區議會 (第二) 功能界別，係香港立法會其中一個功能界別，香港區議會議員有參選權同提名權，而唔喺其他功能界別嘅選民都有投票權。
喺第6屆香港區議會選舉之後，以泛民主派為首嘅非建制派控制咗區議會嘅大多數民選議席，為咗落實中共中央總書記習近平提出嘅「愛國者治港」要求，第十三屆全國人民代表大會常務委員會喺2021年3月30號通過決議，修改咗香港基本法附件二：立法會嘅產生辦法同埋表決程序，廢除咗區議會（第二）功能界別。
