榴槤粵拼lau4 lin4學名Durio zibethinus),又叫麝香貓果,係錦葵科榴槤屬植物。一般認為原產地喺泰國馬來西亞印度尼西亞汶萊。目前泰國、越南中國等都栽培[1]

How to read a taxoboxWikipedia:點樣睇生物分類框
How to read a taxobox
榴槤
榴槤
榴槤
打開咗嘅榴槤——果肉同籽
打開咗嘅榴槤——果肉同籽
物種分類
植物界 Plantae
被子植物門 Angiosperms
雙子葉植物綱 Eudicots
(未分級) 薔薇類 Rosids
錦葵類 Malvids
錦葵目 Malvales
錦葵科 Malvaceae
榴槤屬 Durio
榴槤 D. zibethinus
二元學名
Durio zibethinus
L. (1774)

榴槤喺東南亞被譽為「果王」,榴槤與眾不同嘅地方係佢獨特嘅氣味以及外殼上嘅刺。榴槤果實可以成長到30厘米(12英寸)長,直徑15厘米(6英寸)。榴槤嘅形狀多數係長橢圓形或圓形,顏色係綠色帶啡色,果肉呈淺黃色。

呢個種係國際貿易上最常見嘅榴槤屬物種,人工栽培嘅品種已有成百樣。除咗本種,重有另外8種可食用嘅榴槤屬物種,多數只喺原生地嘅市場上出現。

產地 編輯

呢一屬嘅植物係一種巨型嘅熱帶常綠喬木,原產東南亞,有「果王」之稱。原產地係汶萊印度尼西亞馬來西亞。亦有一啲人認為原產喺菲律賓。榴槤生長地遍佈東南亞佢主要生長喺泰國馬來西亞、印尼等地,其他種植榴槤地方包括柬埔寨老撾越南緬甸印度斯里蘭卡西印度群島佛羅里達州夏威夷巴布亞新畿內亞波利尼西亞群島馬達加斯加海南島澳洲北部同新加坡

外型 編輯

 
夜間開放嘅花
 
白天閉合嘅花
 
榴槤樹

榴槤樹高15至20米。葉片長圓,頂端較尖,聚傘花序,花色淡黃,果實好似足球咁大,果皮堅實,密生三角形刺,果肉係由假種皮嘅肉包組成,肉色淡黃,黏性多汁,酥軟味甜,食起來有雪糕嘅口感。

營養 編輯

榴槤營養豐富,100克榴槤含有熱量153卡路里蛋白質2.6克、脂肪3.4克、糖類27.9克、維他命B 20.13毫克、維他命C 23.3毫克,重有好多微量元素,包括。榴槤含豐富嘅雌激素可能增加女性嘅生育機會。

歷史 編輯

亞洲東南部早喺史前時代已食用榴槤,但西方世界認識榴槤得大概600年。已知歐洲最早榴槤嘅紀錄係意大利旅行家尼科洛·達·康提,喺15世紀前往東南亞時紀錄。葡萄牙醫生加西亞德奧爾塔(Garcia de Orta)喺1563年出版嘅書中描述榴槤喺印度當藥用。隨鄭和下西洋馬歡喺《瀛涯勝覽》記述蘇門答剌國嘅榴連「賭爾焉[註 1]」:「有一等臭果,番名『賭爾焉』,如中國水雞頭樣,長八九寸,皮生尖剌,熟則五六瓣裂開,若臭牛肉之臭,內有粟子大酥白肉十四五塊,甚甜美好吃,中有子可炒吃,其味如栗。[2]

成熟 編輯

榴槤係一種典型嘅熱帶生果,產地為泰國馬來西亞等國。某啲品種嘅榴槤(例如生長喺馬來西亞嗰種)唔摘得,唔係就唔能夠繼續成熟,果樹亦會受損傷。只有等佢成熟後自己跌落嚟。榴槤樹種類眾多,有啲種四、五年就可以結果,有嘅要六到八年先能夠結果。絕大多數嘅榴槤樹每年結果一次,一樖樹每年可生產七、八十個榴槤。佢重有個奇特現象就係老莖生花,因為佢一個果大嘅重達1-2公斤,樹上細小嘅樹枝好難承受咁重,佢就喺主幹開花結果。係適應環境嘅結果。一個榴槤樹掉下後不斷成熟嘅兩到四日,係最好味嘅,但經過五到六日後,大多數人會認為呢啲係爛熟又難食。

氣味 編輯

 
星加坡捷運上唔准帶榴槤嘅告示牌(右下圖)

人類對榴槤嘅氣味有非常極端嘅嗅覺反映,有部分人認為非常芳香,鍾意食嘅人覺得好香,越食越鍾意,越食越上癮;而另一部分人認為惡臭無比。佢嘅籽亦可以食。一般好少有一種生果有咁明顯嘅嗅覺反差,但由於考慮到公眾反映,唔少國家好似泰國新加坡酒店飛機同其他公共交通工具唔畀帶打開咗嘅榴槤。

成熟後自然裂口嘅榴槤,存放時間唔可以太耐,若果聞到有一股酒精味時,就係變咗質。未開口嘅榴槤,唔成熟嘅有一股青草味,成熟嘅散發出榴槤固有嘅氣味。

如果用手直接拎住榴槤食,手上嘅味道會殘留兩至三日,據講用榴槤嘅殼當容器盛水洗手,佢去除氣味嘅效果比用番梘洗手更好。

中國文學家郁達夫喺《南洋遊記》中曾寫道:「榴槤有如臭乳酪與洋蔥混合的臭氣,又有類似松節油的香味,真是又臭又香又好吃」[3]

用途 編輯

喺馬來西亞,榴槤嘅葉同根用來解熱,而葉汁用來醫發燒嘅病人。喺20世紀20年代,榴槤產品公司喺紐約推出咗一個叫「Dur-India」嘅保健產品,一打9美金,每個包含63片。

注意 編輯

因榴槤含較高,因此,糖尿病患者唔應該食或少食,尤其食嗰時唔好飲酒。榴槤含較高,所以有病、心臟病應小心食。榴槤性溫熱,故咽幹舌燥、喉痛乾咳、熱病體質、陰虛體質者應慎用。

註同攷 編輯

  1. 漢語拼音:dǔ'ér yān,係馬來話「durian」音譯。
  1. 昆明植物研究所. . . 中國科學院微生物研究所. 原著喺2013-12-13歸檔. 喺2009-02-24搵到.
  2. 馬歡瀛涯勝覽·蘇門答剌國》
  3. 帶水果之王--榴槤. 中華人民共和國駐馬來西亞大使館局網站. 2008-11-20. 喺2011-07-12搵到. {{cite web}}: Cite has empty unknown parameter: |coauthors= (help)