楊乃文

楊乃文（粵拼：joeng4 naai5 man4；英文：Faith Yang；1974年3月2號—）係華語女歌手，有「搖滾女王」嘅稱號，喺臺灣臺北出世，喺雪梨大學畢業，攞過第11屆金曲獎最佳國語女演唱人獎。佢亦做過模特兒同參與電影、舞台劇嘅演出。

楊乃文
女歌手
英文名	Faith Yang
花名	搖滾女王
國籍	中華民國
出世	(1974-03-02) 1974年3月2號 臺灣臺北
職業	歌手、模特兒
語言	中文、英文、少少法文
教育程度	雪梨大學遺傳與生物學系學士畢業
音樂類	華語流行音樂、英式搖滾
演奏樂器	鋼琴、長笛
出道地	臺灣
出道日期	1997年7月29號 (1997-07-29)
出道作品	《ONE》
代表作品	《Silence》、《祝我幸福》、《證據》、《女爵》、《離心力》、《推開世界的門》
活躍年代	1997年－依家
唱片公司	魔巖唱片（1997年－2002年） 亞神音樂（2006年－2008年；2013年－依家） 銀魚音樂（2009年－2013年）
經紀公司	銀魚音樂（2003年－2013年） 亞神音樂（2013年－依家）
網站	楊乃文嘅facebook頁（2011年－依家） 楊乃文嘅新浪微博 YouTube上面嘅楊乃文 Naiwen Yang嘅頻道
網路電影資料庫（IMDb）資訊
獎 金曲獎 最佳國語女演唱人獎 2000年 《Silence》

演藝經歷

早期生活

佢喺1974年3月2號喺台灣台北出世，從六歲開始學鋼琴，亦識得演奏其他多種樂器（琵琶、三弦、鼓等）。喺小學五年級時，佢同屋企人移民去澳洲，住喺雪梨。讀緊澳洲嘅中學時，開始接觸長笛。佢喺中學期間參加過雪梨歌劇院搞、為期兩個禮拜嘅音樂劇工作營，期間接受咗音樂劇相關嘅專業訓練。

佢喺雪梨大學主修遺傳學同生物學。由於對家鄉台灣嘅想念，佢喺大一學期完時決定暫時休學一年返台灣，揾自己未來可能嘅發展機會。啱啱返到台灣時，並冇明確嘅目標或方向，於是成日到酒館（pub）或的士高舞廳（discothèque）打工順便聽音樂，更做兼職模特兒去賺取生活費。喺呢段期間，佢識咗李雨寰、林暐哲、黃大煒、黃舒駿等音樂業界人士。當時佢同李雨寰同林暐哲合作，喺「dMDM」嘅專輯《愛上你只是我的錯》入面唱咗《愛上你只是我的錯》、《就要天堂》、《再見離別》同《藍色森林》等四首歌。

1997年：One

一年後，佢返到澳洲繼續完成學業，當時唱片製作人林暐哲認為佢會係一個有潛力嘅歌手，所以佢開始同楊乃文討論整個人專輯嘅計劃，並同魔巖唱片簽約。1996年，楊乃文正式完成大學學業，並返到台灣做個人專輯嘅準備同錄音工作。1997年7月29號，佢出首張個人專輯《One》。喺未有大量宣傳嘅情況下，銷售量竟然有多過幾萬張，雖然同個陣國語專輯好容易就破百萬張嘅年代去比，呢個成績唔係咁好，但係喺非主流音樂市場入面成績唔容易。

1999年：Silence

距離上一張專輯兩年後嘅1999年9月9號，佢出咗第二張專輯《Silence》，製作人除咗林暐哲外仲有張震嶽同陳珊妮。另外，呢張專輯入面仲特別翻唱英國樂團「流行尖端」（Depeche Mode）主唱馬汀·高爾（Martin Gore）嘅《Somebody》（由林暐哲填中文詞）、高旗同超載嘅《不要告別》同花兒樂隊嘅《靜止》。第二年，佢憑住《Silence》專輯攞到第11屆金曲獎最佳國語女演唱人獎。

2001年：應該

2001年5月3號，佢出咗第三張個人專輯《應該》。同前兩張一樣，製作人係林暐哲，專輯入面嘅創作集結咗好多音樂人，例如陳珊妮、李雨寰、陳綺貞、李焯雄等，都收錄咗兩首楊乃文嘅個人作品—《我們》同《SURRENDER》。憑藉住到而家嘅三張專輯累積出知名度，佢喺2001年7月7號台北台大綜合體育館搞咗叫做「Back to Music」嘅首次個人售票演唱會。

2004年：楊乃文第一張精選2CD

除咗六年三張專輯嘅精選曲目，重收錄喺出片前嘅首次嘅曝光DMDM專輯入面，佢獨唱嘅《愛上你只是我的錯》，重有喺校園Live演唱會入面首次發表自己嘅詞曲創作《FEAR》，重有為咗電視原聲帶薰衣草所開口唱嘅經典電影第凡內嘅早餐主題曲《Moon River》。

2006年：女爵

佢同魔巖唱片之間嘅合約到期，佢轉到新東家亞神音樂。喺上一張唱片出咗五年，佢嘅第四張專輯《女爵》喺2006年12月1號出。同前三張專輯唔同嘅係，呢次佢親自做專輯製作人。佢都同以前嘅音樂夥伴再次合作，包括賈敏恕、李雨寰、林暐哲、陳珊妮等。另外，繼喺《Silence》專輯入面翻唱中國大陸花兒樂隊嘅《靜止》之後，呢次楊乃文再次翻唱大陸樂團作品—便利商店樂隊嘅《電視機》。專輯嘅同名主打單曲《女爵》係由台灣蘇打綠樂團主唱吳青峰寫嘅，呢次係兩人首次合作。

2009年：Self-Selected我自選

英文歌係楊乃文嘅音樂源頭，佢特別從佢最鐘意嘅歌曲中精選10首，加上德國獨立樂手Maximilian Hecker幫佢寫嘅《Miss Underwater》，喺Radiohead、Coldplay、Blur、U2、The Verve; Leonard Cohen揀嘅（後來翻唱佢嘅《Hallelujah》嘅Jeff Buckley）、 The Velvet Underground《 Andy Warhol》 、Lou Reed; 007金剛鑽主題曲《Diamonds Are Forever》、2007奧斯卡最佳電影主題曲《Once》《曾經，愛是唯一》嘅《Falling Slowly》 、 被T Rex同名歌曲《20th Century Boy》感召而繪成嘅日本經典動漫《20世紀少年》一一浮現咗楊乃文以至成功世代人們最鐘意嘅樂團、傳奇嘅人物、Cult Movies《被膜拜的／邪典電影》、共同嘅文化符號同情感，唔係普通嘅翻唱舊歌。

2013年：ZERO

2013年，佢喺暫別樂壇七年後，出個人第五張全新專輯《ZERO》，專輯以個人擅長嘅搖滾曲風做主打。專輯製作群包括亂彈阿翔、張震嶽、范曉萱、徐佳瑩等人，直至呢張專輯，佢先搞個人出道後嘅首次簽名會。

2014年，佢再次以呢張專輯入圍第25屆金曲獎最佳國語女歌手獎，呢次係相隔14年再次入圍呢個獎項。另外，由張震嶽作曲嘅專輯單曲《未接來電》都入圍最佳作曲人獎。

2016年－2019年：綜藝節目、專輯

2016年11月，出第六張專輯《離心力》，呢次係佢第一次參與專輯所有嘅製作環節，包括選歌、編曲、製作、混音。當中嘅專輯同名主打歌《離心力》被叫做係佢出道以嚟口氣最「輕」嘅一首歌。 《離心力》被受好評，甚至被叫做「2016年催淚神曲」。

2017年，佢以呢張專輯三次入圍第28屆金曲獎最佳國語女歌手，《離心力》都入圍咗年度歌曲、最佳作曲人同最佳單曲製作人獎，最終由作曲嘅黃建為攞到最佳作曲人獎。

2016年11月，佢以「花粉過敏的花房姑娘」參加江蘇衛視《蒙面唱將猜猜猜》第一季。

2019年2月，加盟湖南衛視《歌手2019》、為第二位補位歌手，喺第三輪遭到淘汰，之後喺突圍賽演唱《證據》以第四名突圍失敗。同年11月15號，佢出全新專輯《越美麗越看不見》。

音樂作品

錄音室專輯

依序	發行日期	名	發行公司
1	1997年7月29號	《One》	魔巖唱片
2	1999年9月9號	《Silence》	魔巖唱片
3	2001年5月3號	《應該》	魔巖唱片
4	2006年12月1號	《女爵》	亞神音樂
5	2013年12月20號	《ZERO》	亞神音樂
6	2016年11月16號	《離心力》	亞神音樂
7	2019年11月15號	《越美麗越看不見》	亞神音樂

現場錄音專輯

依序	發行日期	名	發行公司
1	2015年6月5號	《TIMEQUAKE》	亞神音樂

精選輯

依序	發行日期	名	發行公司
1	2004年1月9號	《第一張精選》	滾石唱片

翻唱專輯

依序	發行日期	名	發行公司
1	2009年4月10號	《Self-Selected 我自選》	新力音樂

獨唱單曲

年份	歌名	備註
2001年	《Moon River》	《薰衣草》電視原聲帶
2007年	《貝阿提絲》	《幸運兒》音樂劇原聲帶
2009年	《True colors》	《BenQ LCD TV》廣告單曲
2012年	《放輕點》	《愛》電影原聲帶
2013年	《可惜愛》	電影《回到愛開始的地方》主題曲
2017年	《逃兵》	電影《綁架者》片尾曲
2019年	《寂寞孤島》	電視劇《流淌的美好時光》插曲

合唱單曲

年份	歌手	歌名	專輯
1996年	dMDM、楊乃文	《愛上你只是我的錯》（acoustic）、《再見離別》	《愛上你只是我的錯》
2008年	INORAN、楊乃文	《Journey》	《Shadow》
2010年	柯有倫、楊乃文	《我恨你》	《無畏無懼》

公益單曲

年份	歌手	歌名	備註
2019年	徐佳瑩、艾怡良、彭佳慧、楊乃文、蕭煌奇、伍思凱、黃子佼、陶晶瑩、光良、MATZKA、 魏如萱、柯智棠、HUSH、A-Lin、萬芳、江美琪、紀曉君、戴愛玲、桑布伊	《現在開始做朋友》	第二屆「愛之日常」音樂節主題曲

影視作品

音樂錄影帶

• 1994年：L.A Boyz《夏日戀曲》
• 2002年：張震嶽《雙手插口袋》
• 2008年：黃立行《黑夜盡頭》

電影／舞台劇

• 2000年：《175度色盲》（網路電影）
• 2005年9月：幾米《幸運兒》音樂舞台劇（飾演女主角：貝阿提絲）

《歌手2019》

2019年2月，加盟湖南衛視《歌手2019》、為第二位補位歌手，喺第三輪遭到淘汰，之後喺突圍賽演唱《證據》以第四名突圍失敗。

歌手2019 楊乃文競演排名
期數	輪數	播出日期	演唱歌曲	原唱	歌曲介紹	排名	得票率	出場序	備註
7	第三輪排位賽	2月22號	《女爵》	楊乃文	詞／曲：吳青峰 編曲：Nick Pyo	7	8.865%	8	個人最低排名
8	第三輪淘汰賽	3月1號	《浪裏游》	劉惜君	詞：郭　頂 曲：郭一霏、郭　頂 編曲：鄭　楠	7	7.685%	6	個人最低排名同得票率 兩場總成績第7名
9	第三輪踢館賽	3月8號	《推開世界的門》	楊乃文	詞／曲：黃少峰 編曲：韓立康、田雅欣、陳君豪	返場表演		3	—
12	突圍賽	3月29號	《證據》	楊乃文	詞：林暐哲 曲：陳綺貞 編曲：鄭　楠	4	10.89%	3	突圍失敗 個人最高排名同得票率

演唱會

演唱會

• 1997年：誕生前夕校園巡迴演唱會
• 1997年：秋季魔巖校園巡迴演唱會
• 1997年：春光乍現校園巡迴演唱會
• 1997年：伍佰& China Blue演唱會（演唱嘉賓）
• 1998年：MONSTER LIVE校園巡迴演唱會
• 1999年：OPEN UP校園巡迴演唱會
• 1999年10月：打破沈默街頭義演
• 1999年11月：「我給的愛」預唱會
• 2000年：魔巖春季校園巡迴演唱會
• 2000年：伍佰& China Blue《真世界演唱會》（演唱嘉賓）
• 2001年6月29號：HK HP 演唱會
• 2001年7月7號：《Back to Music》 售票演唱會（台北台大綜合體育館）
• 2001年8月：HK 添馬艦演唱會
• 2002年：伍佰& China Blue《九重天演唱會》（演唱嘉賓）
• 2006年2月：香港The Neo Concert演唱會
• 2006年5月：幾米迷宮天使概念演唱會（台北台北國際會議中心）
• 2006年7月15號、9月2號：Johnnie-Walker 黑次元演唱會
• 2006年11月21號：新專輯快閃搶聽演唱會（台北這牆音樂藝文展演空間）
• 2006年12月5號：第一屆簡單生活節（受邀演唱）（台北華山藝文特區）
• 2006年12月31號：台北市政府跨年演唱會（受邀演唱）（台北市府廣場）
• 2007年2月11號：Be In Love with 楊乃文數位演唱會 Champagne 3（松德路171號 B1）
• 2007年4月8號：墾丁春天吶喊（受邀演唱）
• 2007年4月14號：樂多女爵北京演唱會（售票）（北京星光現場）
• 2007年5月6號：第二屆台客搖滾嘉年華（受邀演唱）（台中大都會戲劇院預定地）
• 2007年7月13號：白色海洋音樂祭（受邀演唱）（台南鹽寮）
• 2007年8月26號：OKGO衝浪音樂節演唱會（臺北縣金山鄉）
• 2007年9月15號：《中國成都市百威啤酒晚會活動》演唱會
• 2007年10月12號：台北國慶晚會（台北中正紀念堂）
• 2007年11月12號：Johnnie Walker 「 黑牌 」中國之旅上海站 演唱會
• 2007年11月25號：「行政院新聞局補助樂團錄製有聲出版品成果發表會」演唱會
• 2007年12月1號：《Nokia》 音樂讓我說演唱會（受邀演唱）（台北台大綜合體育館）
• 2007年12月15號：伍佰 & China Blue《妳是我的花朵演唱會》（演唱嘉賓）（台北台北小巨蛋）
• 2007年12月31號：高雄市政府港都跨年煙火演唱會（受邀演唱）（高雄市高雄港碼頭）
• 2008年1月12號：香港Wlid Day Out演唱會
• 2008年1月18號：MINI CONCERT售票演唱會（台北市這牆音樂藝文展演空間）
• 2008年4月5號：墾丁春天吶喊（第二度受邀演唱）
• 2008年7月13號：貢寮海洋音樂祭（受邀演唱）
• 2008年8月23號：張震嶽 n FREE 9 演唱會（演唱嘉賓）（台北南港101）
• 2008年10月2號：Samsung《 Live is Life》演唱會（香港機場國際會議廳）
• 2008年10月10號：嘉義國慶晚會（嘉義市嘉義體育館）
• 2008年12月6號：第二屆簡單生活節（Jarvis 演唱嘉賓）（台北華山藝文特區）
• 2008年11月21號：楊乃文 Selected 2008售票演唱會（台北這牆音樂藝文展演空間）
• 2008年12月20號：楊乃文 Selected 2008售票演唱會（台北這牆音樂藝文展演空間）
• 2008年12月30號：Inoran日本演唱會（演唱嘉賓）
• 2009年6月13號：Have Faith! 楊乃文2009演唱會（台北台北小巨蛋）
• 2010年4月24號：音躍潮拜：義大搖滾之夜售票演唱會（受邀演唱）（高雄義大世界）
• 2010年11月27號：快樂天堂，滾石30演唱會（受邀演唱）（台北台北小巨蛋）
• 2010年12月31號：三天兩夜一起High台中跨年演唱會（受邀演唱）（台中市台中體育館）
• 2011年2月：Las Vegas Wynn Hotel商演
• 2011年2月18號：柯有倫無畏無懼演唱會（演唱嘉賓）（台北傳音樂展演空間 ）
• 2011年5月1號：快樂天堂，滾石30演唱會（受邀演唱）（北京鳥巢）
• 2011年5月21號：賓士不冷靜之夜（受邀演唱）（台北台北小巨蛋）
• 2011年10月5號：快樂天堂，滾石30演唱會（受邀演唱）（上海世博文化中心）
• 2011年10月10號：大彩虹音樂節（受邀演唱）（高雄真愛碼頭）
• 2011年11月2號：第二屆金音獎頒獎典禮（受邀演唱）（台北南港101）
• 2011年12月18號：快樂天堂，滾石30演唱會（受邀演唱）（深圳）
• 2011年12月31號：張宇二十年仰望個人演唱會（演唱嘉賓）（北京首都體育館）
• 2012年3月24號：Monkey pilot 猴子飛行員 BIG CHILD 專輯首賣演唱會（演唱嘉賓）（台北西門大河岸）
• 2012年4月29號：瑪克思大爬梯（受邀演唱）（北京）
• 2013年8月17號：【MTV X SPORT B. PLUGGED LIVE CONCERT 2013】（受邀演唱）（台北）
• 2013年8月18號：無懈可擊亞洲巔峰音樂節 Sonic Shanghai 2013（受邀演唱）（上海）
• 2013年8月30號：楊乃文 Fearless 2013售票演唱會 （台北【Legacy Taipei 傳】 音樂展演空間）
• 2013年8月31號：楊乃文 Fearless 2013售票演唱會 （台北【Legacy Taipei 傳】 音樂展演空間）
• 2014年1月4號：楊乃文ZERO個人售票演唱會（ATT SHOW BOX）
• 2014年1月11號：楊乃文ZERO個人售票演唱會（高雄駁二The Wall）
• 2014年5月18號：楊乃文ZERO Mini Live音樂會（上海MAO Live House）
• 2014年8月9號：楊乃文ZERO Mini Live音樂會（北京糖果TANGO）
• 2014年8月23號：超犀利趴5〈犀利好大趴〉演唱會（受邀演唱）（台北小巨蛋）
• 2014年9月20號：楊乃文ZERO Mini Live音樂會（長沙紅咖俱樂部）
• 2014年10月12號：楊乃文ZERO Mini Live音樂會（成都AMC Live House）
• 2014年12月20號：楊乃文 TIMEQUAKE 演唱會 (台北南港展覽館)
• 2015年5月2號：楊乃文U-Music北京音樂會（北京國家圖書館藝術中心）
• 2015年7月18號：楊乃文『BACK TO LIVE』 Legacy演唱會（Legacy Taipei 音樂展演空間）
• 2015年10月8號：楊乃文『BACK TO LIVE』 Legacy演唱會（Legacy Taichung 傳 音樂展演空間）
• 2019年04月13號：2019『 屏東三大號音樂節 』—演出嘉賓
• 2019年11月30號：第二屆『愛之號常音樂節』（Legacy Taichung 傳 音樂展演空間）—演出嘉賓
• 2019年12月14號：『HAKKA WHAT Festival 客莊鐵道時光- 內灣國小舞台｜戀戀山城』（內灣支線）—演出嘉賓

獎

金曲獎

年份	屆	專輯	獎	入圍	結果
2000年	第11屆金曲獎	《Silence》	最佳流行音樂演唱專輯獎	《Silence》	提名
			最佳國語女歌手獎		獲獎
2014年	第25屆金曲獎	《ZERO》	最佳作曲人獎	張震嶽《未接來電》	提名
			最佳國語女歌手獎	《ZERO》	提名
2017年	第28屆金曲獎	《離心力》	年度歌曲獎	《離心力》	提名
			最佳作曲人獎	黃建為《離心力》	獲獎
			最佳單曲製作人獎	黃建為、陳君豪《離心力》	提名
			最佳國語女歌手獎	《離心力》	提名

其他嘅獎

• 1997年
  • 中華音樂人交流協會十大單曲《星星堆滿天》
• 2000年
  • 中華音樂人交流協會十大專輯《Silence》同十大單曲《我給的愛》
• 2001年
  • 中華音樂人交流協會十大專輯《應該》同十大單曲《應該》
• 2017年
  • 「第21屆全球華語音樂榜中榜」傳媒推薦歌手獎
  • hito流行音樂獎Hit Fm最愛搖滾歌手獎
  • 中華音樂人交流協會十大單曲《離心力》

出面網頁

• 楊乃文嘅facebook頁
• 楊乃文嘅新浪微博
• YouTube上面嘅楊乃文 Naiwen Yang嘅頻道