楊枝甘露

楊枝甘露係一種香港甜品，製作材料包括沙田柚（或西柚）同芒果，重有西米、椰汁、鮮忌廉（或淡奶）同糖。柚子拆成肉，芒果就切粒，溝喺西米、椰汁同糖水度，雪凍後食。有啲甜品店更喺楊枝甘露中加入雜果或燕窩。

楊枝甘露

楊枝甘露嘅味道，又被製作成其他食品，例如楊枝甘露蛋糕、楊枝甘露布甸、楊枝甘露雪條等。

名稱典故

楊枝甘露本來係指觀音菩薩嘅一種法寶。觀音手執一個插住楊柳枝嘅寶瓶，瓶內嘅露水就叫做楊枝甘露。