維基百科

歐洲中部時間

標準時間早過世界協調時間（ UTC ）一個鐘
(由歐洲中部冬令時間跳轉過嚟)

歐洲中部時間（英文：Central European Time，簡寫 CET，又簡稱中歐時間）係一個時區，時間定義係UTC+1，即係快協調世界時一個鐘。使用國家包括大部分歐洲國家，呢啲國家全部都有夏令時間，夏令時間係UTC+2，叫歐洲中部夏令時間。

歐洲時區分界圖，紅色係用歐洲中部時間嘅地區

部分北非國家亦都會用一樣嘅時區，但佢哋叫呢個時區做西非時間[1]。

使用範圍

編輯

截至2020年，正式使用歐洲中部時間嘅地區包括[2][3]：（按粵拼排序）

呢啲地區每年夏季都會轉用歐洲中部夏令時間。

非洲西部時間同歐洲中部時間嘅定義一樣，都係 UTC+1，但係冇分冬令夏令時間。使用非洲西部時間嘅國家之中，阿爾及利亞、摩洛哥、同突尼西亞亦會叫自己用嘅時區做「歐洲中部時間」，但係呢啲國家地理上喺非洲，亦唔會跟歐洲轉夏令時間[4]。

歷史

編輯
  • 1884年：塞爾維亞開始用CET[5]。
  • 1890年：而家嘅克羅地亞同匈牙利（奧匈帝國嘅一部分）開始用CET[6]。
  • 1891年：而家嘅捷克共和國（奧匈帝國嘅一部分）開始用CET[7]。
  • 1893年4月1號：統一咗嘅德意志帝國[8]、意大利[9]同馬耳他[10]，而家奧地利嘅地區開始用CET[11][註 1]。
  • 1894年：瑞士從UTC+3轉換為CET[12]，列支敦士登引入咗CET[13]，丹麥採用CET[14]。
  • 1895年：挪威採用CET[15]。
  • 1900年：瑞典採用CET[16]。
  • 1904年：盧森堡引入咗CET，但1918年冇再用[17]。
  • 1914年：阿爾巴尼亞採用CET[18]。
  • 1914-1918年：第一次世界大戰期間，所有嘅德國佔領區實施咗CET[19]。
  • 1920年：立陶宛採用CET（1940年廢止）[20]。
  • 1922年：波蘭採用CET[21]。
  • 1940年：喺德國佔領之下，荷蘭由UTC + 00：20切換到CET，比利時由世界標準時間+00：00切換到CET，盧森堡由世界標準時間+00：00切換到CET，法國喺1891年3月14號採用巴黎時間，再喺1911年3月9號採用格林威治嘅標準時間[22]，西班牙亦改用CET[23]。
  • 第二次世界大戰之後，摩納哥，安道爾同直布羅陀實施CET[24][25][26]。

同地方平時嘅差異

編輯
 
歐洲各地冬令時區同地方平時嘅差異。
色 採用時區同地方平時嘅差異
慢咗 1 h ± 30 m
0 h ± 30 m
快咗 1 h ± 30 m
快咗 2 h ± 30 m

歐洲中部時間有樣嘢有啲怪，就係佢覆蓋嘅地域勁闊，闊到包括咗唔少按照太陽時間或者地方平時根本唔應該擺入 UTC+1 嘅地區。最出名嘅例子包括法國同西班牙。法國同西班牙大部分地方都喺英國嘅西南偏南，理論上應該跟英國行同一個時區，但因為歷史原因跟咗歐洲中部時間。事緣世界各地採用以格林尼治時間為基準，再加減整數鐘頭嘅時區系統，其實係二十世紀初先開始。跟住第二次世界大戰爆發，法國俾德國佔領咗所以跟咗德國時間，西班牙獨裁者佛朗哥又同納粹德國獨裁者希特拉老友所以又跟埋德國時間。但打完仗，啲獨裁者死埋之後，法國同西班牙冇轉返更接近自己太陽時間嘅 UTC，一直留咗喺歐洲中部時間[27][28][29]。

喺使用歐洲中部時間嘅地方之中，地方平時快過歐洲中部時間超過半個鐘嘅地方好少，只有挪威東北、瑞典東北、波蘭東部、塞爾維亞東部、北馬其頓東部。

地理上應該用中歐時間，但用緊第啲時區

編輯

歐洲嘅呢啲區域係位於東經7°30′同埋東經22°30′之間（「物理」UTC+1），但唔用歐洲中部時間[30][31]：

用緊 UTC+2 嘅地區

  • 希臘嘅最西端，包括城市帕特雷、約阿尼納同埋克基拉島
  • 保加利亞嘅最西端，包括維丁同埋丘斯滕迪爾省
  • 羅馬尼亞嘅最西端，包括卡拉-塞韋林，蒂米甚（首都蒂米甚瓦拉），阿拉德同比霍爾嘅大部分地區，以及梅赫丁尼同薩圖馬雷縣嘅西部
  • 立陶宛西部，包括克萊佩達，陶拉格同特拉希亞等城市
  • 愛沙尼亞最西部嘅島：薩列馬島同希烏馬島
  • 芬蘭西南海岸，包括圖爾庫市同奧蘭群島（受到芬蘭嘅管轄）–奧蘭群島係整個歐洲用歐洲東部時間嘅最西端地區
  • 芬蘭嘅西北部，包括基爾皮斯耶爾維同埋卡雷蘇萬托
  • 拉脫維亞西部，包括利耶帕亞同文茨皮爾斯市
  • 烏克蘭同匈牙利同埋斯洛伐克相鄰外喀爾巴阡州
  • 俄羅斯嘅加里寧格勒州外飛地西部[32]

位於 UTC+1 相應嘅經線以外，但用緊歐洲中部嘅時間嘅地區

編輯

呢啲區域係位於東經7°30'以西或者東經22°30'以東（「物理上」屬於其他時區）[33][34]：

喺西經22°30′同埋西經7°30′之間嘅區域（物理上嘅UTC-1）

 
非洲時區地圖，紅色係非洲西部時間，時區定義同歐洲中部時間一樣
  • 西班牙內陸嘅最西端（加利西亞，例如拉科魯尼亞市）；菲尼斯特雷角（Cape Finisterre）同加利西亞（Galicia）係位於東經9°18′附近嘅點，呢兩個城市係西班牙嘅最西端。
  • 挪威揚·馬延島（Jan Mayen）係位於呢個區域入面，向西延伸至菲尼斯特雷角（Cape Finisterre），佢嘅西端為西經9°5′，東端為西經7°56′。

如果計埋非洲西部時間，摩洛哥西部同西撒哈拉都屬於呢一類。

喺西經7°30′同埋東經7°30′之間嘅區域（物理上嘅UTC±0）

  • 安道爾
  • 比利時
  • 法國，除咗內陸上兩個最分開嘅最東端嘅部分例外，一個沿住阿爾薩斯東部，包括咗斯特拉斯堡同阿爾卑斯濱海省嘅部分地區，以及科西嘉島 [註 2]。
  • 德國最西端嘅地區，包括咗薩爾布呂肯市、杜塞爾多夫市、科隆市、亞琛市同特里爾市。
  • 意大利最西端嘅地區，包括奧斯塔山谷嘅奧斯塔市同皮埃蒙特嘅庫尼奧市。
  • 盧森堡
  • 摩納哥
  • 荷蘭
  • 挪威嘅最西端，包括卑爾根同斯塔萬格市
  • 西班牙，除咗內陸嘅最西端（睇返上文）同加那利群島[註 3]
  • 直布羅陀
  • 瑞士西過伯恩啲埞（包括伯恩），仲包括唔少城市，例如巴塞爾、日內瓦、洛桑同弗里堡。
  • 大部分嘅阿爾及利亞嘅城市，包括首都阿爾及爾[35]

喺東經22°30′同埋東經37°30′之間嘅區域（物理上嘅UTC+2）

  • 北馬其頓嘅最東端，包括斯特魯米察市
  • 塞爾維亞嘅最東端，佢係位於皮羅特地區，包括皮羅特市，以及波爾區嘅最東端。
  • 匈牙利同埋斯洛伐克嘅最東端，分別同烏克蘭嘅橫貫喀爾巴阡州（Zakarpattia Oblast）接壤，位於匈牙利嘅瓦沙羅什瑙梅尼市嘅東面–烏克蘭嘅烏日霍羅德（均為東經22°18′）線。
  • 波蘭嘅最東端，包括魯布林同比亞韋斯托克等城市
  • 瑞典嘅東北部，喺北博滕省，包括加利克斯同哈帕蘭達等城市
  • 挪威嘅東北部，位於芬蘭北部，同芬馬克郡大致吻合。挪威最東端嘅小鎮瓦德（Vardø）位於東經30°51′，位於最東端，甚至位於中央子午線（UTC + 02：00）嘅東部，即係伊斯坦布爾同亞歷山大嘅東部[註 4]。
  • 歐洲中部時間（UTC+1 / +2）同莫斯科時間（UTC+3）有兩個接壤地點：挪威、俄羅斯邊界，同埋波蘭、白俄羅斯邊界。每年冬天，過呢啲陸路邊界校鐘時需要褪兩個鐘頭（夏季為一個鐘）[註 5]。

註

編輯
  1. ↑ 德意志帝國統一嘅時區使用具有MEZ嘅CET，同其他歐洲大陸國家用嘅唔同。
  2. ↑ 法國嘅海外部門會用返當地時間，而唔係跟返法國嘅時間。
  3. ↑ 除咗加納利群島嘅西經7°30′以外，其他嘅地方都係用UTC + 00：00。
  4. ↑ 太陽喺上晝10:56達到最高點，儘管喺北緯70°位置，太陽嘅高度變化唔大。
  5. ↑ 喺Muotkavaara附近嘅挪威-芬蘭-俄羅斯三點處會有一個「三區」點, 分別喺冬季UTC+1，UTC+2同埋UTC+3會合。 而喺夏季，芬蘭同俄羅斯會位於UTC+3。

參考

編輯
  1. ↑ "West Africa Time Zone - WAT". WorldTimeServer.com (英文). 2016-01-08. 喺2020-02-10搵到.
  2. ↑ "CET – Central European Time (Time Zone Abbreviation)". www.timeanddate.com (英文). 喺2020-02-09搵到.
  3. ↑ "Central European Time Zone - CET". WorldTimeServer.com (美國英文). 2015-11-19. 喺2018-07-19搵到.
  4. ↑ "Daylight Saving Time Around the World 2020". www.timeanddate.com (英文). 喺2020-02-10搵到.
  5. ↑ "Time Zone & Clock Changes in Belgrade, Serbia". www.timeanddate.com (英文). 喺2018-07-19搵到.
  6. ↑ "Time Zone & Clock Changes in Budapest, Hungary". www.timeanddate.com (英文). 喺2018-07-19搵到.
  7. ↑ "Daylight Saving Time Changes 1891 in Prague, Czech Republic". www.timeanddate.com (英文). 喺2018-07-19搵到.
  8. ↑ Bartky, Ian R. (2007). One Time Fits All: The Campaigns for Global Uniformity. Stanford University Press. pp. 126–7. ISBN 0804756422. 喺18 August 2015搵到.
  9. ↑ "Time Zone & Clock Changes in Rome, Italy". www.timeanddate.com (英文). 喺2018-07-19搵到.
  10. ↑ "Time Zone & Clock Changes in Valletta, Malta". www.timeanddate.com (英文). 喺2018-07-19搵到.
  11. ↑ "Time Zone & Clock Changes in Vienna, Vienna, Austria". www.timeanddate.com (英文). 喺2018-07-19搵到.
  12. ↑ Messerli, Jakob. "Zeitsysteme". HLS-DHS-DSS.CH (德文). 喺2018-07-19搵到.
  13. ↑ "dullophob". www.dullophob.com. 原著喺2018-07-19歸檔. 喺2018-07-19搵到.〈存档副本〉。歸檔時間2018-07-19。喺2020-02-10搵到。{{cite web}}: CS1 maint: bot: original URL status unknown (link)
  14. ↑ "Time Zone & Clock Changes in Copenhagen, Denmark". www.timeanddate.com (英文). 喺2018-07-19搵到.
  15. ↑ "Daylight Saving Time Changes 1895 in Oslo, Norway". www.timeanddate.com (英文). 喺2018-07-19搵到.
  16. ↑ "Time Zone & Clock Changes in Stockholm, Sweden". www.timeanddate.com (英文). 喺2020-02-10搵到.
  17. ↑ "Daylight Saving Time Changes 1904 in Luxembourg, Luxembourg". www.timeanddate.com (英文). 喺2020-02-10搵到.
  18. ↑ "Time Zone & Clock Changes in Tirana, Albania". www.timeanddate.com (英文). 喺2020-02-10搵到.
  19. ↑ "CET - Central European Time". www.thetimenow.com (英文). 喺2020-02-10搵到.
  20. ↑ "Time Zone & Clock Changes in Vilnius, Lithuania". www.timeanddate.com (英文). 喺2020-02-10搵到.
  21. ↑ "Time Changes in Poland 2017". www.vercalendario.info (英文). 喺2020-02-10搵到.
  22. ↑ Bartky, Ian R. (2007). One time fits all : the campaigns for global uniformity. Stanford, Calif.: Stanford University Press. ISBN 978-0-8047-5642-6. OCLC 123377296.
  23. ↑ "Current Local Time in Barcelona, Barcelona, Spain". www.timeanddate.com (英文). 喺2020-02-10搵到.
  24. ↑ "Time in Monaco". www.timeanddate.com (英文). 喺2020-02-10搵到.
  25. ↑ "Time in Andorra". www.timeanddate.com (英文). 喺2020-02-10搵到.
  26. ↑ "Time in Gibraltar". www.timeanddate.com (英文). 喺2020-02-10搵到.
  27. ↑ nessafrance (2012-03-25). "A Brief History of (French) Time". Life on La Lune (英文). 喺2020-02-09搵到.
  28. ↑ Jessop, Tara. "Spain Has Been in the 'Wrong' Time Zone for 7 Decades, Here's Why". Culture Trip. 喺2020-02-09搵到.
  29. ↑ "Here are some of the world's most stupid time zones | CityMetric". www.citymetric.com. 原著喺2020-04-02歸檔. 喺2020-02-09搵到.
  30. ↑ "Greece Time Zone". 喺2018-07-20搵到.
  31. ↑ "Europe Time Zones Map With Zone - madriver.me". madriver.me. 原著喺2018-07-20歸檔. 喺2018-07-20搵到.
  32. ↑ "Current Local Time in Kaliningrad, Russia". www.timeanddate.com (英文). 喺2020-02-10搵到.
  33. ↑ "Greece Time Zone". www.timetemperature.com. 喺2018-07-20搵到.
  34. ↑ "Europe Time Zones Map With Zone - madriver.me". madriver.me. 原著喺2018-07-20歸檔. 喺2018-07-20搵到.
  35. ↑ "Current Local Time in Algiers, Algeria". www.timeanddate.com (英文). 喺2020-02-10搵到.
由「https://zh-yue.wikipedia.org/w/index.php?title=歐洲中部時間&oldid=1901419」收