蛋糕
想搵唐餅嘅蛋糕嘅話，請睇雞蛋糕。蛋糕（粵拼：daan6 gou1；英文：Cake）係一種嘢食，通常係甜嘅，典型嘅蛋糕係用焗嘅方式整出來。蛋糕嘅材料主要有麵粉、甜味劑（通常係蔗糖）、黏合劑（一般係雞蛋，素食主義者可用麵筋同澱粉代替）、起酥油（一般係牛油或人造牛油，低脂肪含量嘅蛋糕會用濃縮果汁代替），液體（牛奶，水或果汁），香精同發酵劑（例如酵母或者發酵粉）。
蛋糕一般係正式用餐，特別係婚禮或生日聚會時可選嘅甜品之一。喺某啲傳統度，新娘同新郎係第一個食結婚蛋糕嘅。生日蛋糕一般有題字同裝飾，重插有蠟燭。蠟燭要喺許願後吹熄。
點整
編輯- 打發法：牛油同糖打發後再慢慢加入其他嘅配料。
- 混融法：先將乾嘅配料溝埋一齊，再加入融咗嘅牛油同其他液體原料。
- 全混合：乾配料同起酥油一齊加入容器，再慢慢加入液體原料。
- 摩擦法：喺加入液體原料前將牛油擦入乾原料。
- 海綿法：先將雞蛋同糖打發出泡沫，再小心咁加入麵粉。呢種方法唔加任何發粉或油脂，需要較高嘅技巧先能打出海綿狀。
