上環站
上環站（粵拼：soeng6 waan4 zaam6；英文：Sheung Wan Station）係港鐵港島綫嘅車站，響香港島中西區上環德輔道中地底，響1983年3月開始起，1986年5月23號起好。呢個站係地底車站，有兩個側式月台，全部月台都有月台幕門。上環站喺計劃之時，叫上環街市站（Western Market Station，屬港島綫）站同林士站（Rumsey Station，屬東九龍綫）。
.JPG) 上環站2號月台 | |
| 站名 | |
| 中文名 | 上環站 |
| 英文名 | Sheung Wan Station |
| 站代碼 | SHW |
| 基本資訊 | |
| 途經路線 | 港島綫 |
| 站服務時間 | 0555-0116 |
| 接駁交通 | 巴士、小巴、電車 |
| 車站結構 | |
| 站類 | 地底 |
| 月台類 | 側式月台 （分離式月台） |
| 月台數 | 2 |
| 出口數 | 10 |
| 其它設施 | 其它無障礙設施 |
| 地圖 | |
 | |
.jpg)
車站結構改
車站樓層改
| 地面 | - | 出口 |
| L2 大堂 |
德輔道中大堂 | 客務中心、車站商店 |
| 恒生銀行、自動售賣機、自動櫃員機 | ||
| 林士街大堂 | 客務中心、車站商店 | |
| 恒生銀行、自動櫃員機 | ||
| L3 閣樓 |
德輔道中大堂 | 車站通道去各月台同A至D出口 |
| 林士街大堂 | 林士站東九龍綫預留月台 | |
| 林士街大堂 | 林士站東九龍綫預留月台 | |
| L5 月台 |
||
| ➊ | 往柴灣 | |
| 路軌 | ||
| 路軌 | ||
| ➋ | 往堅尼地城 | |
車站大堂改
兩個大堂淨係有兩個位置連接兩個港島線月台，同埋扶手電梯嘅位置設計唔方便，所以乘客由車站大堂來往月台要好耐，喺繁忙時間好迫，好多人都話唔方便。
林士街大堂改
- 內文： 東九龍綫 (舊)
.JPG)
林士街大堂原本係計劃緊嘅東九龍綫林士站車站大堂（睇#車站歷史）。為免起林士站嘅時候影響上環站運作，前地鐵起上環站時已經響林士街地底預留該站車站大堂同埋月台。林士站本身都有車站控制室、完整嘅車站大堂、商店及客戶服務中心等，具備獨立運作嘅條件。但因為東九龍綫計劃擱置，林士站嘅車站大堂，而家成為上環站嘅其中一個車站大堂，同上環站本身個大堂互不相連。
車站商店及自助服務改
車站商店改 |
自助服務改 |
車站月台改
港島綫月台改
上環站港島綫嘅月台設計，有別於港島綫其他車站。1號同2號月台睇落好似兩個響唔同層數嘅單向式月台，但事實上係對向式月台設計，只係兩個月台之間畀牆壁完全阻隔，令乘客唔知道兩月台位於同一層，同南昌站（西鐵綫）、荃灣西站同坑口站嘅設計類似。以前港島綫西延未通車嗰陣，當港鐵列車響南面嘅2號月台落客後，便會利用無人駕駛列車系統駛入車站西面嘅掉頭路軌，再掉頭進入北面嘅1號月台上客。而上環站掉頭路軌盡頭位於德輔道西同高陞街交界，預留做延伸港島綫之用，詳情請參考港島綫西延。
東九龍綫預留月台（林士站）改
- 內文： 東九龍綫
.JPG)
.JPG)
位於林士街地底嘅空置月台，呈南北走向，同港島綫月台成一直角。該島式月台原本預留做東九龍綫林士站之用，自上環站啟用至今一直空置，月台邊緣設有欄杆以防止乘客誤闖隧道，未裝任何路軌或架空電纜。港鐵公司將月台嘅兩面用磚牆封咗，只留低約60米（約八份之三個正常月台）嘅月台位置，設置通道連接林士街車站大堂同港島綫月台。而喺月台北面有兩條上咗鎖嘅臨時樓梯，方便清潔工人入去隧道做清潔。月台上嘅舊式吊板、柱同埋牆上都無印站名同埋任何資料。以上各點，再加上同上環站一樣以淺棕色為車站主色，同一般車站嘅柔和燈光對照下，成個被荒廢咗嘅月台更加令人覺得陰深恐怖。
由於林士站同上環站本身嘅結構唔同（上環站以港島線圓管型設計，同其他站同樣印有毛筆字「上環」；林士站就用觀塘線及荃灣線嘅方型設計），另外港島西環一帶附近有前身為隔離精神病院嘅高街鬼屋，加上上環多咗一個荒廢月台，因此傳說林士站「猛鬼」，但隨住多方人士考究證據，呢個傳聞亦不攻自破，但就令上環站多咗份神秘感。
該月台而家係兩條單方向通道，一條由上環站2號月台（往堅尼地城方向）連接林士街大堂，另一條由林士街大堂連接上環站1號月台（往柴灣方向），2條通道各設有2組共4條扶手電梯，並以圍欄分隔，互不相通。如果乘客錯誤走到連接林士街大堂的通道，則可以用林士街售票大堂嘅升降機到達上環站1號月台（往柴灣方向），再行去德輔道中大堂。
車站出口改
上環站共設有10個出口，主要往返上環同中環嘅主要商業中心區同埋其他周邊設施。
德輔道中大堂改
林士街大堂改
車站周邊改
鄰接車站改
| 港島綫 | ||
| 堅尼地城 - 香港大學 - 西營盤 - 上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣 | ||
接駁交通改
- 電車
- 新世界第一巴士
- 2、3A、4、4X、18、26、91、94、720、720P、722、H1
- 城巴
- 1、5B、7、10、37A、37B、37X、71、71P、90B、780、788、A11、E11、E11A、N8X、N90
- 過海隧道巴士
- 101、104、109、111、111P、113、115、115P、182、307、601P、603、603S、619、619X、680X、681P、905、914、914X、930、930A、948、948P、960、960P、960S、961、962、962A、962B、962S、962X、967、968、969、969A、969B、969P、N11、N121、N182、N368、N619、N680、N691、N962、N969
- 港島專線小巴
- 54 - 中環渡輪碼頭 ↔ 瑪麗醫院
- 渡輪
利用狀況改
上環站同中環站一樣，位於中西區嘅商業區內，繁忙時間車站都有返工乘客搭港鐵。加上近住港澳碼頭，所以每日使用本站轉乘其他交通工具嘅乘客非常之多。使用人士來自帝后華庭、達隆名居、文咸街同埋永樂街往來中環、銅鑼灣及太古城嘅住戶同埋返工人士。
車站歷史改
上環站前身係喺1967年9月嘅《香港集體運輸研究》同1970年《集體運輸計劃總報告書》所提及嘅港島綫上環街市站。而喺1970年嘅方案中，同時建議喺上環街市站起東九龍綫林士站，成為而家上環站雛型。
1980年12月，香港政府正式批准起港島綫，終點站由堅尼地城站縮短至上環站。同1970年方案唔同嘅係，成個車站都向地底下移幾十米，並由島式月台改做側式月台，以便保護四周建築物發展。為避免起東九龍綫終點站嗰時會影響上環站嘅運作，響林士街地底預留咗該站車站大堂及月台。因1983年上半年建造嘅中環站四號月台隧道興建錯誤同埋地面建築物重建搬遷工作出現延誤，上環站趕唔切喺1985年5月31號落成，而需要延至1986年5月23號先至啟用。
另一方面，由於東九龍區人口增長放緩同埋落實搬遷啟德機場，東九龍綫嘅落實一直遙遙無期，而林士街嘅東九龍綫預留月台亦一直空置。1990年，政府更喺《香港運輸政策白皮書》提及東九龍綫原有過海路段由機場快綫取代，並重新規劃東九龍綫，意味住林士街月台將會冇用武之地。
於2003年，地鐵曾經考慮用林士街月台做西港島綫（暫稱南港島綫西段）嘅總站。但喺2004年3月嘅計劃中，西港島綫（暫稱南港島綫西段）改喺西營盤站同港島綫西延（起嗰時叫「西港島綫」）交匯，令林士街月台將來用嘅機會更渺茫。
2014年12月28號，港島綫由上環站伸延至港島西區嘅堅尼地城站，上環站失去港島綫西端終點站嘅地位。同時，上環站嘅單向人流設計亦需要作出改變，以配合該站變成中途站嘅人流方向改變。
未來發展改
林士街月台改
港鐵公司擬喺2010年填平林士街月台，係上環站擴建計劃之一，填平後嘅用途仍然未定。
上一站‧下一站改
| 上一站 | 港鐵 | 下一站 | ||
|---|---|---|---|---|
往堅尼地城
|
港島綫 | 往柴灣
|
列車班次改
| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
| 維基同享有多媒體嘅嘢： 上環站 |