播電台擔任節目「忠言入耳」主持。
2021年2月16號，喺西九龍法院開審嘅818流水式集會非法集結案，梁耀忠係被告之一，佢當庭認罪。[2]。2021年4月16號，佢因為參與非法集結罪名成立，被判坐花廳8個月，緩刑1年，依例冇咗區議員席位，喺2021年2月26號任期結束。
參考資料
編輯- ↑ 《香港特區名人錄》，第255頁，ISBN 62-8017-128
- ↑ 〈黎智英涉前年8.18非法集結案 因辯方臨時呈交報告未能開案〉。《on.cc東網》 (香港中文)。2021-02-16。喺2021-02-16搵到。
出面網頁
編輯
- 〈香港特別行政區立法會 - 議員資料庫〉 (繁體中文)。香港特別行政區立法會。
- 香港網絡大典：梁耀忠