永樂街（Wing Lok Street）係香港香港島近上環電車總站南面嘅一條街，歷史悠久。近街嘅鋪頭好多都係賣南北貨海味「鮑參翅肚」嘅，所以係有名嘅海味街。條街全長950米，東西走向，沿途經過德輔道中、林士街、文華里、禧利街嘅港鐵港島綫上環站A2入口、急庇利街、摩利臣街、德輔道西等。
永樂街處於低窪地帶，所以落大雨嘅時候，部分地段會水浸及腰，成幾尺水，海味乾貨嘅老闆就損失慘重，叫晒救命。呢個問題，香港政府話整緊，幾年後就會搞掂。而家有水浸，就用短訊通知先。
